Бир аёл қўшнисини ғийбат қилибди. Ғийбат гап тезда қишлоқ аҳолисига тарқабди. Fийбат қилинган одам эса анча изтироб чекибди. Маълум вақтдан кейин ҳалиги аёл қилган ишидан пушаймон бўлибди. Хатосини қандай тузатишни билмай, бир доно зотга мурожаат қилибди.

Донишманд унга шундай маслаҳат берибди:
— Бозорга бориб товуқ сотиб ол ва сўйдир. Кейин уйга қайтишда, патларини юлиб, йўл бўйи ерга сочиб кел.

Аёл бу ғалати насиҳатга ҳайрон бўлса-да, донишмандга ҳурмати туфайли, ишни айтилгандек бажарибди. Эртаси куни донишманд аёлга:
— Кеча ташлаб келган патларингни бугун териб кел, — деб буюрибди.

Аёл кечаги юрган йўлидан бориб, патларни тўпламоқчи бўлибди. Қараса, шамол барча патларни учириб кетган экан. Соатлаб излаш натижасида, бор- йўғи бир-иккита патни топибди. Доно зот унга шундай дебди:
— Кўрдингми, уларни ерга ташлаш осон, аммо қайта тўплашнинг иложи йўқ. Fийбатни ҳам қилиш осон, бироқ асоратини кетказиш ниҳоятда мушкул...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Оқибатдан сўз очганда дил ғашланса,
Охиратдан сўз очганда кўз ёшланса.
Давраларда дунёликдан гап бошланса,
Ота-Онам бой деб эмас бор деб қувон,

От-туяда эмас майли юр пиёда.
Оринг бўлса пулдорликлардан сан зиёда
Эй бандалар икки кунлик бу дунёда
Ота-Онам бой деб эмас бор деб қувон

Бўлмаганни ожиз банда бўлдиролмас ,
Онанг каби сани ҳеч ким кулдиролмас
Ўксик кўнглинг молу дунё тўлдиролмас
Ота-Онам бой деб эмас бор деб қувон

Ота-Онанг сани ташлаб кетса аён
Юрагинга ғам - ташвишлар қилар исён
Шундей экан хизматида туриб ҳар он
Ота-Онам бой деб эмас бор деб қувон

Ўргилайми дабдабали уйларингдан ?!
Айланайми қадди ниҳол бўйларингдан
Ёру - дўстлар келган катта тўйларингдан
Ота-Онам бой деб эмас бор деб қувон .

Улфатларинг паст назарда қарасалар ,
Сохта дўстлар атрофингни ўрасалар ,
Кимлар сандан кимлигингни сўрасалар ,
Ота-Онам бой деб эмас бор деб қувон.

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Етти дафтар қиссаси...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

• Одамларнинг гапидан қўрқиб яшасангиз ҳаётдаги мақсадингизни йўқотиб қўясиз. Мақсадингиз  бўлмаса сиз деярли мавжуд эмассиз...
• Одамларга гап учун арзимаган сабаб керак. Ким нима деса десин. Сиз эса мақсадларингиз сари дадил қадам ташланг...
• Сизни ҳам ўзгалар ҳаёти билан ишингиз бўлмасин...
• Биз йўлдамиз ортга қайтиш йўқ...
• Қачондир йўл охирга етади...
• Ва биз бу дунёдан охират эшигига етамиз...
• Қўйинг ташвишларни...
• Завқланиб яшанг...
• Тақдирингиздан рози бўлинг...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Тоғда жарликдан ўтиш учун якка-ёлғиз кўприк бор экан.
Шу кўприк олдида бир йигит бизнес билан шуғулланарди, яъни кўприкдан ўтмоқчи бўлган одамларни 100 сўмга опичиб ўтказиб қўярди. Бир куни тоққа туристлар группаси келибди. Ҳаммаси чуқур жарликдан қўрқар, шунинг учун йигитнинг ёрдамига мухтож эди.

Йигитнинг иши юришиб кетибди. Қараса, шу кетишда олиб ўтаверса, уч-тўрт соат вақт кетади.
— Икки елкамга икки кишини олсам, тезроқ бўлади, кўпрок пул тушади, — деб икки кишини ортиб олибди. Кўприкнинг ярмига келганда, мувозанатни тутолмай йуловчилардан биттасини жарликка тушириб юборибди. Шунда у афсусланиб:
— Эх, эссиз.100 сўм пул ҳайф кетди-я, — деганакан.

Ушбу ҳангомани ўқиб очиғи кулишни ўрнига негадир ачиниш хиссини туйдим. Йўқ, жарликка қулаган одамни тақдирига эмас, балки ҳақиқий ҳаётда ҳам худди шунақа одам ўрнида аллақандай “100 сўм” ни тасаввур қилувчи "тубанлик жарлигига қулаб бўлган" кишиларни учратиш оддий ҳолдай бўлиб қолаётгани учун ачиндим...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

"Дунёда энг гўзал ким?" деган саволга адиблар ва рассомлар "Бола кўтарган аёл", деб бир хилда жавоб берган ва уларнинг шу ҳақидаги асарлари энг катта шуҳрат келтирган экан. Хўш, улар нима учун бу саволга келинлик либосидаги қиз ёки қадди-басти ниҳолдек келишган аёлни, гўзаллик салонидан чиқиб келаётган жувонни эмас, аксинча, уй кийимида, кўзида ҳатто сурмаси хам бўлмаган, қўлидаги боласини эмизиб турган оддийгина аёлни танлаганлар? Чунки у она, дунёдаги барча меҳр-шафқат митти қалби, нозик жисмида жо бўлган хилқатдир! Унинг мана шу ҳолати, боласига бутун меҳри, энг яхши ҳисларини бериб эмизиб туриши ҳеч бир келинчакда топилмайди, бирон-бир гўзаллик уйи минг йил уринса-да, бу кўринишни бўёқларда ифодалай олмайди. Сиз ҳомиладор аёлга эътибор қилганмисиз? Унинг доғ босган юзи, тўкилган киприк ва қошлари хам кишига завқ бағишлайди, ҳеч бир одам уни "Вой, бунча хунук", демайди. Нега? Чунки, у бўлажак она! У ўз жонини хавфга қўйиб, ўз танидан Аллоҳ таолонинг янги бандасини дунёга келтиради...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Ғам-ташвиш умрни қисқартиради…

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Турманистонда одамлар бахтли экан, чунки...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Уруғни қаерга экканингизни эсдан чиқариб қўйсангиз, аниқки, тез кунда ёмғир уни қаерга экканингизнинг хабарини беради.

Шунинг учун қаерда бўлса, яхшилик уруғини экаверинг. Кимга бўлса ҳам яхшилик қилаверинг.
Чунки сиз қачон ва қаерда унинг манфаатини кўришингизни билмайсиз. Лекин албатта манфаатини кўрасиз.

Яхшилик қилинг. Яхшилик қилишингизга арзимасада, қилаверинг. Чунки яхшилик уруғи қаерга экилса ҳам, ҳеч қачон зое бўлмайди. Яхшилик улашиш қандаям яхши. Чунки гоҳида унинг мукофотини дунёда оласиз ёки охиратингизга захира бўлиб туравеарди.

Ҳа, хайрли ишга имзо қўйган киши, агарчи ўзи кўздан ғойиб бўлса ҳам, унинг гўзал имзоси сақланиб қолаверади. Жаннат сиз каби яхшилик қилувчиларга муштоқ! Ҳеч қачон бировнинг дилини оғритманг, унинг қувончини йўқотманг!

Чунки умримиз қисқа, қабримизда ётганимизда бизни дуойибад қиладиганларга эмас, балки, бизни хайрли дуо қиладиганларга муҳтож бўламиз.

Кунингизни ҳурмат-эҳтиром, инсонийлик, ихлос, тоат-ибодат ва тартиб-интизомда ўтишига одатланинг. Уйлаб куринг... Яхшилаб, кимга качон яхшилик килдик. Шошилинг умр киска...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

"Дунёда энг гўзал ким?" деган саволга адиблар ва рассомлар "Бола кўтарган аёл", деб бир хилда жавоб берган ва уларнинг шу ҳақидаги асарлари энг катта шуҳрат келтирган экан. Хўш, улар нима учун бу саволга келинлик либосидаги қиз ёки қадди-басти ниҳолдек келишган аёлни, гўзаллик салонидан чиқиб келаётган жувонни эмас, аксинча, уй кийимида, кўзида ҳатто сурмаси хам бўлмаган, қўлидаги боласини эмизиб турган оддийгина аёлни танлаганлар? Чунки у она, дунёдаги барча меҳр-шафқат митти қалби, нозик жисмида жо бўлган хилқатдир! Унинг мана шу ҳолати, боласига бутун меҳри, энг яхши ҳисларини бериб эмизиб туриши ҳеч бир келинчакда топилмайди, бирон-бир гўзаллик уйи минг йил уринса-да, бу кўринишни бўёқларда ифодалай олмайди. Сиз ҳомиладор аёлга эътибор қилганмисиз? Унинг доғ босган юзи, тўкилган киприк ва қошлари хам кишига завқ бағишлайди, ҳеч бир одам уни "Вой, бунча хунук", демайди. Нега? Чунки, у бўлажак она! У ўз жонини хавфга қўйиб, ўз танидан Аллоҳ таолонинг янги бандасини дунёга келтиради...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Турманистонда одамлар бахтли экан, чунки...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Атиргул баргидан томган томчилар,
Ерга тушишаркан буғланмок учун.
Синовли бу дунё қайларга чорлар.
Ўзингизни асранг ўзингиз учун.

Баъзида югуриб баъзан еласиз.
Ёрингизни кўнглига йўл топиш учун.
Кадрингизга етмаса йиғлаб оласиз.
Ўзингизни асранг ўзингиз учун.

Топганим тутганим бари сенга деб.
Борингизни сочасиз ўғлингиз учун.
Ҳаттоки уйингизга сиғмай қоласиз.
Ўзингизни асранг ўзингиз учун.

Уйингизни бўшатиб сеплар қиласиз.
Бир қаламқош бўлган қизингиз учун.
Туну кун келишин кутиб толасиз.
Ўзингизни асранг ўзингиз учун.

Ўйнаб-кулинг умрингизнинг сўнги чоғида,
Дардингизни бирозгина унутиш учун.
Ҳосилингиз тўкилмасин умр боғида.
Ўзингизни асранг ўзингиз учун.

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Ҳаракатдан тўхтаманг!

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Беш нафар қизи бор 73 ёшли аёл вафот этди. Жаноза вақтида кичик куёвининг ўртага чиқиб айтган гапи ҳаммани шокка солди...

13 май куни тунда маҳалламизда ёлғиз яшовчи 73 ёшли онахон вафот этди. Онахоннинг беш қизи бўлиб, ҳаммасини узатган, ўзи эса ёлғиз яшарди. Жаноза вақтида кутилмаганда кичик куёвининг ўртага чиқиб айтган гапи ҳаммани шокка солиб қўйди.

Куёвнинг айтишича, онахон унга тунда телефон қилиб:

– Болам, кечаси безовта қилганим учун кечиринг. Бир сўзим бор эди. Балки бу сўнгги қўнғироғим бўлар. Эртага уйимга келинглар. Ёстиғим остида сизга бир омонат қолдираман.

Кечаси ўша қўнғироқдан сўнг, эрталаб онахон омонатни топширдилар. Жанозага қариндош-уруғ, қўшнилар ва маҳалла аҳли йиғилди. Кичик куёв эса онахон айтганидек, болиш остига қараб, бир конвертдаги қоғозни топди — у васият хати эди.

Жаноза вақтида барча йиғилганида хатни очиб ўқиб берганда, ҳамманинг кўзларига ёш келди. Унда шундай сўзлар битилган эди:

“Аллоҳ менга 5 қиз берди, ўғил бермади. Мен уларни қорнимда кўтардим, туғдим, эмиздим, ўстирдим, ўқитдим ва эгаларига топширдим. Бугун оёқларимда куч қолмади. Аммо шу 5 та қизларимдан бирортаси менга мехр беролмади. Бугун ёлғиз қолдим. Бугун қариликдан танам хаста бўлса, мехрсизликдан қалбим ҳаста. Биламан ҳозир ҳамма фарзандларим ўлимимни кутишяпти. Ўлсам шу уй жой ҳам талаш бўлади. Биргина сиз қизимдан яшириб бўлса ҳам менга бозорликлар қилиб ташлаб кетдиз. Қўлимга пул бердиз. Дориларимни олиб бердиз. Эрка ўғлим Аллоҳ берган неъматим сиздан мингдан-минг розиман. Мен бу дунёда 5 қиз кўриб, бир марта бўлса ҳам фарзанд мехрини улардан хис қилмадим, сиздан хис қилдим. Шунинг учун бу хатни қизимга эмас, сизга қолдиряпман. Илтимос бу хатни жанозамда ўқиб беринг. Менинг хаётим одамларга ўрнак бўлсин. Болаларини боқаман деб ишлаб, тарбияларига вақт ажратмай менга ўхшаб охирида хор бўлмасинлар. Уйни бўлса сизга васият қиламан. Уни сотинг ва тушган маблағни етимларга, толиби илмларга беринг. Афсус ортимдан дуо қиладиган фарзандлар қолдиролмадим. Иншааллоҳ шу толиби илмлар сабаб Аллоҳ мени жаннати билан сийлайди. Мендан рози бўлинг.”

Маҳалла имоми бу воқеани эшитиб дод деб йиғлади.
Одамлар бу воқеадан қаттиқ таъсирландилар. Айримлар қизларига ачинишган бўлса, яна кимлар ўзларини қилмишларини сархисоб қилиб йиғладилар.

Она-бола туғгани учун эмас, туғиб, тўққиз ой қорнида кўтариб, ҳар бир нафасини фарзандига бағишлагани учун улуғдир. У ўз ҳаётини боласи учун фидо қилган ягона инсондир.

Бола касал бўлса, она у билан бирга оғрийди. Бола қуванса, она дили яшнайди. Она — фарзандининг қадамига дуо, кўз ёшига меҳр, гуноҳига мағфиратидир. Унинг ҳар бир нафасида “болам” деган илтижо яшайди.

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

1997 йил "Yahoo" компанияси "Google"ни 1 миллион долларга сотиб олишдан бош тортган.

Ҳозир "Yahoo" капитали 12 млрд АҚШ даоллари бўлса, "Google"ники эса 1,8 трлн АҚШ доллари.

Хулоса ўзингиздан!

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Сафарга чиққан киши йўлда ажабтовур боғга дуч келди. Дарахтлари кўкка бўй чўзган, майин барглари шаббодада ёқимли шитирлайди, сархил меваларнинг хуш бўйи димоқни қитиқлайди. Йўловчи боғнинг эгасини топиб, ичкари киришга изн сўради. Боғбон унга рухсат берибгина қолмай, қўлига бир сават ҳам тутқазди.
— Шуни тўлдириб кўнглингиз тусаган мевалардан териб олишингиз мумкин. Фақат бир гап эсингизда турсин: боғга қаршингиздаги дарвозадан кириб, нариги тарафдан чиқиб кетасиз. Орқага йўл йўқ!

Мусофир юраги ҳаприқиб саватни кўтарганча ичкарига қадам ташлади. Ғарқ пишган мевалар “мени уз” дегандек ял-ял ёниб, шундоққина тепасида осилиб турарди. Энди қўлини чўзмоқчи бўлганди, нарироқдаги мевалар кўзини қамаштирди. Олдинга юрган сари дарахтлар кўркамроқ, ҳосили чиройлироқ кўринаверди. Йўловчи шошиб қолдими ё саватини вақтидан илгари тўлдириб, энг сара мевалардан қуруқ қолишдан чўчидими, ҳар ҳолда боғ этагига етиб келганида... савати бўм-бўш эди. Орқага эса йўл йўқ.

Инсон умрини дунё аталмиш маконнинг бир эшигидан кириб, бошқа эшигидан чиқиб кетувчи йўловчидек яшаб ўтади. Ундаги ҳар кун, ҳар лаҳза хайрли ишлар учун берилган имкониятдир. Бу маконнинг поёни қаердалигини, умр интиҳоси қачон етишини ҳеч ким билмайди. Вақт ғанимат, эзгу амалларимиз “савати” бўш қолмасин...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Ҳар қандай вазиятда ҳам мард бўдлиб қол!

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Ҳеч нарса бирданига бошланмайди. Ҳеч нарса ўз-ўзидан бўлмайди. Ҳеч ким ўз-ўзидан ўзгармайди. Ҳамма нарсанинг сабаби, омили, айбдорлари бўлади.

Одатда эса бу сабабчи - айбдорлар ўзимиз бўламиз. Ҳа, сиз нотўғри эшитмадингиз, айнан ўзимиз! Бу сиз дегани ва яна сиз дегани. Сиз ҳам, кўзойнак орқали ушбуни ўқиётган киши. Сиз ҳам телефондан кўзини узмаётган йигитча. Сиз ҳам, сиз ҳам, сиз ҳам!

Кайфият бирданига ўзгариши мумкин. Бирор қарордан бирданига қайтиш мумкин. Лекин феъл-атвор бир кунда ўзгармайди. Унга вақт керак. Анча вақт. Омиллар керак. Омиллар эса асосан биз ўзимиз бўламиз. Бировнинг қадамидан айб ишлаш, камчилигини топиш, тирноқ остидан кир излайверишимиз орқасидан ўша одамнинг самимийлигини йўқотиб қўямиз. Орқасидан яна уялмасдан “Сен нега аввалгидай эмассан? Нега ўзгаргансан?” дейишимиз ҳам бор...

Кимгадир айб қўяётганда, кимгадир ўз негатив кайфиятингизни сочаётганингизда эҳтиёт бўлинг. Сиз бир донасиз. Сиз учун атиги биттагина туюладиган ўша одам ҳақидаги салбий таассуротингиз, сиз каби юзлаб “доно”лар томонидан у одамга айталавериб, юрак-бағрини тешиб ташлаган бўлиши мумкин.

Беайб Парвардигор. Ҳеч ким тўкис бўлолмайди. “Мен энг беайбиман” деган кишидан ҳам яхшилаб изланса юзлаб камчилик топса бўлади. Шундай экан, дўстлар, кўнгилни эҳтиёт қилинг. Бир марта жабр кўрган қалбнинг қайта тикланиши қийин. Ўзаро меҳрли бўлинглар!

Ўзи атиги беш кунгина бўлган дунёдан эсон-омон ўтиб олайлик...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Устоз ўз талабаларга бир қоғозни кўрсатиб, уларни фикрлашга чорлабди. Қоғознинг ўртасида биттагина қора нуқта бор экан.
— Айтингчи, нимани кўряпсизлар?
— Нуқтани, — дебди биринчи талаба.
— Қора нуқтани, — дебди иккинчиси.
— Қора ва қалин нуқтани, — шошиб жавоб берибди учунчи талаба.
— Афсус, — бир муддат хаёлга берилиб қолган устоз аста сўз бошлабди. — Ҳаммангиз оқ қоғоздаги кичкинагина қора нуқтани кўрдингиз, лекин ўша нуқта турган катта ва оқ қоғозни пайқамадингиз.

Ҳаётда ҳам худди шунақа бўладида. Одамларни арзимаган кичик камчиликлари учун айблаймиз. Аслида эса ўша кичик нуқсон ортидаги катта ва олийжаноб юракни пайқамаймиз. Ёки шунчаки пайқашни истамаймиз...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Донишмандга иккита савол беришибди:
— Инсониятнинг кайси харакати сени хайратга солган?
 
Олим бирма-бир санай бошлади:
— Болаликдан зерикадилар ва тезрок улгайишга шошиладилар. Вакти келиб, болаликни согинадилар.
—Пул топаман деб согликни йукотадилар, аммо согликни кайтариш учун яна пул сарфлайдилар…
— Эртанги кунни уйлаб хавотир оладилар-у бугунни унутадилар. Шунинг учун хам на бугунни, на эртани деб яшайдилар. Дунедан яшамагандек утиб кетадилар….

Гал иккинчи саволга келди
— Сиз уларга нимани тавсия киласиз?

Олим жавоб берди:
— Хеч кимни узингизга яхши куришга мажбурламанг!
— Мухими, хаетда куп нарсага эга булиш эмас, кам нарсага эхтиеж сезишдир.
— Сизни яхши курадиган инсонлар купчилик. Аммо улар туйгуларини кандай ифода этишни билмаётган булишлари мумкин
— Базан бошкалар томонидан кечирилибгина колмай, узингизни кечира олишингиз хам керак.

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓