tgoop.com/jjdicjcsk/730
Last Update:
بــــــــشاربك يابو حسين
غفله وتغمــــض هل عين
ناسي الگبر ناسي الموت
وحشه مـــــــننام بتابوت
… .
بشاربك يابو الحـــــــــــسن والعازه
من ينگلب اسمــــــي ويصير جنازه
والساني يســكت ما يحاجي عزازه
ماعنــــــــدي زينه تصير الي عكازه
ماعنــدي زينه بدنياي
دخـــيلك اريدك وياي
متره الگبر مو مترين
بشــاربك يابو حسين…
بشاربك وكت المــــــــغيسل مولاي
بين الغرب هـيه تصب فوكي الماي
محد يكـــــــــــلهم لا خطيه وبهداي
لا مال ينـــــــفع لا ولد يمشي وياي
بس انـــته اريدنك عون
تحضرني يوم يغسلون
ويـــسبلون همه الجفين
بشـــــاربك يابو حسبن
بشــــــاربك وكت اليجيبون جفان
ويــــــــسو منــــي وخابرو الدفان
العازه يــــــمك ماهي عازت خوان
من ملكي اطــلع يابو زينب عريان
بعد الجفــــن مايدرون
شنهو الـيمر بيه شلون
تاليتـــــي ماعرف وين
بــــشاربك يابو حسين
بشاربك مـــــــــولاي يوم يحفرون
ليه بگــــــــبر وتراب فوكي هيلون
حگهم تره عله رواحهم من يبجون
وبعد الدفن الصـــــار لازم ينسون
انسي وجاري انته تصير
وجاورك عــــــيب يحير
ياحامي جــــــارك ودين
بشاربك يابو حــــــسين
بشاربك ياســــــــــيدي يابو تراب
الحيره باجر مايصح عدي جواب
مولالي اريدك تفتــــح وليه الباب
وكدر اجاوب منــــكر انه وماهب
مولاي لا تنــــــساني
خلافك يحير لساني
مشي عليك الجفين
بشاربك يابو حسين
ابو سلام الجابري
BY الشاعر ابو سلام الجابري
Share with your friend now:
tgoop.com/jjdicjcsk/730