tgoop.com/jbrjbrjbr/3906
Last Update:
من رحل سيد البريه
ضلت اتنوح الزچيه
بعد طاهه عذبوهه
وما رضوا تبچي اعلبوهه
،،،،،،،،،،،،،،،،،،،،،،،،،،،،،،،، ١
اليفگد والده الوادم تجي اتعزيه
تصبره اعله المصاب اتعينه وتواسيه
موتهجم عليه وتركض اتأذيه
وتحرگ داره وصياط العده اتبچيه.
محد يشيعه عجيبه
بس علي يودعه بنحيبه.
العتره بعده حاربوهه
وما رضوا تبچي اعلبوهه
،،،،،،،،،،،،،،،،،، ٢
على بيت الزچيه هجمت العدوان
بيت الزهره ياوسفه اشتعل نيران
احترگ بيت الوحي وي نسخت القرآن
ينعاد الزمن من يحكم الطغيان.
الحرگ بيت الزهره نفسه.
يحرگ القرآن هسه.
الزهره وسفه صوبوهه.
وما رضوا تبچي اعلبوهه
،،،،،،،،،،٣،،،،،،،،
بين الباب والحايط اشد عصره
عصروا فاطمة وانصابت الحره
الباب اشگد ثگيل وطاح عالزهره
انكسر ظلع الوديعه والگلب جمره.
قنفذ بصوطه سباهه
الزهره چم ظالم ولاهه
بصوط ياويلي اضربوهه
وما رضوا تبچي اعلبوهه
،،،،،،،،،،،،،،،،،،،٤،،،،،،،،،،،،،
مات ابلا ذنب مظلوم محسنهه.
وجبرائيل ينحب لو سمع ونهه
مظلومة تموت ومن صغر سنهه
عمرهه اثمنطعش راح العمر منهه
تموت مهظومة الوديعة
ماتت بأعظم فجيعه
هالوديعه مارعوهه
وما رضوا تبچي اعلبوهه
،،،،،،،،،،،،،،،،٥،،،،،،،،،،،
محد شيع الزهره ابمصيبتهه
وحده المرتضى شايل جنازتهه
بليل اظلم ياوسفه اتصير دفنتهه
وزينب بالزغر تفگد عزيزتهه
ابلايه أم زينب يتيمه.
طفله وتعيش بهظيمه.
ليش زينب يتموهه.
وما رضوا تبچي اعلبوهه
،،،،،،،،،،،،،،،،،،،،،،
حيدر موسى الرميثي
BY حيدرموسى الرميثي
Share with your friend now:
tgoop.com/jbrjbrjbr/3906