tgoop.com/jawadkr/37
Last Update:
قصيده دفن الاجساد الطاهره
عمه ماضل كل امل..عيونچ تشوف الاهل
بس صورهم ذكريات..عمه صارت امنيات
عيونچ تشوف الاهل
----------------------------------------
عمه جيتچ بس جسد هاي المسيه
عفت روحي ومهجتي بالغاضريه
معفره ثيابي وتراب الهم عليه
ادفنت اخوتي اوالدي بچفوف اديه
عيوني تشهد عالجره...اجساد اهلنه موذره
ومستقرللذاريات...عمه صارت امنيات.
عيونچ تشوف الاهل
------------------------------------
يوسف برده قميصه رد للاحباب
وانتهت قصه هجرهم بعد الغياب
واني رديت بقميص حسيني ومصاب
عمه شيرد السكن بحضان التراب
عمه شيرد الرحل..وجسمه متگطع وصل
صدره تحت العاديات..عمه صارت امنيات.. عيونچ تشوف الاهل
--------------------------------------
ياحبيب اليدفن بأيده حبيبه
يامصيبه اعظم بعدمن هالمصيبه
بدمعي اعاين جثه حسين السليبه
وحاير شلون اجمع اوصاله التريبه
وين ادور خنصره...بيش اوسد منحره
وكل جراحه الداميات..عمه صارت امنيات. عيونچ تشوف الاهل
---------------------------------------
يانظر يحمل يشوف احبابه صرعه
وياگلب يگدر علي الاكبر يودعه
عيني تنظر للرضيع وتجري دمعه
وروحي يم جاسم تروح بسكته تنعه
مره يم جاسم تروح..ومره للاكبر تنوح
بكل كترتنظرممات..عمه صارت امنيات.. عيونچ تشوف الاهل
-------------------------------------
مادفنت الجود وي عمي الدفنته
شاهد اباب الگبر ياعمه عفته
عن ابو فاضل وعن زوده ونخوته
وعن اخو بمعنى الاخو ماخيب اخته
جوده وي المشرعه..يشهد عله الواقعه
شسوه من طب للفرات.. عمه صارت امنيات..عيونچ تشوف الاهل..
-------------------------------------
كل شي ماعافوا هلي بس دمع العيون
يهمل بليل السهر ومغرگ الجفون
وي النفس مثل الهوى صاروا يمرون
بصدري احسنهم يروحون ويرجعون
جمره احسهم بالصدر..تستعر طول العمر
شمابقيت بهلحياة...عمه صارت ذكريات.. عيونچ تشوف الاهل
جواد كاظم الگرعاوي
BY جواد كاظم الگرعاوي
Share with your friend now:
tgoop.com/jawadkr/37