tgoop.com/jawadkr/24
Last Update:
لو تعسر........امرك واصبح رهين
اقره مضطر....الفاتحه لأم البنين
اقره وينولك أجر..
بفاتحه اتسهل الامر....لوتعسر
------------------------------------
لو تعسر أمرك وظلمت حياتك
وضاعت بدنيا المتاهات امنياتك
ارفع اچفوف الرجا تضمن نجاتك
واطرق ابواب السماء بصافي ذاتك
هاي الابواب....مشرعه للحائرين
هاي الابواب....بيها باب ام البنين
منها ماتسمع عذر..
بفاتحه تسهل الامر.....لوتعسر
-----------------------------------------
الله كرمها ابراهين ومهابه
ودعوة المضطر لجلها مستجابه
اقترن اسم ام البنين بأم كتابه
الفاتحه وهيه صفن للرحمه بابه
بالكرامات...انعرفت ام الاربعه
بالكرامات...اليقصدلها اترجعه
بچفها تجبر كل كسر..
بفاتحه اتسهل الامر..لوتعسر
--------------------------------------
الله شرفها ورفعها عله البريه
لأن طيبة منبع اوحره وأبيه
بعاطفتها احتضنت ايتام الزچيه
وضحت بأربع ولد بالغاضريه
لجل الحسين...انطتهم بطف كربله
لجل الحسين...الله خصها بمنزله
كل عسر عدها يسر..
بفاتحه تسهل الامر...لوتعسر...
------------------------------------------
للصبر والتضحيه وصفوها ايه
وباب واسع للتوسل والهدايه
ناصرت حيدر علي من البدايه
وحفضت اعهود الامامه والولايه
وفت اعهود...ويالزچيه فاطمه
وفت اعهود...انكتبت بفيض الدمه
وضحت انجوم وبدر
بفاتحه اتسهل الامر....لوتعذر
-------------------------------------
للخلگ خلاها رب العزه نعمه
عاشت بگلب الزچيه الكله رحمه
ابد مانادت ابو السجاد بسمه
تنادي لورادت تكلمه يمه يمه
عاشت بروح...فاطمه وي الحسن
عاشت بروح...العقيله ام المحن
الله كرم هالصبر...
بفاتحه اتسهل الامر...لوتعسر
---------------------------------------
اتوصي عباس الگمر كل ماتشوفه
تگله اخوك حسين يبني لاتعوفه
لو وگف متحير وضامي ابطفوفه
لاتخلي چفوفك تفارگ. چفوفه
اقبح الناس...لاتبالي بكلمته
اقبح الناس...لو دعاك بخولته
اگطع السان الشمر...
بفاتحه اتسهل الامر....لو تعسر
-----------------------------------------
اتگله زينب يبني عندك ودعتها
ابد لاتنسى انت يالغالي اكفلتها
ماتفارگها وي ضلها عودتها
روح بس بلا چفوفك لوعفتها
عوف الچفوف...لوعفت ام الخدر
عوف الچفوف....ناذره اچفوفك نذر
لفاطمه بيوم الحشر...
بفاتحه اتسهل الامر....لوتعذر
جواد كاظم الگرعاوي
BY جواد كاظم الگرعاوي
Share with your friend now:
tgoop.com/jawadkr/24