tgoop.com/jawadkr/42
Last Update:
يالتسألين اعله حالي وقصتي
اني من عترة محمد حضرتي
من وطن سيد البريه
الدنيا جابتني سبيه
انه زينب....انه زينب
-------------------------------------
يالتسألين اعله حالي حالتي ماتنوصف
مارحم بيه زماني وجرح البگلبي كلف
حقچ الدنيا متاهه يلي ضيعتي العرف
الدنيا دواره بأهلها لو ولت لاماتعف
انه البسدي الستر يأمن يلوذ
بداري نزلت قل هو والقل اعوذ
اسمي هو الهاشميه
الدنيا جابتني سبيه
انه زينب....انه زينب
----------------------------------------
منسمع صوتي بحياتي ولاضهر ضلي بشمس
يامه عالخدر واصوله ابيتي منطيتچ درس
حقچ اتسألين عني اليوم مومثل الامس
ياهند مصيونه انتي واني اجيت وي الرجس
وسفه بعد حسيني وبعد الكفيل
امشي وي اجناب واركب عالهزيل
حبال مشدوده بديه
الدنيا جابتني سبيه
اني زينب....اني زينب
---------------------------------------------
ياهند انه العقيله وطلسم ايات الفخر
تاج ربات الخدور المالمح شخصي النظر
نجمه چنت بجال اخوتي وضيي من ضي الگمر
من انخسف نوره عفت خدري عله شاطي النهر
انه بت حيدر علي حامي الدخيل
ان چان مامقتنعه انطيچ الدليل
وياي كلثوم ورقيه
الدنيا جابتني سبيه
انه زينب......انه زينب
------------------------------------------
لاتسأليني اعله اخوتي هظمي يكبر ياهند
عبرتي تسبق جوابي وكلمه مااگدر ارد
عن ابوفاضل شخبرچ يلي كـثرتي النشد
عفته برض الغاضريه كافلي وسط اللحد
عن ابو الاكبر شسولف ياهظم
مابقه بصدره اضن سالم عظم
عگب خيل الاعوجيه
الدنيا جابتني سبيه
انه زينب......انه زينب
----------------------------------------
الله راد واحنه لمره بكل وكت طاعه وسمع
راد برض الغاضريه يثبت اركان الشرع
واحنه ردنه بدم اخونه الله وكبر يرتفع
رغم كل هاي المأسي ورغم گلبي المنفجع
رغم لوعات السبي والنايبات
اني اجيت اليوم اهد عرش الطغاة
عرش ابن هند وسميه
الدنيا جابتني سبيه
انه زينب...انه زينب
جواد كاظم الگرعاوي
BY جواد كاظم الگرعاوي
Share with your friend now:
tgoop.com/jawadkr/42