tgoop.com/jjdicjcsk/1131
Last Update:
خلــــــوني بس انه ويبــــوي اليله
خلوني اودعه وبلــــــوداع اشكيله
خلوني اكله ولو رحت حالي شلون
خافني ابجي ولو بجيــــت يملون
*
خلوني اكــــــعد يمه بس انه وياه
بلكـت يجفـي يصيــر ياخويه دواء
واعـــدني هــوه وهل وعد ماانساه
كلالي زينــــب ونتي روحه ودنياه
ياروحه ظلت للحــــــــزن والدمعه
خلــــــوني يمه شويه بس انه انعه
تيهــــت رايي ومابقــــت كل حيله
****
تيهت رايي ومن شفت طبرت سيف
البراسه يكــــرم مابخل بي علسيف
كلوله بتك هاي اجـــــتك هم ضيف
بلجن ترد روحه ويرد بيه الــــكيف
بلكت يكــــــلي وخلي گلبج يرتاح
مابيه اخلــــص هل العمر كله نياج
وبقه العــــــمر دم مو دمع وبجيله
خلوني اشمه وامسح عيونه بماي
بلكت يفز ويكــــــــــوم يگد وياي
صدكوني حيره وتيهيت انه الراي
هوه العلاج وهــــــوه بدنيه دواي
خلوني يمه وخل اشــــم بهدومه
وخلوني اكله مو وكت هلنــــومه
وين الحسن خل يكرب يتــجيله
وين الحسن ياخوي وگرب حاجي
لو رحت كله البيت ياهو يظل بي
خلافك ظــلام وبس سواد يغطي
وكله وحشــــه خلافه راح يخلي
بلكت يرد يكعد يســــــولف وياي
وليخلي كل الدنيه تبجي المبجاي
وهيه المصيبه حسين هادم حيله
*
خلوني اكله ايتـامه وكفت بلباب
جابت دواك تريد من عدنه جواب
جا ليش ابونه وينطــبر بلمحراب
كالو بحــير نظل علي وعنه الغاب
بغربه نبقه ومــــــــــحد يمر بينه
كلو اــلعلي بحيــــــــره لي خلينه
محد حجاله وانه اريد احــــجيله
ابو سلام الجابري
https://www.tgoop.com/jjdicjcsk
BY الشاعر ابو سلام الجابري
Share with your friend now:
tgoop.com/jjdicjcsk/1131