tgoop.com/jot2tmash2er/5689
Last Update:
المناسب لزواجكم وما ترضي خطيبك على حساب ربنا .
المواقف البتحصل وردود الافعال ، والاهتمام الزائد وحسن التصرف واليد البتتمد ليك في وقت سقوطك ، كل دي حاجات جميلة جداً وانا بنت زيك بقدر الأحاسيس دي ولكن يا حبيبتي كلها تصرفات بتبين ليك إنو الشخص دا ممكن اي نعم بيحبك لكن عمرها ما ح تبين ليك انو خطيبك دا ممكن يكمل معاك او لا مهما كنتي واثقة ..
م ح تقدري ترجعي مشاعرك او تداوي الجرح الا بعد فترة طويلة ، والله بنات كانوا مخطوبات وما بطبقوا ضوابط الخطوبة وفي النهاية فركشت بعد م استهلكوا كل مشاعرهم ودخلوا في دوامة حزن وإكتئاب.
أضعف م يكون في الكون دا هو مشاعر المرأة ، ف حافظي عليها لحدي ما تتزوجوا عشان يكون عندك مخزون كتير للحب الحلال .
والحقيقه انو فترة الخطوبة دي إبتلاء ، ابتلاء عظيم والله انك تطلعي مشاعرك دي لخطيبك وهو لسه م يستحقها في الفترة دي ، الإبتلاء دا عبارة عن إختيار بين الدنيا والاخرة .
أغلب الناس اللي صرحوا بمشاعرهم قبل الزواج كان عندهم مشاكل اكتر بعد الزواج ، لأنهم اهملوا بناء الاساسيات في فترة الخطوبة واهتموا بالمشاعر فقط اللي م ح يلاقوها في فترة المسؤلية وضغط الحياة لما يبقوا يعيشوا مع بعض تحت سقف واحد!.
ف بيلقوا إنهم إستهلكوا مشاعرهم في فترة الخطوبة ولما تحصل مشكلة المشاعر بتكون خلاص مخزونها على وشك النهاية ، ففي المشاكل هم محتاجين ل ثوابت واساسيات العلاقة م محتاجين لمشاعر وبس ف يصعب انو المشكلة تتحل وكتير من البيوت والله العظيم المشاكل فيها لا ليها أول ولا آخر ، بيوت إتبنت على مشاعر الحب في فترة الخطوبة فلما دخلوا الحياة الجديدة وبدوا مشوار عمرهم حصلت مشاكل وعجزوا عن حلها والمخزون بدا ينتهي ودا في الاخير بيأدي ل طلاق وضرب ومشاكل اخرى💔 .
ممكن تقولي : انو خطيبي ح يزعل اذا قلت ليهو مافي تواصل الا بعد الزواج !
يا حبيية مش احسن بدل ربنا يكون غضبان عليكِ ؟ ..
رضا ربنا قبل كل شي وقبل رضا خطيبك
ارضي الله يرضيك ويراضيك ، خطيبك رفض وقال لا ح نتواصل كان رضيتي وكان ابيتي يبقى انتي هنا تتخذي قرار حاسم من غير م تعايني ل حُبه ليك او ل أذى مشاعره ، يا فلان الحاصل كدا كدا وقبل م تنتظري الرد تحظريه من كل المواقع اللي ممكن عن طريقها يقدر يتكلم معاك ، هو فهم خير وبركة م قدّر الحاجة دي وبقى خلاص م عايزك ح يجي ل ابوكِ او ولي أمرك ويفركش هنا ح يظهر ليك اذا كان اختيارك صح او غلط حتى اذا كان باقي يومين تلاته على الزواج !.
مافي حاجة اسمها اهلي واهلو عارفين ، لو كل العالم عرف م معناها انو الحاجة دي خلاص بقت حلال ، لازم الناس الحواليك تعرف انك متزوجة مش تعرف انك مرتبطة برباط غير شرعي وقعت؟!.
الحب والمشاعر ديل المفترض يكونوا في بداية الزواج وليس بداية الخطوبة بتفرق والله ، بتكون في نفسيات م متوازنه بعلاقة كل اتنين م مرتبطين برباط شرعي ، مشاكل وزعل ، ليه ؟
لأنهم قربوا من بعض شديد وأي واحد ممكن يكون فهم حياة التاني واتعدوا الحدود الشرعية في القرب دا ، الحرام يا جماعة بيأذينا وبيأذي المشاعر والنفسية والقلب والجسد ..كل حاجة حرام ليها نوع أذى معين .
وفي النهاية حاجة بتأذي المجتمع وتفكك شمله وبتأثر على علاقات العائلة مرات ، عشان كدا المشي بمبدأ الحلال والحرام افضل ليك واحسن وحماية ليك من عقاب الدنيا والاخرة وحماية ليك نفسياً وجسدياً ، الحلال بيبارك في المشاعر ، وبيديك سعادة ورضا من أعماق القلب على عكس فترة الخطوبة .
- طيب انا منقبة وملتزمة واكيد ح اقدر اوزن كلامي معاه ؟!
حتى لو كنتي منقبة وملتزمة ح تضمني نفسك كيف مالم تقفلي كل ابواب الفتنة دي ؟؟
لو ملتزمة اذا كان خطيبك أقل إلتزاماً منك ح يتكلم معاكِ عن امور تخص البيت وح يدرسك ويختبرك اذا كنتي بتنفعي تكون زوجة ولا لا ؟ ،وطبعا الامور دي جائزة ولكن بضوابط شرعية ولأنه انسان عادي ح يتكلم معاك كلام عادي بعد كدا حيتكلم عن نفسه ثم يمدح خطيبته ثم تبدأ التجاوزات في الالفاظ ( حبيبتي وغزل خفيف ...الخ) بعد كدا ضوابط الخطوبة ح تروح ومع السلامة!..
الاخت هنا كانت قافلة على مشاعرها ال قربت تنفجر وكانت محافظة عليها وبتدعي ليل نهار ربنا يرزقها بالزوج الصالح ، ف ربنا إبتلاها ورزقها الزوج هل ح تفضل قافله على مشاعرها لحدي الحلال ولا خلاص ضمنت انو دعوتها اتحققت وبدت تعصي ربنا ؟؟
خطيبها ضعف وبضعفه دا كأنه فرقع بالونة المشاعر عندها وبدت تسمع لكلامه وغزله ، وصدتو مرة واتنين وعشرة ومافي اي فائدة ليه ؟؟ بإختصار لأنو الاخت دي هي اللي سمحت انو العلاقة دي تتطور للحد دا ، للحد البقت متعلقة بيه جداً وم بتاخد قرار البعد عن التواصل لانها بتحبه وم عايزاهو يزعل ..
بالله عليك زعل خطيبك ورضا ربنا ولا رضا خطيبك وسخط ربنا ؟؟!
والله إبتلاء ..قدامك دنيا ، خطيب رومانسي ح يسمعك كلام حلو قد يكون ملتزم أو غير ملتزم ، خطيب من عرفتيه وانتي في إنتكاسة ، يا إما تحكمي مشاعرك وقلبك وكل م قلبك يبدأ يدق دقة غلط توقفيه وتقولي : لا مافي حب
BY 💞 ﺝــوطــة مشااااعــر 💞✨
Share with your friend now:
tgoop.com/jot2tmash2er/5689