نداء زينب لأخيها الحسين عليه السلام


جرجرني الشمر وسياطه بمتوني

ويا اهلي صحت يامن تركتوني
@@@@@@@@@@@@@@@@

انه ويه العده وعيوني هماله
وعيني تصد على حسين وعلى عياله
مشيت ومحملي الشمر يبراله
ويا اهلي صحت عدمن تركتوني
▪︎▪︎▪︎▪︎▪︎▪︎▪︎▪︎▪︎▪︎▪︎▪︎

خويه اسياطهم يحسين اذتنه
ازغار اكبار تبجي وصعبه حالتنه
ويوم مصابكم يحسين موتنه
يابن امي بجيت اعداك اذوني
▪︎▪︎▪︎▪︎▪︎▪︎▪︎▪︎▪︎▪︎▪︎▪︎

جرجرني يخويه وما الي احد
ونار مصابكم بحشاي تتولد
وهاي اطفالكم بكتاري تتلبد
ومصايبكم يخويه عميت عيوني
▪︎▪︎▪︎▪︎▪︎▪︎▪︎▪︎▪︎▪︎▪︎▪︎

حرمه بلاولي ظليت من بعدك
هدم حيلي يخويه مصابك وهجرك
يالظامي يبس من العطش كلبك
ريت انه متت وانتم دفنتوني
▪︎▪︎▪︎▪︎▪︎▪︎▪︎▪︎▪︎▪︎▪︎▪︎

مارحموا بحالي ولا بعيالك
ونستر بدينه خويه واندهلك
وتصعب حالتي من اوكف اكبالك
يخويه ويه العده شلون عفتوني
▪︎▪︎▪︎▪︎▪︎▪︎▪︎▪︎▪︎▪︎▪︎▪︎

خويه حسين بعدك تعبت احوالي
ويسبوني العده وانه بلا والي
ولا واحد فزعلي ولا أحد اجالي
يااهل المروه كوموا رجعوني
▪︎▪︎▪︎▪︎▪︎▪︎▪︎▪︎▪︎▪︎▪︎▪︎


✍::::لخادمة اهل البيت عليهم السلام
ام مصطفى الاسدي،
غير مبري الذمه كل من ياخذ اي كلمه من القصيده،،،اسالكم الدعاء،،

https://www.tgoop.com/jgapun

قصيده للسيده زينب ،،،ع،،،

شلون اروح ميسره،،،،،،،والوليان عافوني،


#######################

عافوني ولياني ومشوا
للموت كلهم عزموا
وصار بيه مادرا
وعنهم اسيره خذوني


عافوني بديار لغرب
ودمعة عيوني تصب
والنار تلهب بالكلب
واهل الردى يشتموني


خويه حسين ناديته
كلبي انفطر خليته
وبناركم جويته
ومصابك عماهه عيوني


كلبي يخويه خلصان
وعفتك اعله التربان
يا المنذبح يالعطشان
وريت بسهم صابوني


عفتوني يااهل الشيم
والنار شبت بالخيم
حشمت ماعندي زلم
بس العده اسروني


ناديت راعي الغيره
اختك خذوهه اسيره
ومهضومه هضمه جبيره
ولبن زياد ودوني


✍:::لخادمة اهل البيت عليهم السلام
ام مصطفى الاسدي
غير مبري الذمه كل من ياخذ كلمات القصيده او يحذف الاسم
اسالكم الدعاء


https://www.tgoop.com/jgapun

لطميه نداء زينب لابا الفضل


عني اشعطلك يانور العيون
مسبيه رحت ويه اليكرهون
@@@@@@@@@@@@@@@@

مسبيه رحت خويه يعباس
ياراعي الشهامه ورفعت الراس
ترضه امشي سبيه ويه الارجاس
وانتم عني رحتوا ماتردون


عني شعطلك يابو الكفاله
ماتدري بحسين وبالجراله
يخويه انذبح ونسلبت عياله
وبس دمعي يهل ظل من العيون


عني اشعطلك او ماتجيلي
من اعداكم تجيلي وتحاميلي
يعباس بمصابك هدم حيلي
اسيره ويه العده تخليني شلون


جنت ابزود امشي وانتم وياي
وتاليهه صفيت برفكة اعداي
عسه ياريت ماكتلك على الماي
يل كطعت جفوفك هزت الكون


ردت منك تجي وشوف حالي
اسيره بغربتي وبلايه والي
بمصايب كربله انشده بالي
ولكم حشمت يلما ترجعون


عينك غمضت عني ولاجيت
وعداكم سبتني والكم نخيت
وكبل الغاضريه ميته، ياريت
علي وانه سبيه ما تحنون


✍:::لخادمة اهل البيت عليهم السلام
ام مصطفى الاسدي،
غير مبري الذمه كل من ياخذ الكلام
او يحذف الاسم


https://www.tgoop.com/jgapun

((لطميه فزاعية للطفلة رقيه ))


رقيه تنوح وانه ابجي اعله مبجاهه
البنيه زغيره. او صعب فرگاهه
''
**********************
البنيه زغيرة شلون عايفه
والدمعه تهلهه ريت شايفه
زغيرونه رقيه اعداك تضربهه
وبسياطه الرجس بمتونهه آذاهه
******************
رقية تنوح يحسين اعله فركاكم
تزيد النوح هيه تريد وياكم
وين حسين ابوي تكول ننعاكم
والمثلي يعمه شلون عافاهه
***************
عفت بنتك يخويه شحالهه عندي
وآنه من المصايب انفطر جبدي
ويضربونه العده الحادي من يحدي
وعليك تنوح خويه وعلت بجاهه
********************
شتتنه الدهر يحسين فركنه
ومصابك يوالي حيل آلمنه
بعد اعيونكم العده اشتمنه
أسيرة بنت علي وبنت النبي طه
******************
رقية تنوح يحسين وبجت عندي
آلمني مصابك مارده جبدي
تكلي امشي يعمه لبيتنه ردي
بلكي حسين بيهه لبته يتناهه
******************
اريد حسين اشوفه شلون ياعمه
تهل دمعات عيني عليه متألمه
ماهزه نحيبي ونوحي ماهمه
رقية تنوح وآنه ابجي اعله مبجاهه
******************


✍::::لخادمة اهل البيت عليهم السلام
ام مصطفى الاسدي،
غير مبري الذمه من ياخذ كلام القصيده
او يغير الاسم
اسالكم الدعاءhttps://www.tgoop.com/jgapun

لطميه لرجوع زينب لاخيها الحسين،،،عليه السلام،،

زينب رجعت من الشام،،،
اخت حسين تعبانه،

#######################

رجعت لأربعين حسين
اسيره عد الملاعين
تعبانه وتهل العين
تكول حسين خلانه


خلاني بهظم والنوح
وعفته اعله الثرى مذبوح
ونبجي عليه مامسموح
وذباحه اجه ويانه


اجت من الأسر زينب
تذكر كربله وتنحب
وكلبي عليكم اصوب
خويه عيوني عميانه


رجعت والهظم بيهه
ومتغيره معانيهه
وسوط الشمر ماذيهه
ومن الأسر وجعانه


زينب رجعت من الشام
وياهه الراس والايتام
تبجي منهم الظلام
ومنهه الروح خلصانه


تصيح بهظم يازهره
عفت حسين عالغبره
ذبيح وهشمو صدره
وجبت الراس ويانه


✍::لخادمة اهل البيت عليهم السلام
ام مصطفى الاسدي،
غير مبري الذمه كل من ياخذكلمات القصيده او يحذف الاسم
اسالكم الدعاء

https://www.tgoop.com/jgapun

((لطميه فزاعية للطفلة رقيه ))


رقيه تنوح وانه ابجي اعله مبجاهه
البنيه زغيره. او صعب فرگاهه
''
**********************
البنيه زغيرة شلون عايفه
والدمعه تهلهه ريت شايفه
زغيرونه رقيه اعداك تضربهه
وبسياطه الرجس بمتونهه آذاهه
******************
رقية تنوح يحسين اعله فركاكم
تزيد النوح هيه تريد وياكم
وين حسين ابوي تكول ننعاكم
والمثلي يعمه شلون عافاهه
***************
عفت بنتك يخويه شحالهه عندي
وآنه من المصايب انفطر جبدي
ويضربونه العده الحادي من يحدي
وعليك تنوح خويه وعلت بجاهه
********************
شتتنه الدهر يحسين فركنه
ومصابك يوالي حيل آلمنه
بعد اعيونكم العده اشتمنه
أسيرة بنت علي وبنت النبي طه
******************
رقية تنوح يحسين وبجت عندي
آلمني مصابك مارده جبدي
تكلي امشي يعمه لبيتنه ردي
بلكي حسين بيهه لبته يتناهه
******************
اريد حسين اشوفه شلون ياعمه
تهل دمعات عيني عليه متألمه
ماهزه نحيبي ونوحي ماهمه
رقية تنوح وآنه ابجي اعله مبجاهه
******************


✍:::لخادمة اهل البيت عليهم السلام
ام مصطفى الاسدي
غير مبري الذمه كل من ياخذ الكلمات


https://www.tgoop.com/jgapun

لطميه للسيده زينب للاربعين

زينب جايه من الشام
تدفن روس اخوته

@@@@@@@@@@@@@@@@

تبجي عند ابو السجاد
الحزن خويه عليه عاد
وتشكيله من ابن ازياد
وتهل بالشكوى دمعتهه


تكله بس حرم ظليت
خويه وبيهم احتاريت
وانت رحت مارديت
ويتامه وياهه جابتهه


رقيه تنتحب وتنوح
على ابوها الكلب مجروح
ابالي صورتك متروح
او ماتت بعبرتهه


خويه محيره ظليت
بعيالك يراعي البيت
وسكنه اصيح بويه مشيت
لوطنهه شلون ردتهه


ابو فاضل كفلني وراح
وجسمه على المسنه طاح
ومصيوب بسهم ورماح
وجفوفه اعداك كطعتهه


الزهره اليوم عازنهه
وصار الحزن بس فنهه
اعله بنهه ماكطع ونهه
وجبيره اليوم هضمته


✍:: لخادمة اهل البيت عليهم السلام
ام مصطفى الاسدي
غير مبري الذمه كل من ياخذ الكلام
او يحذف الاسم


https://www.tgoop.com/jgapun

فصل
ذكر الموت مقصر للأمل

$$$$$$$$$$$$$$$$$$$$$$$$$$

ذكر الموت يقصر الامل ويدفع طوله ويوجب التجافي عن دار الغرور
والاستعداد لدار الخلود
قال رسول الله .صلى الله عليه وآله وسلم

اكثرو ذكر هادم اللذات ،،،قيل يارسول الله
ماهو،؟
قال الموت:: فما ذكره عبد على الحقيقه
في متعه إلا ضاقت عليه الدنيا ولافي
شدة الا اتسعت عليه
وقال (ص) (تحفة المؤمن الموت)
وقال (ص) (الموت كفارة لكل مسلم)
وقيل له هل يحشر مع الشهداء أحد
قال ،،،نعم من يذكر الموت في اليوم والليله ،،عشرين مره أكثروا من ذكر الموت فإنه يمحص الذنوب ويزهد في
الدنيا،،،،
وقال (ص) ،،،(الموت ،، الموت،،،إلا ولا بد من الموت،، جاء بالروح والراحه إلى جنة
عاليه لاهل دار الخلود الذين كان لها سعيهم وفيها رغبتهم
وقال( ص)،،، اذا استحقت ولاية الله والسعاده جاء الاجل بين العينين
وذهب الأمل وراء الظهر واذا استحقت ولاية الشيطان والشقاوه جاء الأمل بين العينين وذهب الاجل وراء الظهر،،


https://www.tgoop.com/jgapun

لاربعين الحسين ،عليه السلام

اجت زينب ياحسين تكوم وتلكاهه

بالحرم وايتامك،،،،،،،والعليل وياهه

$$$$$$$$$$$$$$$$$$$$$$$$$$

اجت زينب ياحسين شوفهه بياحاله
الاسر تعبهه كلش وعينهه هماله
من البجي عليك انعمت ماتبطل لاله
مخدرتكم ياحسين اسيره عد اعداهه


اجت زينب وين تنصبلك عزيه
للمدينه شلون ترجع لوتظل بالغاضريه
اسالهه عن احوالهه وموتت رقيه
وشلون من جاهه الشمروبالسياط اذاهه


ارجعت بضعونهه ردت الدمعه تصب
اصيح وينك ياحسين خويه ماضلي كلب
جيت من الاسر الكم عليه بعيد الدرب
ولاتكول اجتني زينب وبنتي ماهي وياهه


آه ياكلبي عليهه وياعذابه
تلوعت وصيح بويه بالخرابه
وجابوا الهه الراس خويه ودموعهه سجابه
وخلصت روح البنيه والاجل وافاهه


اجت زينب ياحسين ارجعت بايتامك
تعتذرلك عن رقيه ولاتزيد الامك
سوط بي ماتت رقيه تعادلك بسهامك
وذبح نحرك ياحسين اكثر الاذاهه


اجت تشكي احوالهه الك والداحي الباب
راجعه بضعونهه هوايه غيرهه المصاب
شوف سود امتونهه الكفلهه وين غاب
نايم اعله المشرعه صاحت وماجاهه


✍:: لخادمة اهل البيت عليهم السلام
ام مصطفى الاسدي
اسالكم الدعاء
غير مبري الذمه كل من ياخذ من الكلمات او يحذف الاسم


https://www.tgoop.com/jgapun

للامام الحسن عليه السلام

جبده بالطشت ويهل دمعاته
اجن يمه وبجن زينب وخياته

#######################

مسموم الحسن والسم مرد جبده
وينظر للحسين ودمعة بخده
سمته اللعينه الكافره جعده
مالوم الحسن يجهر بوناته


باب اهل الكرم والجود مسدوده
راعيهه مشه او بعد شيعوده
وحسين اعله خيه روحه ممروده
حزين ويصفك اعله الحسن راحاته


جبده بالطشت ويلي الحسن مسموم
وتحمل هوايه من العده مالوم
وكلبه من المصايب مات كله هموم
وياحزن الحسن وشكثر لوعاته


زينب تسجب العبره عليه وتنوح
مصابك يالاخو خله الكلب مجروح
تبجي من دمه يهل الدمع مسفوح
مفجوعه العقيله ويه خياته


مفجوعه اعله خوها زينب الحره
حسن خويه تكله يومك اشكبره
شفت من العده هوايه قصص مره
ويلي اعله الحسن انطفت شمعاته


نعازي ام الحسن بالحسن ومصابه
وناره بالكلب ما تطفي لهابه
تبجي عالحسن بدموع سجابه
ماتطفي بكلبهه نار جمراته


✍::: لخادمة اهل البيت عليهم السلام
ام مصطفى الاسدي
اسالكم الدعاء


https://www.tgoop.com/jgapun

نعي. گرناوي ،،،على لسان مولاتي زينب، عليها السلام،،،،
####################

اجيت من الاسر يحسين ونعاك
لارض الغاضريه اردود. رديت

مشتاگه اعله شوفك ياضوه العين
وللملگه وحجينه. هواي حنيت

اگعد خل اسولفلك. يامظلوم
اصار ويانه خويه وعنكم مشيت

عفتوني وحيده شلون يخوان
ومن صحتك سبوني ليش ماجيت

رجعت اردود الكم آه يالعزاز
ميته وياكم اشوه كون ياريت

كلكم نومه. يخواني اعله التراب
احاجي گبوركم وحيل. ونيت

اندهلك وكلك گوم. وياي
خل نرجع سوه ياخويه للبيت

ورجعتكم بعد يحسين هيهات
روحي المن بقت وانه المن بقيت


الف لاحول ولاقوة الابالله العلي العظيم،


✍لخادمة اهل البيت عليهم السلام
ام مصطفى الاسدي،


https://www.tgoop.com/jgapun

عظم الله اجورنا واجوركم بذكرى مصاب مولانا الإمام الحسن عليه السلام

‏فيديو من نور عيني ياحسين

نعزي صاحب العصر والزمان والمراجع العظام ولأمه الاسلاميه اجمع
وعظم الله اجورنا واجوركم بذكرى اربعينية المولى ابي عبد الله الحسين عليه افضل الصلاة والسلام
راجين من الله العلي القدير أن يمن علينا برضاه وان يزيل هذه الغمه عن هذه الامه بحق محمد وآل محمد
ولن ننساكم من الدعاء في الخطوات لابا الاحرار لكل المشتركين في قناة ،،،مع كفيلي عتاب لشفاء المرضى وقضاء الحوائج ان شاء الله،

،،،،،نعي،،،،،على لسال حال مولاتي زينب عليها السلام في اربعين الحسين عليه السلام
##############

مهظومه وجيتك خويه اليوم
وحسبالي ترد وتكعد يمظلوم
منك ايست او كلبي مهدوم

خويه الكلب اليوم مهدوم
وعملت كربله خلتني ماكوم
اجينه الهه يخويه ابجيت الشوم


اكعدلي اشويه وخل احاجيك
شوف معذبه ومتوني اراويك
وانت بلايه راس شلون اصد ليك


اجيت باربعينك ومتغيره معانيك
وجبت الراس والدم يابس اعليك
اشوف دموعك تصب شنهو الماذيك


رقيه ماجبتهه اعذرني بهاي
وبعدكم يخويه سوده دنياي
انه بعازتك كوم ارجع وياي

وشوف الجره يحسين وياي
من الخوف خويه تتراجف اعضاي
اربعين يوم ماغمضت عيناي

ياحسين،،،

✍،،،لخادمة اهل البيت عليهم السلام ام مصطفى الاسدي ،،


https://www.tgoop.com/jgapun