tgoop.com/iftahlyqalbak/6324
Last Update:
3⃣
اصحي يا نايم⏰
تابع فضائل شهر رمضان
6⃣ شهر الصلة بين السماء والأرض :
أنزل الله في رمضان كلامه وكتبه وخاطب فيه خلقه..
قال رسول ﷺ : ( أنزلت صحف إبراهيم أول ليلة من شهر رمضان ، و أنزلت التوراة لست مضت من رمضان ، و أنزل الإنجيل بثلاث عشرة مضت من رمضان ، وأنزل الزبور لثمان عشرة خلت من رمضان ، وأنزل القرآن لأربع وعشرين خلت من رمضان) ( حسنه الألباني )
وقال تعالى : ( شَهْرُ رَمَضَانَ الَّذِي أُنزِلَ فِيهِ الْقُرْءَانُ هُدًى لِلنَّاسِ وَبَيِّنَاتٍ مِّنَ الْهُدَى وَالْفُرْقَانِ ) البقرة: ١٨٥
• والشهر اللي أنزل فيه القرآن لابد أن له مكانة
عظيمة بين الشهور .. فرب العزة لا يختار الأوقات بدون حكمة أو معنى .. تعالى سبحانه عن ذلك عُلواً كبيراً
7⃣ كل يوم وليلة في رمضان فرصة للعتق من النار :
قال رسول ﷺ : ( إذا كان أول ليلة من شهر
رمضان صفدت الشياطين ومَرَدة الجن
، وغلقت أبواب النار فلم يُفتح منها باب ، وفتحت أبواب الجنة فلم يُغلق منها باب ، وينادي مناد كل ليلة : يا باغي الخير أقبل ، ويا باغي الشر أقصر ، ولله عتقاء من النار ، وذلك كل ليلة ) صححه الألباني
وقالﷺ : ( إن لله تبارك وتعالى عتقاء في كل
يوم وليلة - يعني في رمضان - وإن لكل مسلم في كل يوم وليلة دعوة مستجابة )
صححه الألباني
انت عارف يعني إيه العتق من النار ؟؟؟
تخيل نفسك إنك عبد عند فلان من الناس
لو أعتقك ، يبقى إنت بقيت حر خلاص .. والإنسان ده مبقاش له ولاية عليك
وكذلك النار .. قال تعالى :
(مَأْوَاكُمُ النَّارُ هِيَ مَوْلَاكُمْ وَبِئْسَ الْمَصِيرُ) الحديد: ١٥
يعني العتق هو الخروج من هذه الولاية .. يعني النار متكونش هي مولاك
وفي آيات أخرى يقول تعالى :
(أُولَٰئِكَ أَصْحَابُ النَّارِ ۖ هُمْ فِيهَا خَالِدُونَ ) البقرة:٣٩
فالعتق : هو التخلي عن هذا الملك ، ملكية النار للإنسان
ربنا بيقول : ( فَمَن زُحْزِحَ عَنِ النَّارِ وَأُدْخِلَ
الْجَنَّةَ فَقَدْ فَازَ )آل عمران: ١٨٥
العتق من النار يعني خلاص .. مفيش عذاب !
يا ترى يا شباب هنعمل ايه في الشهرده
علشان نكون من عتقاء الله من النار .. ؟؟؟
8⃣ [٣] فرص في شهر واحد لمغفرة ما تقدم من ذنبك :
قال رسول ﷺ: (من صام رمضان إيمانا
وإحتساباً ، غفر له ما تقدم من ذنبه ) متفق عليه
وقال : (من قام شهر رمضان،إيمانا واحتساباً ،
غفر له ما تقدم من ذنبه ) متفق عليه
وقال : ( ومن قام ليلة القدر إيمانا وإحتساباً غفر له ما تقدم من ذنبه ) متفق عليه
✅٣ فرص قدامك علشان تتغفر ليك ذنوبك والبلاوي السودا اللي إرتكبتها طول السنة
✅۳ فرص علشان تتطهر من ماضيك وتبدأ صفحة جديدة " على بياض
حد عاقل يفوت الفرص العظيمة دي ؟؟
9⃣شهر فيه ليلة القدر :
ليلة عبادتها خير من عبادة ألف شهر
قال تعالى : (لَيْلَةُ الْقَدْرِ خَيْرٌ مِّنْ أَلْفِ شَهْرٍ ) القَدر :٣
عبادة في ليلة واحدة ثوابها أفضل من عبادة ٨٣ سنة!
ده إيه الثواب الرهيب ده، يا رحمتك وكرمك يارب !
قال رسول ﷺ : (إن هذا الشهر قد حضركم
وفيه ليلة خير من ألف شهر ، من حرمها فقد حرم الخير كله ! ولا يُحرم خيرها إلا محروم )
علشان كده لازم تجتهد في العشر الأواخر من
الشهر علشان تدركها بإذن الله ، ومتكونش من
المحرومين من الخير والثواب العظيم ده ...
0⃣1⃣شهر لك فيه كل يوم دعوة مستجابة :
قال رسول ﷺ : ( إن لله تبارك وتعالى عتقاء في كل يوم وليلة - يعني في رمضان - وإن لكل مسلم في كل يوم وليلة دعوة مستجابة ) صححه الألباني
وقال : ( ثلاث دعوات مستجابات ؛ دعوة الصائم، و دعوة المظلوم ، و دعوة المسافر) صححه الألباني
قول يارب .. في موسم الطاعة والبركات كلها
قول يارب .. اطلب ما تشاء .. أكيد كلنا عندنا مشاكل وهموم وطلبات .. إرفع ايدك وقول يارب وإنت كلك يقين إن دعاءك مستجاب
إنت متخيل الفضائل اللي فاتت دي كلها
حد ممكن يعرف الفضائل دي كلها ويضيعها ؟؟⁉️
ده كل ده شئ بسيط ...
ده إنت عارف أصلاً إيه هو ثواب الصيام لوحده؟؟.......
يتبع بإذن الله.......
✍️د.مصطفى زايد
#افتح_لي_قلبك
https://www.tgoop.com/iftahlyqalbak
BY افتح لي قلبك
Share with your friend now:
tgoop.com/iftahlyqalbak/6324