tgoop.com/jawadkr/52
Last Update:
مسروره الاملاك يزهي الفرح بيها
للمصطفى اليوم تهدي تهانيها
حوريه انسيه...من روض الجنه
راضيه مرضيه..لعطف الله ومنه
-----------------------------------------
بوجه الفجر اشرق نور ..سورة الكوثر
والشمس خجلانه تنور...والوجه احمر
غاب الگمر هم معذور... ابطلعته اتعذر
ونجوم السمه.....امست باسمه
بدموع الفرح.....نادت فاطمه
يانفحه قدسيه...للكون اونعمه
رحمه اللهيه.......من رب الرحمه
--------------------------------------
زهرة نبينا المصطفه
لجلچ جحيم الله انطفه
يافاطمه بذكرچ شفه
ولكل مريض ايوصفه
گلب النبي بيچ ابتهج
وبجيتچ بان النهج
ياحجه انتي اعله الحجج
بيچ الله دينه ايعرفه...
بيچ الخلگ فكره احتار...فاطمه الزهره
.للدنيا مصدر انوار...فاطمه الزهره
ام الائمه الاطهار....ومنبع العتره...
------------------------------------------
بشخصچ بتر رب الدين...كلمه الابتر
بسم اثنعش معصومين...سكت المنكر
اولادچ وقره عين.... النبي الأزهر
ياسر الفلك...يالحبچ ملك
لعقول الخلق...والعافچ هلك
ترضي الله مرضاتچ..ياسر اسراره
وتفتح معاناتچ...عالغاصب ناره
--------------------------------------
بنت النبي وكوثره...
زوجه وصيه حيدره..
ام السلاله الطاهره....
من الباري رحمه ومغفره..
لجلچ خلق هاي الارض..
يافاطمه وحبچ فرض..
واليعترض خل يعترض..
نار الله لجله موجره....
احبابچ ابد ماتنسين...ساعة المحشر
والحبچ يقر العين......ساعه المحشر
يم الحسن يم حسين..وجوهر المصدر
-------------------------------------------
ام النبي المختار....وانتي ام ثاره
بيچ العظيم الجبار..واضع اسراره
لجلچ خلق كل ماصار..جنته وناره
يانور الازل...........ياوحي الامل
انتي لكل محب...مصداق العمل
يادمعه مخفيه...بعيون احبابچ
كل حاجه مقضيه..من يندگ بابچ
-----------------------------------------
يانعمه انتي لكل محب
يازمزم. وماي العذب
يافاطمه نبض الگلب
يستغني عنچ لا چذب
بيد چ رحاة ومسبحه
انتي الحشر والفاتحه
ابواب الجنان امفتحه
بيچ الله يغفر كل ذنب
لجلچ خلق هالاكوان...صاحب القدره
امر الانس امر الجان...بيدچ امقدره
انتي العفو والاحسان...فاطمه الزهره
جواد كاظم الكرعاوي
BY جواد كاظم الگرعاوي
Share with your friend now:
tgoop.com/jawadkr/52