tgoop.com/jjdicjcsk/1171
Last Update:
اجن بليل وبنيات الحســــــــين
يدورن والدمع مافارك العيــــن
اجن بليل بدمــــــــــعات ونوح
وكالن يم ابونه نشتــكي نروح
مانحمل بعد كل هاي الجروح
وين روح ماندري بعــــــــد وين
اجن بلــــــــــيل ويدورن وليهن
وحبال الــــــسبي تاكل بديهن
يدرن راح مايرجع علــــــــــيهن
وباجر بــــــــسبي يطبن دواوين
اجــــن ودموعهن تاكل بلجفون
يشــــكن عد ابوهن من العيون
بنظرات الشمــاته الكل يصدون
سكته ونوحهن وبطــرك الونين
اجن سكته بونين وكعدن حذاه
وكلله يبويه المــــــــــــاي جبناه
بس راسك سليــــــب وين نلكاه
تدري نظل بعد عينــك مساكين
اجن وجدامهن بيهــن جمر حار
وكالن هل وصلنه وجبنه الخبار
لا ظلت خــــــــــيم لامن بعد دار
وحنه اليوم حرنه بهــــل ميداين
حرنه خلاف عيــــنك بين الجناب
ومدلل بناته توســــــــــــــد تراب
من بعــــدك يويه وهل عمر غاب
ونگظــــــيهن دمع ياباقي السنين
ابو سلام الجابري
https://www.tgoop.com/jjdicjcsk
BY الشاعر ابو سلام الجابري
Share with your friend now:
tgoop.com/jjdicjcsk/1171