tgoop.com/jawadkr/21
Last Update:
يادرب الشماته الغير احوالي
وداني اسيره ودمعي يبرالي
-----------------------------------
زينب انه سترالله وحجاب الكون
ايه من الخدر والمبهم المكنون
بكلمة انما يتوضح المضمون
اني المالمح نجم السما خيالي
----------------------------------------
ماشافوا خيالي واني اخت عباس
خدري وهيبته بوجه الشمس ينقاس
امشي ميسره معقوله ياهالناس
ودروب اليسر مامرت ابالي
----------------------------------------
امشي بياشرع يامله ياوجدان
وجدي الهادي احمد سيد الاكوان
يعني بطلعتي يتأسر القرأن
عدل اهل الرسول وحاله من حالي
---------------------------------------
وي ضعني مشه بدرب السبي المصحف
راسه عله الرمح واجزاءه بارض الطف
ضل يتلو الكهف طول الدرب ماكف
قرأن برمح ويرتل گبالي
-----------------------------------------
صوته يرتل وتنزف دمه حروفه
وايات الرساله گباله مچتوفه
يقرا الواقعه من طبن الكوفه
وانوار الجلاله بجبهته تلالي
---------------------------------
يادرب الشماته الماشفت مثله
شذكر يامصيبه وانسه ياعمله
شكم طفل الفگدنه بلوعه كم طفله
ماتت وانصدع من ونها دلالي
---------------------------------------
دلالي انصدع من محنتي وبلواي
من خان الزمن وتمردت دنياي
ودتني اسيرت دمعتي وي عداي
شلون امشي ويضل عالغبره كفالي
جواد كاظم الگرعاوي
BY جواد كاظم الگرعاوي
Share with your friend now:
tgoop.com/jawadkr/21