tgoop.com/jbrjbrjbr/3918
Last Update:
تحتظر وانطت وجهه الكربلاء،
زينب وصاحت يشيال اللواء.
ماتجي ياخويه.
ماتجي ياخوية.
زينب وصاحت يشيال اللواء
،،،،،،،،،،،،،،،،،،،،،،،،،،،،١،،،،،،،،،،،،،،،،،،،،،،،،،،
أخر أنفاس الغريبة اتلفتت مامش أهل.
أگبالهه بس الشماته. حظروا بوكت الأجل.
اتنادي يهل الشام اسمعوا. انه أخت ذاك البطل.
ابو فاضل ابو الغيرة. والفضل بيه اكتمل.
شكثر أتمنه يجي يمي الحنين.
ومن يمرني يجيب وياه الحسين.
يجي وبيده الراية.
وارتوي من مايه.
طاحت بشده العقيله أم الأباء،
زينب وصاحت يشيال اللواء.
،،،،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،،،،،،،،،،،،
أتذكرت عاشر محرم . راح من عدهه الگمر.
شافت العباس طايح. وي چفوفه اعلنهر،،
سهم عينه كسر گلبي. وكسر لحسين الظهر.
لسه روحي بقت يمه. بكربله بعيني الصور،
عندي ذكره بكربله وحرگ العبي.
معلگه روحي علتل الزينبي،
شلون أنسه خيامي
.،تحترگ جدامي.
تنضرب بالصوط بيد الطلقاء.
زينب وصاحت يشيال اللواء
،،،،،،،،،،،،،،،،،،،،،،،،،،،،،،٣،،،،،،،،،،،،،،،،،،،،،،،،،،،،،
الشام مابيهه اليحبهه . تشتكي ألمن بعد.
اخوتها كلهم منهه راحوا . ولا بقه عدهه ولد
ضلت ام عون الغريبة . تعيش يومية أبلد.
بالسبي گضت عمرهه . بعد عباس الأسد.
الچانت ام الخدر والعز والدلال.
چتفوهه بحبل صعدت علجمال.
زينب العلوية.
اصبحت مسبية
من الحبل تنزف اديهه بالدماء،،
زينب وصاحت يشيال اللواء.
،،،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،،
حسين مايگدر يجيهه. بصدره المثلث نبت
والله مايتركهه اخوهه. واخته عذره اتقبلت
البيه الف وتسع مية جرح شيجيبه ونعت
الخنصرة مگطوع منه. جروحه لسه ماشفت.
ادري بحسين وجروحه الماتطيب.
ماتخلي يعتني ليه الحبيب،،
الخيل رضت صدره.
الگوم گطعوا نحره.
ينذبح بسيف ياوسفه الضياء،،
زينب وصاحت يشيال اللواء.
،،،،،،،،،،،،،،،،،،،،،،،،،،،،،،،،،،،٥،،،،،،،،،،،،،،،،،،،،،،
محد ايشيع نعشهه. تموت مابين الغرب
من يصلي اعله الجنازة. ومنهو دمعاته تصب.
منهو نزلهه بگبرهه. عليهه من هال الترب.
تندفن بالشام هيه. بكربله ضل الگلب.
بأخر الأنفاس تنطق ياحسين.
أبد ماگطعت علحسين الونين.
بالغرب موتتهه.
بعيد عنهه اخوتهه.
من مصيبتهه بچت أرض وسماء.
،،،،،،،،،،،،،،،،،،،،،،،،،،،٦،،،،،،،،،،،،،،،،،،،،،،،،،،،،،،،
بليلة الوحشة بگبرهه. زينب الحرة التقت.
التقت بالطفلة رقية. حيل حضنته وبچت.
ياهله بريحت ابوهه. اتگلهه والطفله حچت.
شأخرچ ياعمه عني. صياط متنچ ماهدت.
عمه يازينب عمت عيني عليچ.
لسه أثار الجمر شفت بأديچ.
من حرگ خيمتنه.
لسه ياعمتنه.
بالگبر ترتاح من ذاك العناء،،
زينب وصاحت يشيال اللواء.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدرموسى الرميثي.
BY حيدرموسى الرميثي
Share with your friend now:
tgoop.com/jbrjbrjbr/3918