tgoop.com/jjdicjcsk/1165
Last Update:
غيمت من مهــــــــره دك الحافر
حسين مغضــب طبها يوم العاشر
مغضب بعينه الزعل
للعده ماضــــل امل
*---*--*--*
طبها ابو السجاد هيبه وبيها غار بزوده
حيئر زياد وزمرته وداس فوك جنوده
مواعد اخته يجيب ثاره وفه كل عهوده
لابس عمامت محمد شمرته من عوده
شمرته من حيدرا
سوه بيها الماجرا
وهيج سوه وياهــــــم الما صاير
*--*-*&**&---*-
صارحاديها وحدها وگادهه كود الغنم
وسمع زينب هلهلته بسكته بطراف الخيم
كام يحصد روس بيها وفوكها يرف بلعلم
وليزوم بروحئ هذا مات مايلحگ نئدم
محد الحده گرب
نار سواهم حطب
وخله جيش زياد بطف حاير
*-*&-----*-**-*-*
توسط الحومه بمهرته منين ماطبها حصد
اخذ زلمه بطرگ روحئ الاف همه البلعدد
هذ ينعد ذيب شلوه الحگ بروحئ شرد
منين يشرد وابو سكينه ماترك منفذ بعد
سد عليهم كل درب
ونار بيهم ظل يشب
ماكو زلمه الحده خطوه وعابر
*-*-*---****
ماكو زلمه الداك صدره وگابله بسوح النزال
حسين مترهي عليها الزامطه يكله تعال
من علي ومن يوم خيبر هيج رابي عله القتال
كربله وسواها حلقه وبيها ماظل كل مجال
حلقه سواها الطفوف
مايهاب من السيوف
حسين وحده وللخيم ظل ساتر
*-*-*-**-
غيمت وصبحت ظلمه من كثر مابيها غار
لگاط يتلگط زلمهم مايدور علزغار
السيف لو هزه بيمينه يگوم يجادح شرار
شويه هذا الي احجيته هواي اصلن بيها صار
بخوف خلاها تمــــوت
الحده لامحــــد يفوت
والوصل حده بحــــــياته يخاطر
ابو سلام الجابري
https://www.tgoop.com/jjdicjcsk
BY الشاعر ابو سلام الجابري
Share with your friend now:
tgoop.com/jjdicjcsk/1165