tgoop.com/jbrjbrjbr/3919
Last Update:
گلت يمحمد او وصيه
اقروا الفاتحة اعليه.
الف رحمه على روحك.
الف رحمه على روحك
،،،،،،،،،،،،،،،،،،،،،،،،،،١،،،،،،،،
تجري عيون يمحمد. عليك وگلبي يتألم
منبر جمعتك حزنان. المنبر فاگد الأعلم
ضلت جمعتك تبچي. والمسجد نصب مأتم
خلافك حرنه يالمظلوم. هاي الدنيه ماترحم.
تبچي الحوزه ابمصابك.
وتنوح الدنيا بغيابك
حگهه الوادم اتنوحك..
الف رحمه على روحك.
،،،،،،،،،،،،،،،،،،،،،،،،٢،،،،،،،،،،،،،،،،،
بعدك يالصدر ظلام اعوان امريكه تولينه.
صاروا ويه الأمريكان. وكلهه التمت اعلينه.
الفساد انتشر من بعدك. بالحگ من يدلينه.
تعال انسرقت الأخلاق. بس علمك يداوينه.
المنكر ينحسب معروف.
والمعروف ما معروف.
بحور العلم بسطوحك
الف رحمه على روحك
،،،،،،،،،،،،،،،٣،،،،،،،،،،،،،،،،،،،،،،،،،
الفقير ايعيش بالذله. وكلها اتاجر بدمنه.
حگنه يالصدر مسلوب. والعدوان تظلمنه.
النفاق امسيطر اعله المال. ومن كل حقنه يحرمنه
صار سنين يامولاي. محد يرضه يرحمنه.
تبقى يالصدر ربحان.
جنة اهدالك الرحمان.
جنة أدم ونوحك.
الف رحمه على روحك
،،،،،،،،،،،،،،،٤،،،،،،،،،،،،،،،،،،
مرجع بطل بالميدان هديت الناس للأيمان.
نصحت وبلغت علمك. وحدك ترتدي الأكفان
تحديت الظلم والجور. صوتك ارعب الطغيان.
لهسه منك ايخافون. يبو مؤمل تره العدوان.
ضحيت بنفس واولاد.
شهيد وثورتك تنعاد.
ربك يحسب جروحك.
الف رحمه على روحك
،،،،،،،،،،،،،،،،،،،،،،،،،،،،، ٥
القاضي مصطفى العالم. للجنه مشه المظلوم.
ومؤمل صاحب الأخلاق. مثل جده يصب دموم.
مرقدكم صبح جنة. يزوره كل شخص مهموم.
تشافون المرض والضيم. وتخلص حاجة المهظوم.
مامات النصر دينه.
وناصر ربه وحسينه
لگبرك نگصد انطوفك.
الف رحمه على روحك
،،،،،،،،،،،،،،،،،،،،،،،،،،،،،،،،،،،
حيدر موسى الرميثي
BY حيدرموسى الرميثي
Share with your friend now:
tgoop.com/jbrjbrjbr/3919