tgoop.com/jawadkr/32
Last Update:
يالنويتو اعله الرحيل...رحمو دلالي العليل..وخل احضر محملي
هذا حالي وانه يمكم..شحال لو غرب ضعنكم...بيش اعيشن ياهلي
بروحي نوح...ايهدم اركان الوسيعه لوبچيت ابروحي نوح
والجروح...هدت الحيل ونحل جسمي العليل امن الجروح
وين اروح..المن احچي اهمومي وشكي وياهويسمع وين اروح
لومشيتو الليله عني..ياهلي يسبيني وني...ودمعتي تصبح خليل
اخذوني لوخدامه عدكم...گلبي مايحمل بعدكم...ونة الليل الطويل
----------------------------------------
بيه نار...امضى من نار الطفوف التحرگ اطناب الخيام
شهلقرار..البي فجعتوني وسلب من عيني يابويه المنام
بانتظار...اشلون اخلص عمري ونه وخوف ودموع وهيام
لوتمر بيه المسيه..بلا حميده بلا رقيه..بويه وين انطي الوجه
شلون اعيشنها الليالي...واني اشوف المهد خالي...لياحبيب اني اتجه
---------------------------------------------
مسافرين...وتاركين الذكرى لوعه يلي گلتو مسافرين
اني وين...اوين لوعات اليالي هي وين وأني وين
ياحسين...لاتخليني وحيده وروحي تصرخ ياحسين
لوخفت يابويه موتي..موتي من اترك اخوتي..وانحرم من شوفتك
مالي حيل اعله المناحه..خلافكم وين الگه راحه...وياك اخذني مروتك
---------------------------------------------
ماتجون...لومشيتو ابقه وحدي بدنيا الهموم واضيع
والضنون...تزرع براسي المشيب وتشتري بروحي وتبيع
من تخون...الدنيا بينه وحرمله يتفنن بذبح الرضيع
هناك ينتظره مماته..تنگطع ورده حياته...بكربله يصير الفطام
عنه يسألني حنيني..طيفه كل لحضه يجيني...يحَرم عليه المنام
-----------------------------------------
بگلبي خوف....ماتجوني وچنه هذا اخر وداع بگلبي خوف
وچني اشوف...مايرد عمي الكفيل ولاعلي الاكبر يجيني چني اشوف
بالطفوف...هناك مثواكم يهلنه يصيربتراب الطفوف
ياهلي والله هظيمه...لومشيتو اصبح يتيمه...فوگ همي وعلتي
اليتم شيخلي بيه...لوزماني خان بيه...وبيه غدرت دنيتي
-----------------------------------------
النايبات...داهمني بزغر سني وي اليالي النايبات
بهلحياة...شيبقى عندي من بعدكم حتى اعيش بهلحياة
الممات...اهون من افراگكم يحبابي صدگوني الممات
ريت تلفيني المنيه..گبل لاتطلع سبيه...عمتي بدرب اليسر
ريت ماشوفن متنها...وگبل لايرجع ضعنها...كون ضماني الگبر
(جواد كاظم الگرعاوي)
BY جواد كاظم الگرعاوي
Share with your friend now:
tgoop.com/jawadkr/32