‏رجعت من الغياب المرّ لكن ما رجعت ايّاي
‏ يا ليت اللي يرد الغايبين .. يردّني يمّي

‏عويد النجود

‏معك عشت أوّل هزيمة بطعم الإنتصار
‏والعيون تشوف ضحكتْك ضمن حقوقها

‏إن رضيتي جعل يفدى غلاك الإعتذار
‏وإن قسيتي لا يد إلا يد الله فوقها

‏-سعود مهدي

ما علي لو كبر و لا صغر سني
الوكاد اني كبيرٍ بالمبادي

ومايهم ان طاب و لا خاب ظني
الثقة اهم شيٍ في اعتقادي

الخطأ يا الاجودي ماهوب مني
واعتذر لا صار مني لا ارادي

ان نويت تصد عني صد عني
والله ان الوضع عادي و انت عادي

تعاتبك الحنايا و المشاعر و الرموش السّود
‏على جورك و تقصيرك بها و إهمال واجبها

رح للمسافات واقدامك تحث المسير
اليوم ماعاد باقي دمعه نهلّها

مايذبح العاشقين الا البرود الاخير
اللي يكرّهك فسنين الغلا كلها

نبغي نوقف كل ابينا سيد سيد
ونوحّد التصويت "واحد واربعه "

البارحة كني على يمنى بخيل
‏ما غير أحااايل فالمناام محايلة

‏رااحت طموحات العمر في ظرف ليل
‏مراح بيتٍ ما أعرف من قايله

‏جعل العوض في ماضيٍ ماله جميل
‏مستقبلٍ ما تنحصى جمايله

يا هلا وميّة هلا .. يارحب ومية رحب
الرحب تنقل رحب والهلا تنقل هلا

لين تاصل غاية امناك يا أغلى من نحب
إن سلا قلبك من الحب وإلاّ ما سلا

شوفتك عندي بساتين وأطلال وسحب
ووحشتك يوم ابتعد عنك يادفع البلا

الغلا اللي كنت أخاف أنه يعدي عدى
‏اسرع من الليلة اللي مستحيل انساها

‏كل ما حبيت لي هامش يصير مبدّى
‏فالعيون اللي تراب الارض ما يملاها

‏

وين الثمان الي لا بانت عوّدت عشري ثمان ؟
الي وراها ماردٍ ما كلّ عطشان ورّده

عبدالرحمن جزا

وشفت الثمان الي بهنّه هرجّ لي
منهن مرض قلبي وفيهن علاجه

عبدالله بن عون

مامعي غير روحٍ ماتعرف الخضوع
خايف اسخي بها لـ رضاك وتهينها

- سعود مبارك

هلا مرحبا يالغالي اللي كلامك شين
تقوله وهو مقصود كنّه على النيّه

ترا كلمةٍ قد قلتها لي قبل شهرين
اثرها بصدري كنْه موقع عمليّه

"لو شلت همّ المسافة لا تكمّل معاي
أنا دروبي طويلة . . وأنت حافي قدم"

يقولون متكبر و أقول اتكبر ليه؟
وأنا في ذرى ربي و عبده و ابن عبده
.
طويل الذراع إن عّرض اسمي تعلق فيه
و ضعيف الروابع كني امشي على كبده

ما رأيتُ أحدًا إلا هِبتُه حتى يتكلم، فإذا تكلم كان بين اثنتين: بين أن تزيد هيبته، أو تضمحل.

- يحيى البرمكي

أنا معه كن قلبي من حدا والديه
ماودي إن الحياة الفانية تقهره

صباح الرضا وان كان ودك صباح الخيير
أشوف الصباح بدون وجهك حكي فاضي

أنا و النسيم وطلة الشمس .. حتى الطير
من البارحه نرقّب سناء وجهك الراضي

لا طاح سهم البورصه والذهب طاح
قامت سهوم الطيب والطيبيني

يبين لك انه هادي وخاطره مسرور
‏وهو والله انه يزعجه صوت مسباحه

‏شجاع حذف لك بندقه والرصاص يثور
‏ولاتذبحينه عقب م سلم سلاحه

-صالح النشيرا