tgoop.com/jbrjbrjbr/3912
Last Update:
رحمت الله فاطمة. ونعمة من رب السمة
ــــــــــــــــــــــــــــــ١
انتي سر العالم. انخلق لجلچ أدم.
يارضات الخالق. انتي أم الخاتم.
ياصلات الخاشع. دوم أسمچ رافع.
لله بسمچ أدعي. بالمصاعب شافع
الحرگ بابچ ظالم. خل تلعنه الوادم.
غصبن اعله الحارب. دوم اضلن خادم.
تبقى رحمة دايمه. ونعمة من رب السمة
ـــــــــــــــــــــــــــــــــــــــــــــــــــــــ٢
نعبد الله بحبچ . واجب احنه انشكرچ.
بالشدد ضحيتي. للولاية بعمرچ.
بحب علي وصيتي. ورايته عليتي.
گلتلي لجل الوالي. الگوم حرگوا بيتي.
علي لتعوفونه. العيشه مره بدونه.
علي هو القائد. واجب اتطيعونه.
.هيه حسن الخاتمة.ونعمة من رب السمة
ـــــــــــــــــــــــــــــــــــــــــــــــــــــ٣
قل هو الله أحد. بلا علي مايعبد.
لوله والد زينب. ماكو كلمة أشهد.
حگهه فاطم وكفت . اتدافع وما سكتت.
الظلع فدوه الحيدر. صاحت وما ردت.
من الظلم ماخافت. علي الأول نادت.
من تصير الغاره . رايته الما مالت.
نحب هاي العالمة.نعمة من رب السمة.
ـــــــــــــــــــــــــــــــــــــــــــــــــ٤
ياحبيبت طاهه.. ثورتچ وياهه
والله حرگت بابچ. دوم ما ننساهه
موقفچ احيانه. انموت ماخلانه.
نرفض المابايع. علي حق مولانه
ماتموت الثورة. البيهه.اسم الزهرة.
بكل وكت عالظالم. فاطمة المنتصره.
الروح بيها هايمه.نعمة من رب السمة
ــــــــــــــــــــــــــــــــــــــــــــــــــــــــــ٥
بالشفاعة الكبره. ام ابوهه الحره.
بالحشر تحمينه. تشفع أم العتره.
تنادي وين احبابي. الشاركوا بمصابي.
النار ماتوصلهم. الهم افتح بابي.
نلتقي بالجنة. ونقره مجلس كلنه
للحسين الغالي. والفرج يشملنه.
ربنه هيه تكلمه.نعمة من رب السمة.
ــــــــــــــــــــــــــــــــــــــــــــــــــــــــــــــ
حيدرموسى الرميثي
BY حيدرموسى الرميثي
Share with your friend now:
tgoop.com/jbrjbrjbr/3912