tgoop.com/jawadkr/27
Last Update:
قصيده ليله الحادي عشرليله( الوحشه)
چلچل الليل بضلامه...وين اروح بهليتامه
حايره ودمعي يصب...وحدي بديار الغرب..
-----------------------------------------
هنا يحيدر زينب اني بويه ماعندك خبر
شسوت الدنيا بأ هلنا وشعمل بينا الدهر
الليله بارض الغاضريه بعيلتك حاط الخطر
الليله وحشه وانت طبعك ليله الوحشه اتحضر
ياعلي بهليله موتي...فارگوني كل اخوتي
احضرني ياليث الحرب...وحدي بديار الغرب..
---------------------------------------
مروعه بليل المدامع اجمع اطفال وحرم
التفت لا والي عندي راحوا اصحاب الشيم
بس عليل من النوايب والمرض حيله انهدم
بس وجوه اتعفرت بالدمعه ورماد الخيم
بويه راحت كل زلمنه...ولابقت خيمه التلمنه
ايتام نامت عالترب...وحدي بديار الغرب..
-------------------------------------------
بصوتي مااگدر انادي صرت انادي بدمعتي
حشمت محد سمعني ولافزعلي من اخوتي
ليش ماتحضريحيدر شوعفتني بمحنتي
حاضر الشدات انت شأخرك عن شدتي
ليش ياحامي دخيلك...بون رقيه تشتكيلك
ورم متوني الضرب...وحدي يديار الغرب
--------------------------------------------
ياعلي من ناده يونس ماتعذرت ومشيت
وسرعت لرض المدائن لعد سلمان اعتنيت
ياعلي شگد صحت بسمك وشكثر بويه انتخيت
مااضن ياابو اليتامه هليتامه انت نسيت
ياعلي الايتام تندب...مروعه وهليل يرهب
گلي شيصيرالگلب... وحدي بديار الغرب..
----------------------------------------
محيره بوسط العساكر بالحرم والدنيا ليل
بس ونين اطفال اسمع يمي ونياح وعويل
مدري اروحن للشريعه گلبي ضل يم الكفيل
مدري اسكت هليتامه ياعلي احتار الدليل
ياعلي اتحير دليلي...بين الايتام وكفيلي
بويه هالموقف صعب...وحدي بديار الغرب.
--------------------------------------
شاخرك وينك يحيدر ماتجينه شتنتظر
نريدك بهليله يمنه ومني ابد لاتعتذر
من يركب هاليتامه گلي لو طر الفجر
ننسبي صعبه يبويه اه ياهظم اليسر
ضعن ايتام وثواكل...شلون اروح بدون كافل
ياعلي ابعيد الدرب...وحدي بديار الغرب..
جواد كاظم الگرعاوي
BY جواد كاظم الگرعاوي
Share with your friend now:
tgoop.com/jawadkr/27