tgoop.com/k20k20k1k8k/15818
Last Update:
#قصائد_الاربعينية_والمشاية
ما أريد اسبح وغسل اهدومي
ابطيني خليني اصبح يومي
حته اليعاينلي زين
ايگلي رايح للحسين
ما أريد اسبح وغسل اهدومي
❀......❀......❀......❀......❀1
ما أريد اسبح اواسي آل النبي
هالأجو بترابهم مـــــــن السبي
امن الخرايب والشمس حمره العبي
وآنه بحسن بـيـــت اريدن نومي
هاي وين وهاي وين
ايگلي رايح للحسين
❀......❀......❀......❀......❀2
رد علي السـجــاد فاگدله خوات
لا رقــــيــــه ولا صفيه باقيات
والفواطم اجــن كلهن فاگدات
وآنه ادور سمج مشوي ونومي
وماتقصر المعزبين
ايگلي رايح للحسين
❀......❀......❀......❀......❀3
ركــبـت السجاد لسه اتصب دمه
وهوه فوگ الناگه ابن حامي الحمه
ينظر الـنــسوان ردت لاطمه
اتگول وحدتهن يعظم اهمومي
منين اجيب ابني منين
ايگلي رايح للحسين
❀......❀......❀......❀......❀4
ردن النسوان ويعاين علي
زينب اعله النوگ تصرخ ياهلي
وين گبر حسين بس اشر الي
ادفنت اخوي ابياكتر بس اومي
صفگ يسره اعله اليمين
ايكلي رايح للحسين
❀......❀......❀......❀......❀5
طاحت اعله الگبر زينب طاحت
وآه يحسين ومصابه صاحت
والحرم كلمن لبنها راحت
ابروحي الوم وشنهي ينفع لومي
اسبحت قبل الزائرين
ايگلي رايح للحسين
لبيك يا حسين لبيك يا حسين
❀......❀......❀......❀......❀?
#الشكرلله خادم الزهراء ع ملا علي
#نسالكم_الدعاء ✍
❀......❀......❀......❀......❀
🕊🎶🖤🎶🕊
https://www.tgoop.com/k20k20k1k8k
BY ديوان قصائد محرم وصفر 2
Share with your friend now:
tgoop.com/k20k20k1k8k/15818