tgoop.com/jbrjbrjbr/3910
Last Update:
اخذوا اعز ناسي
وابيض صبح راسي
راحت من ايدي الزچية.
وانه حماي الحمية.
ــــــــــــــــــــــــــــــــــــــــــــــــــ١
أمر من ربي الوصية الهادي وصاني
گال سيفك لاتسله صبري عنواني
أگبالي زهرت روحي طاحت موقف أذاني
محسن زغيرون بعده مصابه بچاني.
أبلايه اخوه شافوني.
وفزعوا يغدروني.
مثل يوم الغاضرية.
وانه حماي الحمية.
ــــــــــــــــــــــــــــــــــــــــــــــــــ٢
حامي جاره اعليه گالو ماحمه داره.
اتأسر ومچتوف يمشي وتدمع انظاره
يمشي بوصيت حبيبه ويبچي فقاره.
داره محترگه وعساكر حوطت غاره
شلون الأسد ينجر.
ماينچتف حيدر.
بس بختهم بالوصية.
وانه حماي الحمية.
ـــــــــــــــــــــــــــــــــــــــــــــــــــــــ٣
راحت من أيدي الحمامة العشهه بحلامي
راحت الوردة الأشمهه وتشفه الأمي.
وياهه بيضه أيامي چانت راحت أيامي
أنكسر ظهري اعله الزچية وايدي بحزامي
روحي ومشت عني
الشامت سمع وني
وحدي اضل ابلا تچيه.
وانه حماي الحمية.
ـــــــــــــــــــــــــــــــــــــــــــــــــــــــــــــــ٤
دمعت حسين العزيزه أگبالي تتكلم
من أسمعه أيصيح يمه عيوني تدمع دم
اتصورت طفه وظلوعه أگبالي تتهشم.
اركضت للماي وجبتله شفته يتألم.
يوليدي گتله أشرب
من البچي لا تتعب.
حسين اشربنك بديه.
وانه حماي الحمية.
ــــــــــــــــــــــــــــــــــــــــــــــــــــــــــــ٥
صرت أدفن روحي بيدي. ومن يواسيني
ماكو واحد لمس خدي بس دمع عيني
گمت من أوگف اطيح الحزن يسبيني
اعله الحسن اتوچه مره ومره لحسيني
وزينب تلگتني.
عن أمهه سألتني
شفت چم مره المنية.
وانه حماي الحمية.
ـــــــــــــــــــــــــــــــــــــــــــــــــــــ
حيدر موسى الرميثي
BY حيدرموسى الرميثي
Share with your friend now:
tgoop.com/jbrjbrjbr/3910