tgoop.com/jjdicjcsk/900
Last Update:
شلون الم الحسين
الحافر ماخذه الوين
نريد المه نحتار
حسين ظلوعه طشار
*
حسين مايلم صحت
بهموم يم ظلعه رحت
… … .ياگلبه ماهو بصدره
ياظلعه بي حافر عثر
ورماد صاير ونكسر
…… ..جا يمه شنهو الحسره
الميت مو ياهو الجان
حسين الذابل عطشان
شلون الخيل وتعثر بي
وماصح الجسمه الدفان
بعده وگلبي شب نار
حسين ظلوعه طشار
*--***
مثل الخيم گلبي حترگ
من شفته علخد نسحگ
……… وحافر الكاسر ضرسه
يرفسه جدامي الشمر
وبشعر راسه يظل يجر
…… .ويكلي گاطع نفسه
فوك الرمح حط الراس
ويكلي وينه العباس
يعيرني ماعدي خوان
وحسين جدامي نداس
صارت هيج الاخبار
حسين ظلوعه طشار
*--***
جابو سهم بي فچتين
كالو فطر گلب حسين
…… ..وگلبج نريد نفطره
شفتي السهام انتي هواي
مانگتفي منه بهاي
…… ..بلخيل راح نچره
جابو سلاسل وحبال
يظحك عليه الجتال
من كمت اصيحن يحسين
خويه الحمل بعدگ مال
وتبجي وياي الزغار
حسين ظلوعه طشار
*--***
حگي الگلب من يتعب
الخنصر لكيته مسلب
…… ويل محبس مسلبينه
گامو علئي يتمادون
يظربوني خويه يشتمون
،،،،،،،،وكالولي يشوف بعينه
بعدك يخوي امشي شلون
السوط ماخله متون
ومن انتخي بسمك هيج
براسگ يجون يهوسون
وبينه اكثر بعد صار
حسين ظلوعه طشار
*--***
بلهزله سلبوه النوگ
سلعه صفينه وبسوگ..
…… وياهو اليجي يصد بيه
يصحون وينه العباس
تتفرج عليج الناس
……… ..ونتي بعد مسبيه
وشل صدگ دمع العين
من كثر ما شفت حسين
فوگ الرمح راسه يدور
وانه الحبل بلجفين
ما لمتنه كل دار
حسين ظلوعه طشار
*--***
ابو سلام الجابري
BY الشاعر ابو سلام الجابري
Share with your friend now:
tgoop.com/jjdicjcsk/900