tgoop.com/jbrjbrjbr/3900
Last Update:
العباس
..............
يازينب اليحمي الظهر. طاح.
والعلم جبته من النهر . طاح
.
فرحوا اعداي. صاحب الواي.
طاح طاح.
ـــــــــــــــــــــــــــــــــــــــــــــ١
منهو يگدر يوصف المكسور ظهره.
بعد مايثبت الفارس فوگ مهره.
طايح العباس وبعيني أنظره.
عينه طافيهه السهم وانصاب صدره.
ماظل مكان ابلا سهم. طاح.
بدمه انصبغ لون العلم. طاح.
ما يجي الماي. صاحب الواي.
طاح.
ــــــــــــــــــــــــــــــــــــــــــــــــــ٢
طاح ابو فاظل يزينب علشريعة
العمد صابه براسه وچفوفه گطيعه.
وحدي ابقى وضاگت بعيني الوسيعه.
حاير بطف كربله ماعندي شيعه.
يازينب الفارس عثر. طاح.
من شفت مصيوب الگمر. طاح
ياضوه سماي. صاحب الواي
ــــــــــــــــــــــــــــــــــــــــــــــ٣
هذا عباس الوفي ظل اعلعهده..
گبل أخيه ماشرب ظل ظامي چبده.
دمه وي الماي يم الشط تبده
راح تولينه الأعادي يختي بعده.
ظهري انكسر كسرت ظلع. طاح.
من المهر مثل الدمع. طاح.
تعبت اعظاي. صاحب الواي
ـــــــــــــــــــــــــــــــــــــــــــــــ٤
مگطعه اوصاله ويحن گلبه اعلخيه.
ابيش انصرك گال ماموجوده أديه.
صعبه تبقى ابوحدك بين آل أميه.
وراح زينب تمشي من بعدك سبيه.
بعيني يبو الأكبر سهم. طاح.
وراسي بعمد خويه انهشم. طاح.
ماكو حماي. صاحب الواي
ــــــــــــــــــــــــــــــــــــــــــــــــــــ٥
راح ياسكنه اليشربچ ماي بيده.
گطعوا ايده ومن وگع حزوا وريده.
ظلمه أيامه الذي يفگد عضيده.
الينذبح گلبه بعد گلبه شيعيده.
من وگع عباسي متت. طاح.
علأرض يمه اتوسدت. طاح.
والعدو جاي. صاحب الواي.
ـــــــــــــــــــــــــــــــــــــــــــــــ
حيدر موسى الرميثي
BY حيدرموسى الرميثي
Share with your friend now:
tgoop.com/jbrjbrjbr/3900