"وجودي على أنهب جادلٍ خصرها منحوت
وأروّح بها من زحمة المدن للعزبه"

يرهقني الترك والهجران والصدة
حتى الجمادات ما ودي اخليها

على ضاحك المبسم صباح الرضا واللين
‏من اليوم لأخر يوم محسوب في عمري

ماني بناقص عتاب أحباب ومحاسب
حاسبت نفسي بنفسي لا تحاسبني

أحيان اشوف الخطأ صحيح ومناسب
وأحيان اشوف الصحيح وما يناسبني

لا تحمّلْك الخطايا همّ عذر ولا سموحه
ارجع أنت، وكل شيٍ فات يرجع في مكانه

ياصاحبي ماني براعي مهاداه
اما ارضني والا اجفني واستخيري

اما تعال وماطلبناك عطناه
والا تروح وجعل دربك سفيري

عيني على شوف الولايف مضرّاه
جزوع لا شفت الجفا من عشيري

تناقضاتك .. وطيب القلب .. و أوجاعه
ان زوّدت حيرتي .. ما نقّصت قدري
.
من صار صمتك كلام ، و لحظتك ساعة
و أنا أدري إنك تخون شلون ؟ ما أدري!

يغريني الإختفا .. لا صار صمتك عديل
ما ودّي أنّه يسود الظلم ، و أستعذبه

وماني بـ والله أخاف من الغياب الطويل
الخوف كلّه أغيب .. وأنت ما تنتبه

لا زلتُ أحبُّ الأشخاصَ الذين أحببتهُم، حتّى وإن قطعتُ الشّارع لأتجنّبهم.
- أوما ثورمان

ديرةٍ منت فيها .. ماعليها حلا
لو تبل السحايب قاعها كل ليل

- ثامر شبيب

متى والكلام أصدق من الشعر ، والإلهام
‏تمر الطواري كلها ما تقول إسلَم

أحبك ، وأشوف إن المخاسير والأعوام
‏مجرد كماليات تُنثر ، ولآ تنْلم

‏عن اللي تسويه أتغاضى قدر ، وإكرام
‏أبريك وأظلم حظي الزين وأنت أظلم

‏وعن اللي تسويه المقادير ، والأيام
‏أنا أول من يعلّمك وأخير من يعلَم

‏أكابر ، ولكن المحبة طريق ألغام
‏كثر ما تكون أبعد مسافة تكون أسلَم

-‏مزيد الوسمي

معك يا حلو الشعُور و معك يا حلو السوالف
لا ضحكت بسبّه ولا من ضحكت بدون سبه
⠀
أنت يوم الأرض مليانه سواليف و مواقف
دلِك الله لـ الكلام إللي أفكر به و أحبه

حرام احط نقطه وأنهي الموضوع
معك ما احلى من الموضوع لا طوّل

خذ بخاطرك مني يوم و شهر و اسبوع
و لكـن لارجعت .. ارجع مثل لـ اوّل

تبرّيت من صوتي بعد ما علي قسّاك
‏ووقفت لا ذاكر دروبي ولا ناسي

‏اعرف اتكلم لين اجي لزعلك ورضاك
‏اشوف الكلام اصغر بواجد من احساسي

‏وانا والله ان البسمه اللي تمر شفاك
‏ادوّر عليها.. كنّي ادوّر أنفاسي

مالله كتب لي فيك حظ ولا نصيب
الواقع أصدق .. من يا ليت ، وربما

حتى لو إن إحساس قلبي ما يخيب
سفك الشعور أشد من سفك الدما

والغيمة اللي تاخذ شوي .. وتغيب
ما تغري ألا .. الميّتين ، من الضما

أحيان .. حتى اللي تحس إنه قريب
يمكن يكون أبعد عليك من السما

من ليلة البارحة !. كني على جال نار
يا طول الأفكار .. في بالي ويا سمنها

لاذت جميع الحلول الممكنة بالفرار
مدينتي !.. خوفها حلّ بـ محلّ أمنها

محبتِك ياأقرب مْن الثوب ومْن الزرار
قل وش بقى من برَكتها ؟ ومن يُمنها

أحلامي الواقفة !.. في صالة الإنتظار
يؤسفني إنّك ماراح تكون من ضمنها

جالس مع شجرة غيابك لهالحين
أرجّع أحفااد الجروح .. لـ نسبها !

فيك من شي السحاب وفيك شي من المطر
وفيك من شي المهاه وفيك من شي المهار

معك يازين السوالف والاغاني والشعر
واغنيه من كاظم الساهر وشاعرها نزار

لا أنظر للأمر بحزن، لا يعتريني حقاً هذا الشعور عندما أتذكر ما حدث بيننا، بدت قصتنا جيدة ثم انهارت في مكان ما، لحظة لم تكن متوقعة، ربما حدث ذلك لأسباب أخرى نجهل وجودها، ولكني لا أحزن، أجد أن الأمر كان جيدا وانتهى مثلما تنتهي الأيام ولكنها تبقى في حساب العمر، في الذكرى.

لا تطري الحب ويضيق المكان الرحيب
ولا تسرق إعجابي بطبعك ولا مواخذه
‏⠀
‏أخاف لا أعشق تفاصيلك وأشوفك حبيب
‏وأحط قلبي على كفّي ولا تاخذه