tgoop.com/jbrjbrjbr/3905
Last Update:
اخلص يالخادم بفعالك
ـ،،،،،،،،،،،،،،،،،،،،،،،،،،،،،،،،، ١
الخادم لازم يرضي العتره.
مو لجل الوادم والشهره
ولحسينه ينذر كل عمره.
تحچي افعالك قبل اقوالك.
اخلص يالخادم بفعالك
،،،،،،،،،،،،،،،،،،،،،،،،،،،،،،،،،،،،،، ٢
يالرادود اضبط اطوارك.
ويلشاعر هذب افكارك.
الله يسجل كل اشعارك.
وتتحاسب عن كل اعمالك.
اخلص يالخادم بفعالك
،،،،،،،،،،،،،،،،،،،،،،،،،،،،،،،، ٣
كل رادود بصوته اتغنه.
يابو الموكب احذر منه
يم المنبر لايتدنه
مو كل واحد خل يقرالك
اخلص يالخادم بفعالك
،،،،،،،،،،،،،،،،،،،،،،،،،،،،،،،،،،،،، ٤
لاتفرح وتشغل نغمه
وكافل زينب ينزف دمه.
والمذبوح مگطع جسمه.
غير المخلص مايصفالك.
،،،،،،،،،،،،،،،،،،،،،،،،،،،،،،، ٥
واحد ماكو احسن من واحد
واتواضع للباري الواحد
ربك مايقبل بالحاقد
والحاسد يهدم أمالك.
اخلص يالخادم بفعالك
.............................
حيدر موسى الرميثي
BY حيدرموسى الرميثي
Share with your friend now:
tgoop.com/jbrjbrjbr/3905