tgoop.com/klakavy/4745
Create:
Last Update:
Last Update:
❕️❕️❕️❕️❕️❕️❕️❕️❕️❕️❕️❕️❕️❕️
कुणी कसं जगायचं हे
इतरांनी कसं ठरवावं
आपण बरोबर की चूक
हे ज्याचं त्याने पहावं
नसतो कुणीच कधीच
नेहेमी चूक किंवा बरोबर
मर्यादा असतात प्रत्येकाला
एक माणूस म्हणून पहावं
टोकाच्या भूमिकेचा त्रास
स्वतःलाच जास्त होतो
शक्यतो शक्य असेल तर
टोकाला जाणं टाळावं
मिळतो क्षणिक आनंद
तात्पुरते समाधानही
पण दुखावली जातात मनं
रागाला जरा आवरावं
असतात भावना प्रत्येकाला
ईच्छा, अपेक्षाही असतात
स्वतः पाहिजे तसं वागतांना
इतरांनाही वागू द्यावं
प्रत्येकजण चुकतो,
कुणी त्यातून शिकतो,
कुणी पुन्हा चुकतो
कधी शिकता शिकता चुकावं
कधी चुकता चुकता शिकावं
✒️सचिन सवाई
@klakavy
❕️❕️❕️❕️❕️❕️❕️❕️❕️❕️❕️❕️❕️❕️
BY मराठी साहित्य
Share with your friend now:
tgoop.com/klakavy/4745