tgoop.com/jawadkr/29
Last Update:
اذنت سوح المنايه...الله اكبر
برز يحمل بيده رايه...علي الاكبر
صوت بالحومه تردد
يشبه الهادي محمد....علي الاكبر
-------------------------------
اذنت سوح المنايا بصوت ريح العاصفه
حي حي عله البطوله حي حي عله الوفه
شبل طب الغاضريه يعجز الي يوصفه
ليل يرهب و بسكونه يفيض طيبه وعاطفه
الأرض لمن طواها...بجدمه ضجت
والشمس لمت ضواها..منه خجلت
جبهته نور يتوقد...يشبه الهادي محمد.. علي الاكبر
--------------------------------------
ماجت صفوف العساكرخيلهم ردت وره
هذا ياهو الصاح بيها وگطع صوت الزمجره
لاهو حيدر لامحمد لاهو سبع الگنطره
لاهو حمزه ورد عليها هالعقول محيره
كالبدر وجهه يتلاله...الحومه عيده
والزعل لاگ وحلاله...وسيفه بيده
بعزمه صال وماتردد..يشبه الهادي محمد.. علي الاكبر
------------------------------------
عرف بنفسه وتبختر صاح انه الاكبرعلي
جدي قالع باب خيبر يابوادي اتزلزلي
اليوم اخلي الغاضريه من جثثكم تمتلي
اليوم اخلي الحجر ينطق لاولي الا علي
سيفه ميزان العداله...مثل جده
بزوده مقياس البساله..اتعده حده
عالعزم عزمه تمرد...يشبه الهادي محمد.. علي الاكبر
----------------------------------------
فرق اصفوف الكتايب جندل ابطال العرب
الي گرب منهم تورط والسلم منهم هرب
لجل دين الله ورسوله علي الاكبرمن غضب
بسيفه ضربه حيدريه مثل حيدر لوضرب
بالقدر راسخ يقينه...راسه عالي
صارع الموت بيمينه...ولايبالي
ابكر ابن غانم تعهد..يشبه الهادي محمد .. علي الاكبر
-------------------------------------
سيفه برگاب الاعادي صار يقره الزلزله
ومن كثر حملات الاكبر سمو الطف كربله
من علي وحمزه ونبينه ورث كل هالمرجله
ينادي بيمانه ويقينه بالمكارم ياهلا
عانق بروحه الشهاده...الها ضامي
نال غاياته ومراده.....وراسه دامي
بحب كلام الحق تعبد...يشبه الهادي محمد.. علي الاكبر
جواد كاظم الگرعاوي
لايجوز شرعا. وغير مبرئ للذمه قرأءه القصيده بألات الطرب.(Dj)
BY جواد كاظم الگرعاوي
Share with your friend now:
tgoop.com/jawadkr/29