tgoop.com/jbrjbrjbr/3913
Last Update:
بالليالي الفاطمية.
خلي دمعاتك جريه.
فاطمة كسروا ظلعهه
ويجري للمحسن دمعهه.
ـــــــــــــــــــــــــــــــــــــــــــــــــــــــــــــــ١
انعزي اصحاب الكساء بهالمصيبة
بالليالي الفاطمية اشگد رهيبه.
واجب انعزي الحسن واخته الغريبة
والحسين اعلمه ما بطل نحيبه.
وعلي ضل بلايه زهره.
من الحزن مكسور ظهره.
فاطمة الظالم دفعهه.
ويجري للمحسن دمعهه
ـــــــــــــــــــــــــــــــــــــــــــــــ٢
الزهره خلف الباب لاذت من ظلمهم.
حيل عصروهه بحقدهم وبغدرهم.
سمعوا بطگت ظلعهه وما يهمهم.
لمن طاح الباب والنار بحطبهم.
نارهم تچوي الزچيه.
ومحسن يشوف المنيه.
وأن يصرخ من سمعهه.
ويجري للمحسن دمعهه
ــــــــــــــــــــــــــــــــــــــــــــــــــــــــــ٣
صوب البسمار صدر أم المحنه.
وبين باب وحايط يذبحون جنه.
حسين يسمع ونت أمه وزاد ونه.
تصيح زينب يمه لاتمشين عنه.
ازغار يايمه بعدنه.
لاتخلينه الوحدنه.
زينب أتغير وظعهه
ويجري للمحسن دمعهه
ـــــــــــــــــــــــــــــــــــــــــــــــــــــــــــــــ٤
حسين شاف الصطره صاح انذبح صبري.
چنه واگف عالنهر ويصيح ظهري
گال بعد الزهره خله يروح عمري
وخله المثلث يجيني يصيب صدري.
.
شلون ينظر صدر أمه.
گبال عينه يجري دمه.
وعينهه المجرم صفعهه.
ويجري للمحسن دمعهه
ــــــــــــــــــــــــــــــــــــــــــــــــــــــــــــــ٥
شيعوهه بليلة ظلمه اظلم سماهه
ضلت عيون الحسن تجري وراهه
يذكر أمه والصياط اتطگ گفاهه.
لون ترجع فاطمة بروحه اشتراهه.
ماتت الحسره بصدرهه.
ماتت المخفي گبرهه.
من البچي الغادر منعهه.
ويجري للمحسن دمعهه
ـــــــــــــــــــــــــــــــــــــــــــــــــــــــــ
حيدرموسى الرميثي
BY حيدرموسى الرميثي
Share with your friend now:
tgoop.com/jbrjbrjbr/3913