tgoop.com/jbrjbrjbr/3903
Last Update:
قصيدة للدفاع عن القرآن الكريم
ــــــــــــــــــــــــــــــــــــــــــ
كتاب الله المقدس خالد القرآن.
لكل مؤمن صبح منهاجه والعنوان
والنور مايحترگ.
وصط الگلب ظل يدگ..
ـ،،،،،،،،،،،،،،،،،،،،،،،،،،،،،،،،،،، ١
مثل عيسى ارتفع يم الله ما اذوه
وابراهيم كل ضنهم صدگ حرگوه
الشمس ما تحترگ صعبه النجم يطفوه.
يضل مصحف محمد يرتفع شافوه.
يحترگون كلهم يبقى هلمصحف
يرتل بي الأمام المهدي مثل الطف
المصحف نعشگه عشگ.
وصط الگلب ظل يدگ
،،،،،،،،،،،،،،،،،،،،،،،،،،،،،،،،،،،،،،،،، ٢
أحنه بكل كتاب وكل نبي موالين
لكل الناس يهدي ويدعي هذا الدين
عدنه احنه محمد والحسن وحسين
ائئمه للسلام ورحمة للكونين
لاتحرگ كتاب ايحرم العدوان
واحكامة دواء ورحمه للأنسان.
يدعوا لفعل الصدگ.
وصط الگلب ظل يدگ
................................ ٣
اليهودي والمسيحي لازم يفكرون
بالمصحف نبيكم اسمه هم تلگون
أسم عيسى واسم موسى واسم هارون.
واسم يحى واسم يعقوب وي ذو النون.
معجزتين يبقن حد ليوم الدين
معجزت الكتاب ومعجزه لحسين.
القرآن ويه الطبگ
وصط الگلب ظل يدگ
،،،،،،،،،،،،،،،،،،،،،،،،،،،،،،،،،، ٤
بليل العاشر بقرآنه يقره حسين.
ونعمل بيه وصانه أبو الحسنين.
يحكم بالعدل نهج الشرع والدين.
والقرآن ثوره اتحارب الطاغين
غصبن علعده يبقه كتاب الله.
يجي المهدي ويطبقه ونفتهم معناه
علصدر من ينشبگ.
وصط الگلب ظل يدگ
،،،،،،،،،،،،،،،،،،،،،،،،،،،،،،،،،،،،،،،،،، ٥
من كل حاكم انطالب يحاكمنه
بلقران والاسلام يحكمنه
مو بس للقسم خليتوا مصحفنه
بشرع الله نريد وعدله يشملنه.
حكم الله الوحيد البي سعادتنه
الأستعمار يرفض دوم وحدتنه.
منهج نبينه الصدگ
وصط الگلب ظل يدگ
،،،،،،،،،،،،،،،،،،،،،،،،،،،،،،،،،،،
حيدر موسى الرميثي
BY حيدرموسى الرميثي
Share with your friend now:
tgoop.com/jbrjbrjbr/3903