tgoop.com/includecplusplus/3778
Last Update:
#قصتي_وية_الحاسبات
اول ما طلعت القبولات" نقبلت كلية تربية للعلوم الصرفة " وجانت مو رغبتي نهائيا انو اصير مدرسة بيوم من الايام وكلش شايلتها من بالي بس بعد تقنيع الاهل قبلت ف اول قسم حطيته بالي هو البايو وكلشش حبيتة و ردته بس للاسف مانقبلت بي والفرق جانت درجة وحده مانقبلت بي،
بس ب المقابل نقبلت قسم حاسبات،
اول مادخلت لهذا القسم كلشي ماافتهم بي
ولا اعرف عنة اي شي ف اول يوم اجتمعنة بي جانت د. انتصار وثنين طلاب مرحلة رابعة وهذول من الطلاب المجتهدين بقسم الحاسبات
ف اول شي حجولنه عن القسم وعن الاشياء الحلوه بي بس همين مااقتنعت ب القسم وصلت وحتى ردت ابطل ومااداوم،
بعدها ضليت افكر واكول بعد هي هاي قسمتي ب الحياة وهذا هو تخصصي ولازم اتقبلة لان اليجي من الله مستحيل يكون يضرنة،
المهم ضليت اداوم مشت الايام والشهور خلصنه نصف سنة واني جنت كلش ضعيفة ب المواد لان مواد جديده تختلف نهائيا عن المواد الي ب السادس وحتى النمط مااعرفه، ف خلصنه نصف السنة واني واكعة بمادتين،
بعدها اجت العطلة ومن بعدها وبلشنه النصف الثاني اول يوم الية خليت هدف كبالي وكلت أنو اني لازم ابدي من نقطة الصفر ولازم اشد حيلي واول شي خليته هو "الاوئل" بلشت اجتهد، اطلع ع اكثر من مصدر، حبيت المواد حتى اصعب المواد"البرمجة" ضليت اجيب درجات جيد وجيد جدا واخر شي امتحنت نهاية السنة والحمدلله كدرت اطلع الاوئل ب المرتبة السادسة، ماضجت لان اني مو الاولى
بكد مافرحت انو اني كدرت اوصل للهدف الي اريده،
ف ماكو شي صعب أنو توصل للي تريده كلشي يجي ب العزيمه والاصرار، اجتهدوا وحاربوا ع مستقبلكم خصوصا المراحل الاولى الي كلشي جديد عليها، ولا تخلون اي شخص كان من يكون يأثر عليكم مدام الله قسملكم هيج قسم لا تعارضونه، ممكن يكون هلشي لمصلحتك ب المستقبل، ونسئل الله التوفيق لجميع طلبتنة الاعزاء❤️🌚.
@gathering_Pure
#تجمع_طلبة_كلية_التربية_للعلوم_الصرفة
BY C＋＋ ، مترجمات ،برمجة مهيكلة، هياكل بيانات،
Share with your friend now:
tgoop.com/includecplusplus/3778