💞 ﺝــوطــة مشااااعــر 💞✨

حالياً ولا مشاعري ح تطلع حالياً .
دا اجنبي عنك لازم تفكري بعقلك وابعدي عن العاطفة ، عشان تشوفي هل دا هو الشخص المناسب عشان تديهو قلبك ومشاعرك اللي فضلتي كاتماها طول الفترة دي ولا لا ، عشان لو دا م المناسب ح تتكسري انتي وكسرك ليس بهين يا حبيبة !.
خلوا كل حاجة في وقتها ، الافلام والمسلسلات والمجتمع خربوا المعنى الشرعي للخطوبة ، وبقى في مفهوم متداول عند الناس ، وللاسف بسبب الحاجة دي المخطوبين بيطلعوا مشاعرهم في الفترة دي ودا اللي بيدمر حياتهم بعد الزواج بالتدريج لأنو رصيد المشاعر بيخلص واهم حاجة البركة بتكون أُنتزعت مالم يتوبوا ويستغفروا .

ف يا حبيبة ضعفك في تحكمك لمشاعرك م عيب ، مافي إنسان اصلاً يقدر يتحكم في مشاعرو ولكن بيهذبها ، النبي صلَّ الله عليه وسلم كان يقول :" اللهم لا تحاسبني فيما لا أملك وتملك" .. يقصد قلبه وما يحتويه من حب ومشاعر تجاه زوجته عائشة رضي الله عنها ، لكنك بتقدري تتحكمي في تصرفاتك في افعالك ، لما تشوفي نفسك ح تضعفي اهربي بدينك وم تتنازلي ، ولا تختي رضا خطيبك امام رضا الله ..
وإتجنبي نظرات الإعجاب اللي بيبديها ليك ، دا أسلم لقلبك ولو لقيتي انه شخص ملتزم بس احياناً بيضعف وما بيلتزم بضوابط الخطوبة ف قدري ذلك وانه بشر وبيضعف عادي وانصحيه ووقفي الفارغة دي انتي ، ولكن إياك انك تخلي الجانب دا سبب لكلامك وعجلوا بعقد القرآن ..
لكن إياكِ إياكِ تفكري فيهو بقلبك وعاطفتك يا بنتي ، الحب دا ح يوصلكم لعتبة باب بيتكم اللي ح تكملوا فيهو حياتكم ، بعد كدا دينه ودرجة إيمانه هم اللي ح يكملوا معاكِ ، المودة والرحمة والاحترام هم اللي ح يكملوا حياتك ، الحب وحده ما كافي ل إنك تبني العلاقة دي ..
الانسان السوّي العاقل هو اللي بيكتم مشاعره لحدي م يجي وقتها الصح عشان يطلعها ، الاسلام وضع قوانين بتحفظ حقوق البنت بالشكل اللي بيخليها في عين خطيبها ملكة لا يستطيع أن يمسها او يصرح بمشاعره الا بكلمة من القرآن اسمها ( الميثاق الغليظ) والكلمة دي بتدل على قوة الارتباط .
الالتزام بضوابط الخطوبة مهم جداً وعدمو بيخرب الدنيا كلها ، ف الخطوبة مجرد وعد بالزواج وليست زواج .

- رؤية شرعية
- خِطبة
- عقد قِرآن
فلا يخدعوك بالعلاقات المحرمة التي لا يأتي من ورائها غير الشر !..

- "ماذا لو اجتمع الحب والنصيب معاً" ❤️
بوست قابلني على الفيسبوك
م حاجة مستحيلة ، اصلاً الحب الحقيقي للراجل الناضج العاقل ، ود الناس البدخل البيت من الباب ويحمل المسؤلية ويلتزم بضوابط الخطوبة ويكتم مشاعره لحدي م يحصل النصيب .

قال تعالى :" واعلموا أن الله يعلم مافي أنفسكم فاحذروه"
ربنا عالم بالفي قلبك وعالم بالحاجات اللي نفسك فيها ولكن رفضتيها خشيةً لله ، وم حذرنا الله إلا ليحمينا ويحافظ علينا من انفسنا وم تشتهيه ، في رحمة وعظمة اكتر من كدا ؟!
يعني هل فاكرين ضوابط الخطوبة دي ربنا شرعها ساي ؟؟
دي بتحفظك من أذى كبير والله ، ربنا حبه لينا موجود في طاعته ، وعقابه موجود للبخالف أوامره وتتفاوت درجة العقاب وتختلف انواعه ويختلف حجم الأذى اللي بيتبعه .

اذا م حصل نصيب وانتِ اتعلقتي بيهو جداً ف دا خير ليك ، ربنا بعدو عنك لإنك بتستاهلي الأفضل والشخص دا م كان مناسب ليك ولا ل أولادك ، يمكن ربنا بعده عنك لأنو ح تحصل مشاكل بعد الزواج وقد يختفي الحب ودا أسلم لقلبك قبل م العلاقة تتطور وتصل للزواج ف ربنا ما بيمنع عنك حاجة إلا وهو عارف انها خير ليك ، لما ربنا بعدكم من بعض وهيأ الظروف عشان الخطوبة دي تتلغي صدقيني هو م كان بيأذيك بقدر م كان بيحافظ عليك فأحمدي ربنا وادعي انو يرزقك بالزوج الصالح اللي بيقر عينك ويختك تاج في راسه .

م قدرتي تمنعي التواصل بينك وبين خطيبك ف بالله عليكِ ما تزيدي ذنوبك وتجاهري بالمعصية وتنزلي في استوري الواتساب والعالم الازرق وتوري الناس مدى حبك وتمسكك بيهو ، بتفتخري ب حاجة سلفاً انتي عارفة انها م صح وتخلي كل الملأ يعرف ؟؟ عمرو والله الحب م كان إنتصار ..
المجاهرة بالمعصية دي حاجة عظيمة اكتر مما تخيلي والله .

انتي متمنية من ربنا انو حياتك الزوجيه تكون سعيدة وكلها حب زي حب النبي صلَّ الله عليه وسلم يبقى معناها تطيعي أوامر ربنا وتتبعيها واتذكري انو م عند الله لا يُنال إلا بطاعته .
واتقي ربنا في نفسكِ وفي خطوبتكم ، وحافظي على مخزون الحب لحدي م يحصل النصيب عشان تقدري تبني حياة زوجية سعيدة و بيت قائم على تعاليم الاسلام ، بيت تحفه البركة قائم على رضا الله أولاً وأخيراً ❤️ .

#خديجة_محمدالامين

www.tgoop.com/jot2tmash2er/5688

999 viewsDr joree, Sep 22, 2020 at 09:20

حالياً ولا مشاعري ح تطلع حالياً .
دا اجنبي عنك لازم تفكري بعقلك وابعدي عن العاطفة ، عشان تشوفي هل دا هو الشخص المناسب عشان تديهو قلبك ومشاعرك اللي فضلتي كاتماها طول الفترة دي ولا لا ، عشان لو دا م المناسب ح تتكسري انتي وكسرك ليس بهين يا حبيبة !.
خلوا كل حاجة في وقتها ، الافلام والمسلسلات والمجتمع خربوا المعنى الشرعي للخطوبة ، وبقى في مفهوم متداول عند الناس ، وللاسف بسبب الحاجة دي المخطوبين بيطلعوا مشاعرهم في الفترة دي ودا اللي بيدمر حياتهم بعد الزواج بالتدريج لأنو رصيد المشاعر بيخلص واهم حاجة البركة بتكون أُنتزعت مالم يتوبوا ويستغفروا .

ف يا حبيبة ضعفك في تحكمك لمشاعرك م عيب ، مافي إنسان اصلاً يقدر يتحكم في مشاعرو ولكن بيهذبها ، النبي صلَّ الله عليه وسلم كان يقول :" اللهم لا تحاسبني فيما لا أملك وتملك" .. يقصد قلبه وما يحتويه من حب ومشاعر تجاه زوجته عائشة رضي الله عنها ، لكنك بتقدري تتحكمي في تصرفاتك في افعالك ، لما تشوفي نفسك ح تضعفي اهربي بدينك وم تتنازلي ، ولا تختي رضا خطيبك امام رضا الله ..
وإتجنبي نظرات الإعجاب اللي بيبديها ليك ، دا أسلم لقلبك ولو لقيتي انه شخص ملتزم بس احياناً بيضعف وما بيلتزم بضوابط الخطوبة ف قدري ذلك وانه بشر وبيضعف عادي وانصحيه ووقفي الفارغة دي انتي ، ولكن إياك انك تخلي الجانب دا سبب لكلامك وعجلوا بعقد القرآن ..
لكن إياكِ إياكِ تفكري فيهو بقلبك وعاطفتك يا بنتي ، الحب دا ح يوصلكم لعتبة باب بيتكم اللي ح تكملوا فيهو حياتكم ، بعد كدا دينه ودرجة إيمانه هم اللي ح يكملوا معاكِ ، المودة والرحمة والاحترام هم اللي ح يكملوا حياتك ، الحب وحده ما كافي ل إنك تبني العلاقة دي ..
الانسان السوّي العاقل هو اللي بيكتم مشاعره لحدي م يجي وقتها الصح عشان يطلعها ، الاسلام وضع قوانين بتحفظ حقوق البنت بالشكل اللي بيخليها في عين خطيبها ملكة لا يستطيع أن يمسها او يصرح بمشاعره الا بكلمة من القرآن اسمها ( الميثاق الغليظ) والكلمة دي بتدل على قوة الارتباط .
الالتزام بضوابط الخطوبة مهم جداً وعدمو بيخرب الدنيا كلها ، ف الخطوبة مجرد وعد بالزواج وليست زواج .

- رؤية شرعية
- خِطبة
- عقد قِرآن
فلا يخدعوك بالعلاقات المحرمة التي لا يأتي من ورائها غير الشر !..

- "ماذا لو اجتمع الحب والنصيب معاً" ❤️
بوست قابلني على الفيسبوك
م حاجة مستحيلة ، اصلاً الحب الحقيقي للراجل الناضج العاقل ، ود الناس البدخل البيت من الباب ويحمل المسؤلية ويلتزم بضوابط الخطوبة ويكتم مشاعره لحدي م يحصل النصيب .

قال تعالى :" واعلموا أن الله يعلم مافي أنفسكم فاحذروه"
ربنا عالم بالفي قلبك وعالم بالحاجات اللي نفسك فيها ولكن رفضتيها خشيةً لله ، وم حذرنا الله إلا ليحمينا ويحافظ علينا من انفسنا وم تشتهيه ، في رحمة وعظمة اكتر من كدا ؟!
يعني هل فاكرين ضوابط الخطوبة دي ربنا شرعها ساي ؟؟
دي بتحفظك من أذى كبير والله ، ربنا حبه لينا موجود في طاعته ، وعقابه موجود للبخالف أوامره وتتفاوت درجة العقاب وتختلف انواعه ويختلف حجم الأذى اللي بيتبعه .

اذا م حصل نصيب وانتِ اتعلقتي بيهو جداً ف دا خير ليك ، ربنا بعدو عنك لإنك بتستاهلي الأفضل والشخص دا م كان مناسب ليك ولا ل أولادك ، يمكن ربنا بعده عنك لأنو ح تحصل مشاكل بعد الزواج وقد يختفي الحب ودا أسلم لقلبك قبل م العلاقة تتطور وتصل للزواج ف ربنا ما بيمنع عنك حاجة إلا وهو عارف انها خير ليك ، لما ربنا بعدكم من بعض وهيأ الظروف عشان الخطوبة دي تتلغي صدقيني هو م كان بيأذيك بقدر م كان بيحافظ عليك فأحمدي ربنا وادعي انو يرزقك بالزوج الصالح اللي بيقر عينك ويختك تاج في راسه .

م قدرتي تمنعي التواصل بينك وبين خطيبك ف بالله عليكِ ما تزيدي ذنوبك وتجاهري بالمعصية وتنزلي في استوري الواتساب والعالم الازرق وتوري الناس مدى حبك وتمسكك بيهو ، بتفتخري ب حاجة سلفاً انتي عارفة انها م صح وتخلي كل الملأ يعرف ؟؟ عمرو والله الحب م كان إنتصار ..
المجاهرة بالمعصية دي حاجة عظيمة اكتر مما تخيلي والله .

انتي متمنية من ربنا انو حياتك الزوجيه تكون سعيدة وكلها حب زي حب النبي صلَّ الله عليه وسلم يبقى معناها تطيعي أوامر ربنا وتتبعيها واتذكري انو م عند الله لا يُنال إلا بطاعته .
واتقي ربنا في نفسكِ وفي خطوبتكم ، وحافظي على مخزون الحب لحدي م يحصل النصيب عشان تقدري تبني حياة زوجية سعيدة و بيت قائم على تعاليم الاسلام ، بيت تحفه البركة قائم على رضا الله أولاً وأخيراً ❤️ .

#خديجة_محمدالامين

BY 💞 ﺝــوطــة مشااااعــر 💞✨