في 2019 وصل البرهان إلى جدة متسولا الاعتراف الإقليمي
حينها إستقبلته هتافات المدنية في المسجد الحرام!
بعد 6 سنوات!
ذات البرهان المثقل بالدماء التي سفكها طيلة هذه السنوات يهلل له الدولجية وعبيد البوت!
الإختلف شنو غير إنو صدمة الحرب نزلت سقف المطالب والأخلاق!
المشكلة إنو نفس الناس الزايطين بي خبر سفر البرهان إلى جدة متسولا إعادة الإعمار ماسكين أختام الوطنية وبوزعوها على الناس!
في نظرنا برهان 2025 أسوأ بمراحل من برهان 2019!
أي زول حر في رأيو.. لكن الناس تبطل مزايدات ولحس بوت!

رحلة الدولجي من (نحن واقفين مع الجيش مامع البرهان)
إلى (الكاهن صلى التراويح في الحرم)
يارهاين البرهان ده السبب الأول في تمدد الجنجويد!
فدحين شنووو!
ابردوا شوية!

القتل خارج نطاق القانون جريمة مكتملة الأركان!
المقاتل إذا استسلم بيبقى أسير حرب محمي بميثاق جنيف!
ولو مدني بيقى متهم يتقدم لمحاكمة علنية مستوفية للشروط!
مسألة (مجموعة ثبت تورطها في التعاون مع الجنجويد) ده تبرير أجوف للجريمة!
ماممكن تدعو للحفاظ على الدولة وتدافع عن ممارسات بتهدمها!

رئيسهم ماخد غمتة دولارية بقولوا علينا مأجورين!
رئيسهم رقد لبوتين طلبا للحماية بقولوا لينا عملاء.
شكلتهم مع حميدتي ياداب بدت يوم 15 ابريل بقولوا علينا جنجويد!

أوضاع المعتقلين في سجن ودمدني مفزعة وتتطابق مع أوضاع معتقلات الجنجويد!
الكلام ده مثبت بالصور!
إذا بررت الجريمة أو دافعت عنها أو قللت منها فإنت ماعندك مشكلة مبدئية مع الجريمة،
الجريمة جريمة سواء ارتكبها الجنجويد أو الجيش، والمجرم مجرم مهما كان لون كاكيه!
راجع إنسانيتك!

لسان حال اللعيسر وبقية الدولجية: التدخل الدولي ماكعب! كعب التدخل الكعب!
تدخل يطلبوه القحاتة ❌
تدخل يطلبو اللعيسر✔️

في ذكرى 6 أبريل! ماعندنا كلام نقولو أكتر من القلناه في الفيلم الوثائقي ده عن ثبات مجوعة قليلة من الضباط والجنود، النجح في تثبيت الاعتصام واقتلاع الطاغية! عبر شهادات مجموعة شباب للفترة من 6 أبريل لحدي السقوط
https://youtu.be/WcukIEWvEZ0

الناس دي مستعجلة تستغل صدمة الحرب في كتابة تاريخ جديد بالسرعة دي؟
حميدتي نائب لرئيس المجلس العسكري حتى قبل الشراكة!
وبعد الشراكة كان الشأن العسكري من اختصاص المكون العسكري حصرا!
حتى لو سلمنا جدلا بصحة الكلام ده! فقحت خارج السلطة من أكتوبر2021
الباقي ده سواطة عساكر!
مافي زول بقول للكوز حرام عليك الكضب بعد شيبتك دي؟

من الأخبار:
البرهان رسل الفريق الصادق إسماعيل لإسرائيل يشحد أسلحة، قاموا قالوا ليه كيف نديك سلاح وانت مصاحب إيران؟
في سياق آخر ياسر العطا عايز يمسك عصايتو للأحزاب العميلة حتى بعد الإنتخابات!
الكيزان الصريحين والمستترين ورهاين الكيزان والعندهم مصالح مع الكيزان بيعملوا غمرانين!

تخيل يامؤمن لو كان خبر التواصل مع الصهاينة ده كان فيهو إسم خالد سلك ولا الفكي بدل إسم البرهان!

اللهم عليك بالجنجويد فإنهم لا يعجزونك!

الدولجية الليهم يومين ماسكين كشف (منو الأدان ومنو الما أدان) هجوم الجنجويد الوحشي على زمزم والفاشر.. عليكم الله بعد تنتهوا أبدوا لينا في كشف (منو الحمى ومنو الماحمى) المدنيين من بطش الجنجويد!
التقصير في الإدانة عمرو ماكان مساوي للتقصير في الحماية!
ولا (الدولة) ماعندها واجب تجاه المواطن؟
دولجية رهاين!

بكلمات بسيطة عشان البعرفونا من زمان والعرفونا قريب!
نحن ضد وجود الجنجويد!
وضد وجود الجيش في الحياة السياسية!
ومع التحول المدني الديمقراطي!

نقولها عديييل!
الشرعية المالقاها البرهان يوم 25 اكتوبر 2021 ماحيلقاها يوم 15 أبريل 2023!
وشرعية الجيش (كمحتكر للسلاح) بتفرق عن شرعية الحكم!
وكل محاولات الدولجية استغلال حاجة السودانيين للأمن وخفضهم لسقف المطالب عشان يخلطوا بين المفهومين مصيرها الفشل!
الجيوش تحمي ولاتحكم!

عشان الهري مايكتر
فض الاعتصام تم بأيدي الجنجويد وبتواطؤ تام من أعضاء المجلس العسكري قادة جميع أفرع القوات النظامية!
واستباح الجنجويد العاصمة لأيام بغياب الشرطة!
ولم يكن حدثا منعزلا، اعتصامات مشابهة تم فضها في كل مدن السودان!
ترافق ذلك مع قطع الإنترنت!
ماتشيلوها للجنجويد براهم!

عشان الهري مايكتر
فض الاعتصام تم بأيدي الجنجويد وبتواطؤ تام من أعضاء المجلس العسكري قادة جميع أفرع القوات النظامية!
واستباح الجنجويد العاصمة لأيام بغياب الشرطة!
ولم يكن حدثا منعزلا، اعتصامات مشابهة تم فضها في كل مدن السودان!
ترافق ذلك مع قطع الإنترنت!
ماتشيلوها للجنجويد براهم!