tgoop.com/jjdicjcsk/883
Last Update:
زنجيل للعليله
مادري بيادار نزلو ياهلي وعافوني
اليل كله تجر مدامع ماتهيد عيوني
حايره الدمعه ويعني
راحت وياهم سنيني
&&&&&&&&&&
اليل خلصته بوجي اتخيل صور خوتي
وماتكف ساعه وتبطل عيني خاوت دمعتي
زاد همي وزاد نوحي فوگ مرظي وعلتي
فراگ عبدالله ورقيه تزيد بيهم حسرتي
فراهم عذبلي حالي
مابقه وياي غالي
شلون تهده الروح وهجع ياهلي الخلوني
&&&*&&&*&*&
شلون تهده الروح وهجع وانه بلغربه اون
عايشه بس ميته روحي وريت روحي التندفن
خلافهم علتي جبيره مايوصفهه الحزن
ظايعه بداري ودور محد الحالي يحن
ظايعه ومحد اجاني
راخ وياهم حناني
وكل صباح الساني يلهج ليش مارحموني
&&&&*&&&&&&&*
راحو وحمل ظعنهم ماكسرت الخاطر
اليوم ويردون اليه وارد ولهج باجر
خايفه يطول سفر الحد يوم العاشر
تصير فركتنه طويله ويظل گلبي الحاير
گلبي مايهد بجفاهم
بنار يهلب ظل وراهم
ولو وصل عاشر محرم ماظن يذكروني
&&*&&*&&&&*&&
ماظن يذكرون بتهم حايره وماعدهه راي
شلون فوگ العله هايه والبجي يصبح دواي
راح عبدالله الحسبته لو كبر يصبح ظواي
ماحسبته يروح مني ولا حسبت الفركه هاي
هذا ياهم صار بيه
خلافهم وفرك بديه
عاشت الحسره بدليلي وكوه اشيل متوني
&*&&&&&&&*&***&&
كوه اشيل متوني كوه وحيلي بفراكه نهدم
وگلبي لاجمني عله اخيي وكلي ميت ماسلم
وين عباس الشفيه وين شيال العلم
يجيبلي اخبار الجفوني ولااعيش بهل عدم
اخبار مامرتني منهم
فدوه اروح انه الثرهم
شلون اخلص عمري غربه وليش مارحموني
ابو سلام الجابري
https://www.tgoop.com/jjdicjcsk
BY الشاعر ابو سلام الجابري
Share with your friend now:
tgoop.com/jjdicjcsk/883