tgoop.com/jawadkr/219
Last Update:
استشهاد الرسول الاعظم.. ص...
لورحت شيضل اليه..يامحمد
بروحتك تدنه المنيه.يامحمد
لاتضن جرحي يطيب
يارسول الله الحبيب..يامحمد
**************
يارسول الرحمه انضرحالي وارحم دمعتي
تدري مااحمل غيابك انت روحي ومهجتي
شلون اودعك ياحبيبي وابقه وحدي بحيرتي
دنيا لومابيهه انته بويه شلي بدنيتي
لورحت وياك اخذني..بويه بويه
عمري يخلص لوعفتني..بويه بويه
ولوعه ودموع ونحيب..يارسول الله الحبيب.....يامحمد
**************
مااضن ابقى اني بعدك لوعفتني مااضن
اترك الدنيا واهلهاواسكن ابدار الحزن
عيني ماينشف دمعهه لا ولا يغمض جفن
يالخذت كل روحي مني حگي لوابجي وأون
حگي لوخلصت حياتي..وي الاحزان
واندفن لوحل مماتي..وي الاحزان
گبري يم گبرك قريب..يارسول الله الحبيب.....يامحمد
**************
لاتخليني وي حزني انجوي بنار البعد
وانتظروعدك اليه واحسب ايام واعد
ماتهود روحي ساعه الا يم روحك ترد
واندفن يمك يغالي واسكن تراب اللحد
روحي مايهجع المها..الايمك
ولايحط محمل هظمها..الا يمك
روحك لروحي طبيب..يارسول الله الحبيب....يامحمد
***************
هاك اخذروحي امانه يلنويت علسفر
خلي اعيش بلايه روح وانطرنجوم السحر
خل اروي عيوني منك بويه ياضي الگمر
بأخروداع لحبيبه گلي شيشوف النظر
ينضر بحسره عله خله ...من يودعه
والدمع من دم يهله.....من يودعه
ويبقه مهظوم وغريب..يارسول الله الحبيب...يامحمد
**************
ياگلب يحمل مصابك بويه لوهم فرگتك
تفتح ابواب النوايب علوديعه مصيبتك
تدري ماترحمنه بعدك يامحمد امتك
ولي سموهم صحابه يخالفون وصيتك
بضعتك اول ضحيه..بغدر الاصحاب
ينكسرضلع الزجيه..بغدر الاصحاب
تنتخي ولامن مجيب..يارسول الله الحبيب....يامحمد
جواد كاظم الكرعاوي
BY جواد كاظم الگرعاوي
Share with your friend now:
tgoop.com/jawadkr/219