tgoop.com/jbrjbrjbr/3908
Last Update:
فاطمة انواليهه
ونبچي دوم عليهه
بلا ذنب ظلموهه.
ـــــــــــــــــــــــــــــــــــــــــــــــــ١
لوتريد الحق تتابع . موقف الزهره استدل
ليش ثارت ليش ماتت . ليش يضربهه النذل
ثورة من اجل الولاية. ولجل تحقيق العدل
كل مصالحهم تهدد. ولذلك تنقتل.
علمناصب ثارت
بس علي الحق گالت
والعده اغتالوهه
بلاذنب ظلموهه.
ـــــــــــــــــــــــــــــــــــــــــــــــــــــــ٢
چان موقفهه السياسي . واضح ومابي كذب
فاطمة بس الله عدهه . لاسلاح ولا حزب
گالت القرآن يحكم. اعداهه صاحوا ننقلب
وشگگوا اعظم وصيه. وأسسوا دين الرعب.
النبي كال احموها.
الزهره لاتاذوهه
وخالفوه واذوهه.
بلا ذنب ظلموهه
ــــــــــــــــــــــــــــــــــــــــــــــــــــ٣
المايشوف الزهره دينه. دينه ناقص ماكمل
الدين مثل حسين طاح. وهيه صاحت بي أمل
سندت الدين بظلعهه. وأحيته وقتلت هبل
سقط لو فزاع محسن. وياهه هد ضد الجهل.
شافهه ابلاناصر
فزع محسن ثائر
ومات من عصروهه
بلا ذنب ظلموهه
ـــــــــــــــــــــــــــــــــــــــــــــــــــــ٤
يكتب البسمار قصة. بالصدر مثل القلم
والحبر دم الزچيه. والبچي ايفسر الألم
النار فوگ الباب رسمت منظر وحرگ الخيم.
ويطبع الصوط ابمتنهه. ظهر مكسور وعلم.
طف بده بطيحتهه.
ماهوت رايتهه
رغم ما هضموهه
بلاذنب ظلموهه
ـــــــــــــــــــــــــــــــــــــــــــــــــــــ٥
انعدمت الحرية شنقا. من زمن حبل الغدر
من تچتف علي ماتت. ماكو حرية فكر.
ابلا ذنب منعو الزهره. من البچي بذاك العصر.
تنحرم من گبر ابوهه. والظلع ماينجبر.
صاحوا العادوهه
من المدينه انفوهه.
وابد مارحموها.
بلاذنب ظلموهه
ـــــــــــــــــــــــــــــــــــــــــــــــــــــــــــــ
حيدر موسى الرميثي
BY حيدرموسى الرميثي
Share with your friend now:
tgoop.com/jbrjbrjbr/3908