tgoop.com/jizzaxshaharhokimligi/16099
Last Update:
Jizzax viloyati hokimligi Anjumanlar saroyida “Central Asia – 2024. Fan, ta’lim, madaniyat va biznesda Internet va axborot-kutubxona resurslari” XVII Xalqaro konferensiyasi tashkil etildi.
Konferensiyani Prezidenti Administratsiyasi huzuridagi Axborot va ommaviy kommunikatsiyalar agentligi direktori Asadjon Xodjayev ochib berdi.Shundan so’ng, viloyat hokimi o’rinbosari Akmal Savurbayev so’zga chiqdi.
Xalqaro konferensiyada 11 ta davlatdan 42 nafar xorijiy ishtirokchilar qatnashdi.
XVII Xalqaro konferensiyasi doirasida kitob va kitobxonlikni targ'ib qilish, nashriyotlar faoliyatini yoritish maqsadida TARIXIY PLAKATLARdan "Kitobxonlik tariximiz, kitobxonlik bugunimiz, kitobxonlik kelajagimiz" mavzusida ko'rgazma tashkil etildi.
Ko'rgazmani tashkil qilishdan ko'zlangan maqsad kitob san'ati, qo'lyozmadan bosma kitoblar shakligacha mashaqqatlar bilan shakllanganligi, ulkan yo'lini bosib o'tganligini ko'rsatish.
Shuningdek, tadbirda Rossiya Davlat kutubxonasi Bosh direktori, Yevroosiyo Kutubxonalar Assambleyasi prezidenti, Rossiya kutubxonalari assotsiatsiyasi vitse-prezidenti V.Duda, Armaniston Milliy kutubxonasi direktori, Yevroosiyo Kutubxonalar Assambleyasi vitse-prezidenti Anna Chulyan, Belarus Milliy kutubxonasi Bosh direktori Vadim Gigin, Qozog‘iston Respublikasi Milliy kutubxonasi Bosh direktori, Qozog‘iston kutubxonalar uyushmasi raisi Bakitjamal Ospanovalar so‘zga chiqib, axborot texnologiyalari rivojlangan hozirgi zamonda kitob, mutolaa, nashriyot va kutubxonalarning o‘rni, uning jahon tamadduniga qo‘shayotgan xissasini e'tirof etdilar.
"Central Asia-2024" doirasida "Axborot kutubxona a'lochisi" ko'krak nishoni - taqdirlash marosimi ham o'tkazildi.
"Axborot kutubxona a'lochisi" ko'krak nishoni Respublika bo'ylab kutubxonachilik sohasiga o'z hissasini qo'shib kelayotgan eng munosib nomzodlarga topshirildi.
BY Jizzax shahar hokimligi
Share with your friend now:
tgoop.com/jizzaxshaharhokimligi/16099