tgoop.com/k20k20k1k8k/22200
Last Update:
نزله ليلة 10 محرم
اليله اخر ليله خل نودع العيله
الـيـلـه اخـر لـيـلـه * خـل نـودع الـعـيـلـه
🏴•••••🏴•••••🏴•••••🏴•••••🏴
خويه يازينب تعالي جمعي يمي اعيالــي
خلني اشوفنهم وگلهم خويه بل يجرالــي
لوطلع مصباح باجر الله يــدري ابــحالــي
ابقه كل لحظه اودع غــالــي بعد الغـالــي
وارفع ايدي ادعيله * خـل نـودع الـعـيـلـه
🏴•••••🏴•••••🏴•••••🏴•••••🏴
اولاً انــصــاري باجــر رادو ايـنـصـرونــي
مادرو خمسيــن واحد صرعه وينـادونــي
هاي اول هجمه النــه والبـقـو يــعيــونــي
هــم مثلهم كلهم ابــأرواحهــم يــفـدونــي
واليطيـح انـشيـلـه * خـل نـودع الـعـيـلـه
🏴•••••🏴•••••🏴•••••🏴•••••🏴
علي الاكبر وينه ابني خل يجيني اهنانــه
اضمه بحضاني وريده يضمني ابأحضانه
باجر اول هاشمي اهوه يعتنــي العدوانه
جسمه يطشر والـمـه وصلــه وصلــه انــه
ودعي ابـنـج لـيـلـه * خـل نـودع الـعـيـلـه
🏴•••••🏴•••••🏴•••••🏴•••••🏴
خويه يازينب الليله جهزي عــرس القاسم
بنــي هاشــم خلها تفـرح والفرح مادايــم
باجر الميدانه زفتــه ومــايردلــج ســالــم
ينذبح هوه وعمامه تگضي كل بني هاشم
وعـمـه يـنهد حيـلـه * خـل نـودع الـعـيـلـه
🏴•••••🏴•••••🏴•••••🏴•••••🏴
خامس امصيبه ايتلعثم بيها خويه الساني
من يجي العباس يمي ايگلي ارخصني اني
سكنه عطشانه وتريد الماي اجت تنخانــي
وانه ادري ع الشريعه ايگلي اظل امجاني
تـحيـرت شـحجيـلـه * خـل نـودع الـعـيـلـه
🏴•••••🏴•••••🏴•••••🏴•••••🏴
من اودعجن وگلجن ابنــي شو مـاشـوفــه
كل خشب صاير لسانه اتجيبه الي وملهوفه
ابني ظامي والنهر مايه اعلى من اجروفــه
ينذبح وهوه اعلى صدري ايظل يرف بجفوفه
دم وريـده ايسيـلـه * خـل نـودع الـعـيـلـه
🏴•••••🏴•••••🏴•••••🏴•••••🏴
#الشكرلله خادم الزهراء ع ملا علي
#نسالكم_الدعاء33✍ 1444هـ - 2022
🏴•••••🏴•••••🏴•••••🏴•••••🏴?
🕊💦🖤💦🕊
*
#نسالكم_الدعاء
جديد ان شاء الله
BY ديوان قصائد محرم وصفر 2
Share with your friend now:
tgoop.com/k20k20k1k8k/22200