tgoop.com/jbrjbrjbr/3907
Last Update:
وداع الزهراء
ــــــــــــــــــــــــــــــــــــــــــــ
عندي يازينب وصيه
حسين يوم الغاضرية
.قبلي نحره
وشمي صدره
حسين يوم الغاضرية
ــــــــــــــــــــــــــــــــــــــــــــــــــــــ١
گرب موتي يالعقيلة منچ اطلب هالطلب
بكربله لوشفتي وحده. حسين هد روحه التعب
لون شفتي شفافه ذبلت. نحره جف وماشرب
ذكريه بمچ يزينب. حسين لو موته اقترب.
ومن يرد مكسور ظهره.
بيدچ اتضمدين كسره.
يهب عطره.
شمي صدره
حسين يوم الغاضرية
ــــــــــــــــــــــــــــــــــــــــــــــــــــــــــ٢
شمي صدره انتي ابمكاني. وروحي يمكم تلتقي.
گبل لاخيل ال اميه تطحن بصدره النقي
وگبل لا يركض شمرهم. فوگ صدره يرتقي
ينذبح عطشان أبني. وماي ابد ما ينسقي.
گبل لاسيف المنية
يگطع الرگبه الابيه.
گبل نحره. (ذبحه)
شمي صدره
حسين يوم الغاضرية
ـــــــــــــــــــــــــــــــــــــــــــــــــــ٣
ظلعي موتني يزينب. موسهل كسر الظلع.
ألم كسر الظلع يكتل. بيه ألم ماينجرع.
شلون بحسين وظلوعه. البلحوافر تنطبع.
ظلع صاحي مايضله . ولابقه بعيني دمع.
قبلي گلبه يالحبيبه.
راح المثلث يصيبه.
يگضي عمره
شمي صدره
حسين يوم الغاضرية
ــــــــــــــــــــــــــــــــــــــــــــــــــــــ٤
مثل ما محسن عزيزي. اگبال عيني ينجرح
باچر حسيني رضيعه بحضنه ظامي وينذبح.
ياگلب عندچ يزينب. مثل صبرچ مايصح
باچر تشوفين راسه. يجري دم اعلرمح
وانتي عالناگه سبيه.
بظهرچ صياط آل أميه.
بگلبي حسره.
شمي صدره
حسين يوم الغاضرية
ـــــــــــــــــــــــــــــــــــــــــــــــــــــ٥
زغير عمرچ علمصايب . ياليتيمه من الزغر.
بعد متشوفين حضني . راح انامن بالگبر.
الموت من عندچ حرمني . وكسر اجناحي الهجر
هلت انهله يزينب. بالحسين وبالخدر.
وهلت انهله برقية.
ورده تخطفها المنيه.
الموت يقره.
شمي نحره
حسين يوم الغاضرية.
ـــــــــــــــــــــــــــــــــــــــــــــــــــــــــــــ
حيدر موسى الرميثي
BY حيدرموسى الرميثي
Share with your friend now:
tgoop.com/jbrjbrjbr/3907