Kompyuter Akademiyasi (Telegram)
#kanal

Manzil: https://www.tgoop.com/kompyuter_akademiyasi
Ishga tushirilgan sana: 20.05.2020
Loyiha rahbari: Valijon Maxmudov

💼 @ka_projects

Loyiha haqida: Men talabalik paytlarim (2015-yillari) dan kompyuterni o'rganishni boshlagandim. Ko'pchilik do'stlarim va ustozlarim kompyuter bo'yicha yordam so'rashar edi va ular asosan bir xil narsani bajarib berishimni so'rashardi.

O'shandan buyon barcha uchun qulay va tushunarli videodarslar yozishim kerakligi haqida o'ylab qoldim va kanalim loyihasini tuzib yurdim. 2020-yil pandemiya sababli ko'pchilik qatori men ham uyga "qamaldim". 2020-yil may oyiga kelib kanalni ochishim kerakligini angladim va ma'lumotlar to'plashga kirishdim. 20-may kuni KA'ni telegramdagi kanalini ochdim va shu zahoti 10 ga yaqin videolar va ma'lumotlarni joyladim.

✅ Kanalni yuritishda shior sifatida "Oddiy! Ishonchli! Foydali!" ni tanlaganman.

Oddiy - kanalda beriladigan barcha darslar oddiy tilda, hamma tushunadigan qilib beriladi.

Ishonchli - kanalga joylanayotgan ma'lumotlar va fayllar albatta tekshiriladi.

Foydali - berilayotgan ma'lumotlar va fayllar kimgadir foydali bo'lishi shart. Balki shu sababli ham kanalda o'yinlar haqida ma'lumotlar yo'qdir.

Kanalga birorta post tayyorlashda shu shiorga amal qilishga harakat qilaman.

Kanal xarajat va daromadi: KA'ni rivojlantirish uchun albatta reklama qilishim kerak edi. Chunki telegramni yomon tomoni undagi kanal yoki guruhlarni birovlar topishi biroz mushkul. Shu sababli hozirga qadar 500 ming so'mga yaqin (balki ortiq) reklama uchun harajatlar qildim. Kanal auditoriyasi ko'payganidan keyin (adashmasam oktabr oyidan boshlab) reklama sotishni ham yo'lga qo'ydim (@kaads) va hozirda kanal (+) ga kirgan. Kanaldan tushgan daromadni kanalni yuritishga yoki kontent sifatini oshirishga xizmat qiluvchi jihozlarni sotib olishga sarflash niyatidaman.

💼 @ka_projects

Kompyuter Akademiyasi (YouTube)
#kanal

Manzil: https://youtube.com/c/kompyuterakademiyasi
Ishga tushirilgan sana: 01.06.2020
Loyiha rahbari: Valijon Maxmudov

💼 @ka_projects

Loyiha haqida: Telegramdagi kanalni ochganimdan keyin men beradigan asosiy kontent video formatda bo'lishini hisobga olgan holda 1-iyun kuni YouTube'dagi kanalni ishga tushurdim. Kanal ochilgan zahotiyoq 10 ga yaqin sifatli video joylangan edi. YouTube'da birinchi ishlashim edi. YouTube'da kanal yaratish va yuritish bo'yicha rus va ingliz kontentlaridan ma'lumotlar olib, ularni amaliyotga qo'llab keldim. Kanallarni yaratish va yuritishda rus va ingliz tillarini bilganim ancha qo'l kelgan. Shu sababli ham hammaga til o'rganishni tavsiya qilaman.

Kanallarim uchun videolarni Movavi Video Editor dasturi yordamida montaj qildim va hozirgacha qilib kelaman. Bu dasturni tanlashimga sabab esa noutbukim unchalik kuchli emas hamda videomontaj sohasida yetakchi bo'lgan Premiere Pro va boshqa og'ir dasturlar bilan ishlay olmasligi edi. YouTube uchun videolarni 1080p formatida tayyorlash va yuklash kerak edi. Yuqori formatdagi video albatta katta hajmga ega bo'lar edi. Shu sababli ba'zan telefonim trafigi (WiFi yo'q edi, hozir ham yo'q) tugab qolgani tufayli videolarni chiqara olmay qolgan paytlarim ham bo'lgan.

Kanal xarajat va daromadi: YouTube'dagi kanalim uchun hech qanday harajat qilmaganman. Telegramdagi kanalimni reklama qilish orqali YouTube'dagi kanalim obunachilari oshib bormoqda.
YouTube'da kanalni rivojlantirish huddi lentali konveyerda ishlashga o'xshaydi. Siz bir amallab kanalingizni konveyerga chiqarib olib, sifatli kontent yaratishda davom etsangiz YouTube'ni o'zi loyihangizni rivojlantirib beradi.

Nasib qilsa YouTube'da bir qancha loyihalarni yaratmoqchiman. Va albatta YouTube'dan olgan tajribalarimni ham tekinga bo'lishish niyatim bor.

🔄 Tah.: Loyiha YouTube maʼmuriyati tomonidan toʻliqligicha oʻchirib tashlangan.

💼 @ka_projects

Kompyuter Akademiyasi Jamoasi
#guruh

Manzil: https://www.tgoop.com/k_a_chat
Ishga tushirilgan sana: 07.08.2020
Loyiha rahbari: Valijon Maxmudov va 10 dan ortiq tajribali adminlar

💼 @ka_projects

Loyiha haqida: KA biroz rivojlangandan keyin telegram botimiz (@kompyuter_yordam_bot) orqali savollarga javob berishga ulgurmay qolishni boshladim va kanal guruhini ochishim kerakligini angladim. Bu bo'yicha kanalda ham so'rovnoma o'tkazdim, ko'pchilik guruh ochish fikrini ma'qullashdi. 7-avgust kuni guruh ishga tushdi.

Guruhni yuritishda o'zini guruhdagi faolligi bilan ajralib turgan insonlardan yordam olish haqida o'yladim. Chunki bir o'zim katta auditoriya bilan ishlashga qiynalar edim. Shu sababli guruh uchun bir qancha adminlar tayyinlash uchun guruhdagi faol, bilimli va tartibli insonlarga guruhda admin bo'lishini iltimos qildim va ular rozi bo'lishdi. Hozirda guruhimizda 10 dan oshiq tajribali adminlar jamlangan. Men ular bilan faxrlanaman!

Guruhni yuritishda saviyani saqlashga katta e'tibor beraman va buni adminlardan ham so'raganman. Guruhda imkon qadar faqat kompyuter, internet, zamonaviy texnikalar haqida savol-javoblar bo'lishini nazorat qilamiz. Tanishuvlar, hayriya bo'yicha xabarlar (o'zi xohlagan odam hayriya qilish uchun manzil topoladi), reklamalar, "tilanchilik xabarlari" (layk bosish iltimoslari) kabi xabarlar o'chiriladi.

💼 @ka_projects

Foydali Mobil Dasturlar [Android]
#kanal

Manzil: https://www.tgoop.com/foydali_apk1
Ishga tushirilgan sana: 01.01.2021
Loyiha rahbari: Valijon Maxmudov

💼 @ka_projects

Loyiha haqida: Ushbu kanalga o'zim foydali va kerakli deb bilgan hamda ancha yillardan beri foydalanib keladigan mobil dasturlar haqida postlar yozib boraman.

📲 Kanalda faqat android dasturlari haqida gap ketadi, chunki faqat android ishlatganman. Shu bilan birgalikda dasturlarni yuklash uchun Play Marketdagi manzili beriladi. Bunga sabab esa Play Marketdan eng so'ngi va xavfsiz versiyasini yuklab olishingiz mumkin.

💼 @ka_projects

Adashmasam bugun YouTube'dagi kanalim monetizatsiyaga ulandi (1-2 ta chala ishlari bo'lishi mumkin)

💲Monetizatsiya - YouTube'dagi kanalni moliyalashtirish ya'ni kanal egasiga daromad keltirishni boshlashi. Bunda men YouTube bilan shartnoma tuzaman, shartnoma bo'yicha YouTube meni videolarimga o'zini reklamasini joylaydi. Videolarimda ko'rilgan reklamalar uchun esa menga ham pul to'laydi. Youtube bu yerda dallollik vazifasini bajaradi.

📃 Monetizatsiya bo'yicha 2020-yilning dekabr oyi oxirida so'rov jo'natgan edim.

😊 Endi YouTube'dagi kanalimdagi videolarda reklamalar paydo bo'ladi. Nasib qilsa bu sohani ham yaxshi o'rganib, reklamalarni tartibga keltiraman.

🤔 Aytishlaricha videodagi 1000 ko'rishlar soni uchun o'rtacha $1-2 to'lar ekan. Qolganini vaqt ko'rsatadi.

💼 @ka_projects

💻 Kompyuter Akademiyasida barchasi qanday boshlangan edi? (qisqa boshlanish tarixi)

• 2020-yil may oyida maʼlumotlar to'plash boshlandi.
• 20-may telegramda, 1-iyun YouTube'da kanallar ishga tushdi.
• 1-iyulda YouTube kanalimdagi videolar soni 50 ga yetdi.
• 11-iyulda telegramdagi kanalni birinchi marta reklama qildim (30 ming so'mga) va 175 obunachi qo'shilgan.
• 23-iyulda telegramdagi obunachilarim 300+, YouTube'dagi esa 50 ga yetdi.
• 25-iyulda yana reklama berdim. Telegram +325, YouTube +24.
• 30-iyulga kelib esa telegramdagi obunachilarim 700+ bo'lgan edi.

📝 Yuqoridagilar bir vaqtlar kichik bloknotimga yozganlarim edi. Undan keyin yozishni davom ettirmadim.

☑️ Ushbu postdan shunday xulosa chiqarishingizni xohlardim: Yaxshi niyatni amalga oshirish uchun tinimsiz mehnat qilinsa, Alloh albatta barakasini beradi. Baʼzan bunga sabr ham qilish kerakligini unutmaslik kerak.

💼 @ka_projects

Kompyuter Akademiyasi (Telegram)'dagi obunachilar sonini o'sishi

Kanal 20-mayda ochilganligi sababli, nasib qilsa, har oyning 20-sanasidagi kanal auditoriyasi haqida ma'lumot berib boraman.

📅 2020-yil
20-mayda: 44 obunachi
20-iyunda: 105 obunachi
20-iyulda: 293 obunachi
20-avgustda: 2441 obunachi
20-sentabrda: 4409 obunachi
20-oktabrda: 6908 obunachi
20-noyabrda: 11.73k obunachi
20-dekabrda: 13.67k obunachi

📅 2021-yil
20-yanvarda: 15.19k obunachi
20-fevralda: 17.86k obunachi
20-martda: 18.92k obunachi
20-aprelda: 21.01k obunachi
20-mayda: 22.74k obunachi 🎂
20-iyunda: 24.68k obunachi
20-iyulda: 23.92k obunachi
20-avgustda: 24.64k obunachi
20-sentabrda: 24.75k obunachi
20-oktabrda: 26.52k obunachi
20-noyabrda: 26.65k obunachi
20-dekabrda: 28.24k obunachi

📅 2022-yil
20-yanvarda: 28.98k obunachi
20-fevralda: 30.18k obunachi
20-martda: 29.90k obunachi
20-aprelda: 31.13k obunachi
20-mayda: 32.21k obunachi 🎂
20-iyunda: 33.17k obunachi
20-iyulda: 32.74k obunachi
20-avgustda: 32.01k obunachi
20-sentabrda: 31.81k obunachi
20-oktabrda: 33.18k obunachi
20-noyabrda: 33.44k obunachi
20-dekabrda: 33.61k obunachi

📅 2023-yil
20-yanvarda: 34.17k obunachi
20-fevralda: 34.97k obunachi
20-martda: 34.89k obunachi
20-aprelda: 34.86k obunachi
20-mayda: - k obunachi 🎂

📊 Vizual holatda ushbu havolada ko'rishingiz mumkin.

💼 @ka_projects

Hamma narsa vaqt o'tishi bilan yaxshilanib borishi kerak

ℹ️ Kecha ilk bor ushbu videodarsimizda intro va outro'dan foydalandik va biroz ovozni montaj qilgan edik (balki sezilmagandir). Nasib qilsa, videolar sifatini yaxshilashda davom etamiz.

🔉 Audiolarni yaxshilab montaj qilish uchun Adobe Audition dasturini o'rganish niyatidaman.

💼 @ka_projects