يا علي مدد

متابعيني الكرام
من خدام وخادمات الحسين عليه السلام
اهلا بكم في قناتي. المتواضعه ،،،،
،،،،مع كفيلي عتاب،،،،،
وكل الي غادر القناة عسى ان استفاد من منشوراتي والي متواصلين معي ان شاءالله لهم الاجر والثواب وعلى الرحب والسعه وانا خادمه لخدام الحسين عليه السلام،حبيت انوه على ظاهرة بعض الشاعرات الي نفوسهم ضعيفه ويدخلون القناة لسرقه الكلمات او المستهل من قصائدي وينسبونهه الهم سبق وان عانت بعض الشاعرات من السرقه وكتبو في منشور لهم عن بعض القنوات لكن انه ما اريد اذكر منو الي سرقت احتراما للحسين
لكن اذا بقت تتعد الحدود اكول انتي ياشاعره من تكتبين قصيده وتكولين انه الشاعره فلانه وانتي سارقه المستهل ومرتبه الكلمات من كل القصائد شلون انتي شاعره لا والنوب تكتب غير مبري الذمه الي ياخذ الكلام او يغير الرابط زين وانتي الي اخذتي شنو سمينه بهذه الطريقه انتي مو شاعره انتي جاي ترتيبين كلمات غيرج وتنشرين قصائد باسمج يقبلج الحسين بهذا الشي وانتي سارقه زين هو الحسين عليه السلام على شنو ضحى بنفسه وبعياله لاجل كلمة الحق لاجل العدل و،،،و،،،،و لمن تجين وتكتبين القصيده وتكولين قد سجلت عند الزهراء وانتي سارقتهه وماخذه تعب غيرج انتي مو خادمة للحسين عليه السلام انتي مجرد انسانه تكتبين حتي ترفعين متابعين قناتج يعني تجاره وليس كلام للحسين وبهذا الشي لاالله يقبل الج ولا الحسين اعرفي زين لايكون همج المتابعين وزيادة عدد القناة وانما خلي يكون همج يوصل ثواب القصيده للحسين
عليه السلام،والله على ما اقول شهيد
والشاعرات الي. اخذو مني اذا مره ثانيه اشوف قصائدي مسروقه راح اسميكم باسمائكم واسم قنواتكم. وهذا الشي عيب
والحاكم هو الله والحسين
واحرم على كل من تسول له نفسه غير مبرية الذمة الي تاخذ من قصائدي او كل من يدخل قناتي لاجل السرقه


اختكم ام مصطفى الاسدي،


.:
مع كفيلي عتاب
كن تقيا تكن عزيزا
https://www.tgoop.com/jgapun

لطميه للسيده زينب. عليها

ليش زينب نمتو وعفتوهه.
وحيده بين اعداكم. تخلوهه

*****************************

ليش زينب ياعلي. تخليهه
تروح ويه اهل الكفر تسبيهه
وترضه بالعدوان تضرب بيهه
يهل المروه شلون. خليتوهه


هاي زينب يالحسين ملوعه
تنادي. شوفو اخوي ظل بمصرعه
وضاله. مهضومه عليك مصدعه
حايره بعيالكم. عفتوهه


ليش ياعباس عفت ام الخدر
النار بخيمهه ظلت. تستعر
خايفه ومرعوبه تروح بياكتر
بعيالكم والحرم. كلفتوهه


هاي زينب. طبت المجلس يزيد
وياهه السجاد. مگيد. بالحديد
تگول. نار. مصابكم بيه. تزيد
او صاحت عليكم ماجيتوهه


ليش ياعباس موانت. الكفيل
وهيه بين اعداكم بليه. معيل
حرم والاطفال ووياهه العليل
وين ياعباس. خليتوهه


تنادي يا اهل الحميه والكرم
ظلت النيران تسعر. بالخيم
كلبي من مصابكم يهلي انهدم
وفزعت العدوان حيل اذوهه


✍/لخادمة اهل البيت عليهم السلام
ام مصطفى الاسدي،

غير مبري الذمه من ياخذمن الكلام اوينسب القصيده له


https://www.tgoop.com/jgapun

لطميه للعليه، ،،عليها السلام

ضعن الحرم من حمل،،،،ماحملوني وياهم

$$$$$$$$$$$$$$$$$$$$$$$$$

ابوي حسين عافاني
وحيده ارجعت لوطاني
ابجي والبجي. اعماني
وبقيت انه. اترجاهم


يبويه لاتخليني
نار الفرگه. تجويني
وغيابك. ياذيني
وبعد. شلون الگاهم


رجعت خايبه. ضنوني
ومن عدهم يحرموني
يهلي. لا. تخلوني
وروحي رايحه. وياهم


يادهري بعد شتريد
شال وفارگاني الحيد
وهمومي عليه اتزيد
من اذكر. حجاياهم


يعمي رد عليه جواب
ابوي حسبن. دزلي خطاب
وانه. واكفه. بالباب
راحوا وين. منواهم


اطب للدار. حزنانه
ولا واحد بقه. ويانه
ابوي الخالي. صيوانه
واهلي شلون. انساهم

ضعن الحرم من حمل،،،،ماحملوني وياهم

✍لخادمة اهل البيت عليهم السلام
ام مصطفى. الاسدي،
غير مبري الذمه من ياخذ الكلام او المستهل او تغير الاسم


.:
مع كفيلي عتاب
كن تقيا تكن عزيزا
https://www.tgoop.com/jgapun

لطميه ثكيله للسيده زينب عليها السلام

على التل واكفه زينب تنادي
خويه حسين يابن النبي الهادي
على التل واكفه اصيح،،،،،،يل كلكم مذابيح

خويه حسين يابن النبي الهادي

######################

على التل واكفه اصيح وينك خويه نايم
نمتو على التربان وانه اشبع هضايم
رحت عني يوالي وكلبي عفته هايم

خبرني اعله حالك
بالصار وجرى لك
اجت يمي الاعادي،،،،،خويه حسين يابن النبي الهادي


على التل واكفه اصيح وين اهل المحنه
رحت عني يخويه وراحت كل أهلنه
نايم على التربان وانه اكطع الضنه

ضني الجيتك خاب
وجرح الكلب ماطاب
مرد يالاخو يومك افادي،،،،خويه حسين يابن النبي الهادي


وحيده اليوم ظليت بعد ماضن تجوني
وانت عني امشيت او عميت عيوني
خويه اخلافك اعداك ومن بعدك ولوني

كلبي محمل عتاب
يالنايم على التراب
عليك اسمعني انادي،،،،،خوبه حسين يابن النبي الهادي


اريد تكون وياي يالبيك الحميه
تقبل خوتك هاي يضربوني ال اميه
ومن بعدك يالحسين اروح انه سبيه

بينه الشمر يحدي
وغربيه اروح وحدي
وهضمتني الاعادي،،،،،خويه حسين يابن النبي الهادي


ماتكعد يخويه وشوف اشسده بحالي
ادور عليك ظليت بعد ماعندي والي
يابن امي ويرجواي ياعزي ودلالي

تراني وحيده ظليت
وجيت عليك ناديت
فرت عيلتك كلهه بالوادي،،،،خويه حسين يابن النبي الهادي


حاجيني يالحسين عالتل جيت أناديك
شبو بالخيم نار وريدن احتمي بيك
اشبعت روحي هضايم بعد جاوين الاكيك

بعد يمته تجوني
وعدوانك ولوني
وعليه شنهو سادي،،،،،خويه حسين يابن النبي الهادي


✍بقلم خادمة اهل البيت عليهم السلام ام مصطفى الاسدي،
غير مبري الذمه كل من ياخذ من القصيده
وينسبها له

.:
مع كفيلي عتاب
كن تقيا تكن عزيزا
https://www.tgoop.com/jgapun

لطميه للعباس ،،، عليه السلام ،،،،

كوم ياعباس وحاجيني،،،،،
وين خليت العلم دليني، ،،،

#######################

وين خليت العلم يابو الفضل
عيوني من بعدك يخويه دم تهل
ادعي الربي الرجوعك وابتهل
كوم حاميني ياضي عيني


وين جفينك بقن وبيا كتر
بطيحتك خويه تولوني الكفر
حركوا اخيمي وخذوني للاسر
ولا ولي وياي ويحاميني


اريد اخبرك يابن ابوي بحالتي
يطول نومك وانه اضل بوحدتي
بالحرم واطفال صعبه رجعتي
كوم حاجيني وصد بعيني


خويه طاحت رايتك يابو الفضل
عليك حزنانه ويضل دمعي يهل
ماتصد بعيني من الخجل
اختك انه اكعد او واسيني


وين خليت العلم والرايه
الجود عندك لوتبده مايه
سكنه تبجي تكول عمي مايه
خل يجيب الماي الي يرويني


اتعبت خويه يوم الي رحت
وعندي ضعن الحرم بيه اتكفلت
وبيه ياعباس اعداك اتشمتت
ونار بمصابك جمر يجويني


✍ ،،،لخادمة اهل البيت عليهم السلام
ام مصطفى الاسدي
غير مبري الذمه كل من ياخذ من القصيده
او المستهل


https://www.tgoop.com/jgapun

لطميه للطفل الرضيع


ياسهم المنيه الصاب عبدالله
الف صواب يوجع بالكلب خله

$$$$$$$$$$$$$$$$$$$$$$$$$$


ياسهم المنيه الصابه ازغيرون
وبي كطعوا نحره والله ميخافون
وتبجي امه عليه وعاميه العيون
عطشان ويريد الماي من الوالد يكله



تبجي امه عليه تكول يوليدي
خذاك البين مني وانه اشبيدي
وتدري بشوفتك هيه الي عيدي
وبيك انه فرحتي ويمك اسله


يعبدالله ييمه وين سهمك صار
كاطع منحرك بيك اشجره وصار
وحسبالك الماي اشربه دمك فار
وحسين الرضيعه المدمع ياهله


جنت اسهر عليك يايمه ليالي
اهز مهدك واشوفنه المهد خالي
واشوفن صورتك يوليدي اكبالي
وصرخ حيل وانحب،واشتكي لله


ربيتك يعبدالله بدمع عيني
شلون تروح من عندي وتخليني
وابجي عالمهد اوزايد اونيني
وبجاي اعله مودك ابد مامله


فاركتك ازغير ياضوه عيني
الكبر سني اريدنك تباريني
وشمعه اصير الي وضوي بسنيني
ورحت شلون عني ومني تتخله


✍-لخادمة اهل البيت عليهم السلام
ام مصطفى الاسدي
غير مبري الذمه كل من يحذف الاسم أو ياخذ الكلام

https://www.tgoop.com/jgapun

لطميه لليوم العاشر من محرم

طاح ابو السجاد ياهو الجاله
منهو شال الواه وحامه عياله
#######################

طاح ابو السجاد عالغبره طريح
امهشمه ظلوعه والمنحر ذبيح
وين ابو فاضل ياخويه يصيح
شوف صدري داسته الخياله


شوف حالي بغيبتك شوف اشجره
انت مو عباس سبع الكنطره
زينب بفركاك ترضه اميسره
تروح لابن زياد وبها الحاله


طاح ابو السجاد منهو الغسله
وضمد جروحه او وداه الهله
شلون،يازينب بعملة كربله
ظلت دموعج تجري كباله


طاح ابو السجاد يازهره تعاي
غمضي عيونه وشربيله الماي
جان راسه اعله الرمح يشهد بهاي
واية القران هي تبراله


طاح ابو السجاد و عينه عالخيم
وظلت عياله اطفال او حرم
وحتى عبد الله منهه ما سلم
شنهي ذنب الطفل وليجراله


كوم ياحيدر ابو اليمه انوله
حركو اخيمه وسبي العايله
هون علينه بدوار الفله
شوف بحسين اشجره وبعياله


✍-بقلم خادمة اهل البيت عليهم السلام
ام مصطفى الاسدي
غير مبري الذمه الي ياخذ اي كلمه من القصيده،


مع كفيلي عتابhttps://www.tgoop.com/jgapun

طلع من المدينه وشال الحسين
واجه الجده يودعه ودمعه بالعين
####################

ياجدي يكله الله وياك
ماشي الكربله واموتن هناك
وبالجنه يطه التقي وياك
افدي الروح انه النصرة الدين


مشه عنه الحسين وبالضعن سار
وترك طفله عليله تبجي بالدار
من توصل يبويه دزلي اخبار
لايطول سفركم وانتوا ماشين



صوت من الكبر نادت يمظلوم
على حسين الزجيه الكلب مهظوم
الله وياك يابني اودعك اليوم
ماشي للذبح يبني يلحنين



تبجي ام البنين تكله يبني
يمه بهل السفر رايح تشيبني
وبعدكم عني ياولادي يعذبني
وادري من بعدكم تعمي العين





اميره وتمشي ويه اخوتهه زينب
والعباس كلهه ياهله ومرحب
تكله بها السفر احس كلبي اصوب
افدي العين الج يختي والجفين


ساير بالضعن وكلبه مالوم
ويه عياله ماشي يحارب الكوم
وعينه من الحزن ماشايفه النوم
على اليجري باطفاله يبجي الحسين


✍-لخادمة اهل البيت عليهم السلام
ام مصطفى الاسدي
غير مبري الذمه كل من ينسب الكلام له


مع كفيلي عتابhttps://www.tgoop.com/jgapun

لطميه لجسام

وين يايمه رحت حاجيني
عريس ابني بزفته ايبجيني
@@@@@@@@@@@@@@@@


عريس ابني اليوم وشعلت الشمع
وطول غيابه وهليت الدمع
وبمصابك يالولد كلبي انشلع
وصواب يومك صوباني بعيني


وين يايمه رحت اوعفت العرس
وروحي بالونات ظلت تنحبس
وكلبي مات وياك بس ظل النفس
وريت كون بكبرك تخليني


يمه الشبان تسالني عليك
اجو يخلون الحنه بيديك
والمنيه بساع يوليدي تجيك
والدهر بينك حال وبيني


يمه كطعت الكلب يبني عليك
وينه عرسك وانه الفرحانه بيك
شلون نايم عالثرى يمه الكيك
وادري بيه الموت ميخليني



بسرعه جاك الموت يبني يا شباب
سنين عمرك والورد يايمه ذاب
مدري اعيش شلون اظل بياعذاب
وانت مويمي وتحاجيني



ونت الروح وعلى مصابك تون
والعيون من البجي عليك انعمن
وكلبي كل ساعه على شوفك يحن
فراك يومك يمه اماذيني


✍--لخادمة اهل البيت عليهم السلام
ام مصطفى الاسدي اسالكم الدعاء
غير مبري الذمه كل من ياخذ الكلام
او مستهل او يحذف الرابط


https://www.tgoop.com/jgapun

هوسات للعباس عليه السلام


هذا المرهب الكونين العباس بالرايه
وحامي المشرعه من الكوم وابد متكوم اله ثايه
يوصفونه كمر هاشم وجفه نطاه وفايه

(( وفايه لحسين فداهن))



الك يابو الفضل وكفه تشيل الراس
يابو الغيره يمعدل يبو النوماس
ونعم من صاح الولي حيدر الك يحسبن اجه عباس
(( اعضيدك بيوم الشده ))


وزينب عليها السلام تقول لابا الفضل

اناديلك يخال ابني ياعباس حاجيني
السهم الصابك بعينك تراني صابني بعيني
والسيف الكطع جفوفك يخويه بكلبي راميني
وانه العده من بعدك ياعباس تسبيني

(( تسبيني وانت الكافلني ))



الخوه خوة العباس وكافي
لان محد نطه الجفين وعينه بيهه يوافي
وضحه بروحه لجل اخته
يكللهه يتاج الراس اكعدي والج الصافي

((ومي عيني يازينب شربي))


✍--لخادمة اهل البيت عليهم السلام
ام مصطفى الاسدي
غير مبري الذمه كل من ياخذ الكلام
اسالكم الدعاء



https://www.tgoop.com/jgapun

لابي الفضل العباس عليه السلام
عندما جاء برايته لأخته زينب

رافع رايته العباس

والزينب حلف بيهه
#######################

رافع رايته والزينب اتعنه
الج يختي،انه الماي اجيبنه
وبجفوفي هذني حسين انصرنه
ويوم الموزمه يازينب افنيهه


اجه لام الخدر والهه يدك صدره
ياخويه عليه مصابج اشكبره
وسمعته وهيه دموعه تجره
كعد يمهه على مصابه يسليهه


رافع رايته اوناده يازينب
هله ومرحب يخويه والدموع اصب
آمر ياكفيلي مني اشتطلب
اطفال وحرم منهو اليحاميهه


شاف دموعهه وعينه تهل حمره
انه الوفاي يازينب او دك صدره
وعذريني يخويه بالذي يجره
عيني والجفوف لحسين افديهه


اجه العباس يم زينب او حاجاهه
وهيه اتلكته او علت ابجاهه
تكله اختك يخويه وين منواهه
بأطفال وحرم اظل حايره بيهه



راعي المرجله والهيبه والنوماس
ابو فاضل يسمونه البطل عباس
بافعاله تحير الكفر والارجاس
يم ام الخدر يبجي ويحاجيهه


✍-- لخادمة اهل البيت عليهم السلام
ام مصطفى الاسدي،
اسالكم الدعاء،
غير مبري الذمه كل من ياخذ،اي كلمه من القصيده ،

https://www.tgoop.com/jgapun

خطبة الحسين عليه السلام
صبيحة يوم عاشواء


عن رجل من همدان ،،،قال خطبنا الحسين بن علي عليه السلام غداة اليوم الذي
استشهد فيه ،،،فحمد الله واثنى عليه ثم
قال :: عباد الله اتقوا الله وكونوا في الدنيا على حذر فان الدنيا لو بقيت لاحد
او بقيه عليها أحد كانت للأنبياء أحق بالبقاء وأولى بالرضى وأرضى بالقضاء
غير أن الله تعالى خلق الدنيا البلاء
وخلق أهلها للفناء فجديدها بال ونعيمها
مضمحل وسرورها مكفهر والمنزل بلغة
والدار قلعه فتزودو فان خير الزاد التقوى
فاتقوا الله لعلكم تفلحون ،،


خادمة اهل البيت عليهم السلام ام مصطفى الاسدي


https://www.tgoop.com/jgapun

لزيادة مشاهدات مقاطع الفيديو في قنوات اليوتيوب ما عليك سوى التواصل مع
@ahmed_alziwar0

لطميه ليلة الوحشه

الليله زينب بالعراء مهمومه
هيه والعيله بقت مهضومه
#######################

ليله زينب بالعراء ويه الاطفال
راحوا اخوته او راح الدلال
شحالهه المهضومه وباصعب احوال
آه يحسين وآيايومه


اليله زينب حشمت ماكو معين
لاعباس ولا يمهه الحسين
بقت اوحيده اوتهمل العين
تمشي متيسره وتعوف الحومه


تمشي متيسره وتعوف اخوانهه
كلفه او صعبه ترد اوطانهه
شلون مشيتهه وي عدوانهه
كون ابو الحسنين يرجع يومه


الليله زينب بالعراء مهضومه
تشوف الحسين سليبه هدومه
تصيح يازهره وهي مالومه
شوفي ابن زياد او عملت كومه


شبت النيران بكل الخيم
وزينب تنادي وتلم بالحرم
وجه ليهه الشمر منهه ينتقم
وخله طبع السوط بيهه ارسومه


الليله ناده المنادي بكربله
من يداري وحيده العايله
شلون بيهم من دار الفله
بقت زينب بت علي مندومه


✍::لخادمة اهل البيت عليهم السلام
ام مصطفى الاسدي
غير مبري الذمه كل من ياخذ اي كلمة من القصيده او يحذف الاسم
اسالكم الدعاء


https://www.tgoop.com/jgapun

عظم الله اجورنا واجوركم بمصاب ابي الأحرار شفيعنا وحبيب قلوبنا الحسين عليه السلام
ولن ننساكم من الدعاء بهذا المصاب الجلل
لكل المشتركين بقناة ( مع كفيلي عتاب)

لطمية عتاب لابي الفضل

خويه انه اجيت وياك،،،ليش تعوفني وتروح

#######################

شلون تعوفني ويه اعداك
ما اكدر انه بلياك
وافز مرعوبه وتلكاك
وخلصانه عليك الروح
•••••••••••••••••••••••••••••••••••••••••••

عليه صار المحتم
وتدري اعداك ماترحم
حركوا حتى المخيم
وبقيت انه بهضم والنوح
•••••••••••••••••••••••••••••••••••••••••••

عليكم دارت عيوني
وهاي اعداك ضربوني
وعلى الهزل يركبوني
وعفت حسين ظل مطروح
•••••••••••••••••••••••••••••••••••••••••••

ادور عليك عالشاطي
بظهري خلو اسياطي
خال ابني وعلي باطي
وجسمك هم بعد بي روح
•••••••••••••••••••••••••••••••••••••••••••

وصيت المرتضى انه
وكتلي امشي بحمانه
تدري الدنيه خوانه
وراس حسين هل المذبوح
•••••••••••••••••••••••••••••••••••••••••••

يخويه لا تخلوني
واعداكم ياذوني
واصيحن ما تسمعوني
والمصابي الطفل اينوح •

ليش تعوفني وتروح
•••••••••••••••••••••••••••••••••••••••••••


✍::::لخادمة اهل البيت عليهم السلام
ام مصطفى الاسدي
غير مبري الذمه كل من ياخذ كلمات القصيده
اسالكم الدعاء


https://www.tgoop.com/jgapun