tgoop.com/ibratdir_dunyom/7770
Last Update:
Бенжамин Франклин ўз устида ишлашнинг бир неча усулларини ишлаб чиқди. Ҳозирги кунда эса унинг бу таклифлари янада қийинроқдек туюлади. Аммо ҳар бир киши ўзида синаб кўришга арзийдиган ишлар кетма-кетлиги билан танишинг ва албатта уларга амал қилинг.
Ўзини тия билиш
Қорнингиз тўлгунича еманг, маст бўлгунча ичманг.
Тилни тия билиш
Ўзингиз ва бировга фойда келтира оладиган сўзларнигина гапиринг.
Тартибли бўлиш
Ҳар бир нарсангизнинг ўз жойи, ҳар бир ишингизнинг ўз вақти бўлсин.
Қатъийлик
Нима қилишингиз кераклигига қарор қилинг. Қарор қилганингизни албатта бажаринг.
Эҳтиёткорлик
Ўзингизга ва бошқаларга фойда келтирадиган харажатлар қилинг. Бир сўни ҳам ҳавога совурманг.
Меҳнатсеварлик
Вақтингизни бекорга кетгизманг, доим фойдали нарсалар билан шуғулланинг. Кераксиз ишларингизни четга суринг.
Адолатлилик
Одамларга ҳеч қачон ёвузлик қилманг. Қўлингиздан келганча яхшилик қилишга ҳаракат қилинг.
Мувозанат
Қаерда ва қандай тутиш кераклигини билинг. Сизга ёмонлик қилганларга нисбатан ҳеч қачон ёмонлик билан жавоб берманг. Ҳатто улар шунга арзисаларда.
Озодалик
Бетартиб бўлманг. Ҳамма жойни тозалаб юринг. Бироз бўлсада бетартиблик бўлмасин.
Тинчликсеварлик
Кичик хотиржамсизликлар учун хавотирга тушишнинг фойдаси йўқ. Назарга илинмайдиган аммо жиғингизга тегадиган кўнгилсизликлардан узоқлашишга ҳаракат қилинг.
Ақлли бўлишга интилиш
Билим олишдан тўхтаманг. Китоблар ўқинг, билимингизни оширинг.
Камтарлик
Қанчалик ақлли ёки кучли бўлманг, камтарликдан ўзингизни асло тийманг.
Ибрат излаганга — ибратдир дунё