tgoop.com/jjdicjcsk/945
Last Update:
راح الولد…. بطف بعد شنتاني
راح الولد… .بس الدمع خلاني
بس هوه الي بدنياي
فاكدته يالب حشاي
بعد عينه مننوايب راح اشوف انه شكثر
بس علي الاكبر اليه وماكو غيره بهل عمر
مو حزن ساعه ويخلص فركته اكبر عسر
شما اغمض العين اشوفه عله التراب بلا گبر
من فركته…. خلهه وتروح عيوني
من فركته…. من هدمي هدله متوني
چان الضوه وچان دواي
فاكته يالب حشاي
وليدي بس هذا اليه من الجليل وطلبتي
فراكه شيبلي دليلي وابد ماكف حسرتي
ردت كون الموت گبله هوه يحضر دفنتي
شنهو طعم العيشه بعده وماريدن دنيتي
هذا الجره… خلاني احير بلياه
هذا الجره… خلف جرح من فركاه
خلاني تيهت الراي
فاكته يالب حشاي
وليد واحد هوه عدي والدهر مني خذاء
مو مريض وابجي يمه ولا يصح بطف دواء
من كثر دوس الحوافر ونطبگ صدره بكفاء
ماعيش خلافه ساعه وكون اموت انه بوراء
شفت الولد… حافرهم يفرهد بي
شفت الولد… بلحر يظل ماغطي
عطشان ماشارب ماي
فاكته يالب حشاي
ياهو مثلي تشوف ابنها ماكو بي سالم ظلع
سيوف ورماح وحوافر كلهه فوكه وتنجمع
وانه بس اصفگ بديه گباله ويسيل الدمع
هيج شتفه ومرد جبدي گبالي الاكبر ينصرع
من منحره……. شفت نذبح جدامي
من منحره….. يروي بدماء الطامي
شنخاه وشيكوم وياي
فاكدته يالب حشاي
حيرني ماظل كل صبر وگبالي ينزف دمه
لو بيدي ماعوفه ابد حد مااموتن يمه
شفت الحسين ومنكسر محتار بيش يلمه
وشفته عليه محني الظهر الاكبر صبح كل همه
شفته نحنه…. .ويكلي راح الغالي
شفته نحنه…. ياهو البعد يبرالي
ونيت يمه وبهداي
فاكته يالب حشاي
ابو سلام الجابري
https://www.tgoop.com/jjdicjcsk
BY الشاعر ابو سلام الجابري
Share with your friend now:
tgoop.com/jjdicjcsk/945