tgoop.com/hxzeu1/60472
Last Update:
عاشور جروحي .. رد لايامي
دورت بروحي .. صوت إلهامي
شرد أكتب و احچي و أقره
و انتَ حسين ابن الزهرة
______
ادور بالمعاجم و القواميس
لگیت أول قلم كاتبلك إدريس
يعني الما سجدلك حبره تقديس
راضع وي قلمه حتماً إبليس
يا أول كلمة انگالت .. بشفاه الماي وسالت
و نالت أعظم ما نالت .. حسين
و بساق العرش انكتبت .. و بطينة روحي انسكبت
أوصل لحروفك هلبت .. حسين
كل ما بالعالَم .. من انوارك
ما صاير آدم .. و الله اختارك
و سجدو چي انتَ بظهره
انت حسين ابن الزهرة
_____
لازم يا صبح لمن يجي الليل
ارتلهن ضوه حروفك تراتيل
يسر قرآن ما فسًرك تأويل
بحروفك معاني انصاغت انجيل
و التوراة من الهامك .. مكتوبة بفيض اقلامك
فدوة لدخان اخيامك .. حسين
عايش مولاي بجالك .. و ما استاهل افضالك
خادم بس كون ابقالك .. حسين
يا ماي عيوني .. و گلبي الضامي
وجروحي ولوني.. و سر الامي
اندليت اسمك عالفطرة
____
لگیتك يا جرح بالعرش مكتوب
يمصباح الهدى الدلانه الدروب
يهالچنك شمس بايگها الغروب
كلشي انطيتنه و ضليت مسلوب
يحسين الكون عيونك .. يعمون الميشوفونك
خسران العاش بدونك .. حسين
نهران الجنة ادمومك .. و ارسوم الحور ارسومك
و يوم المحشر چن يومك .. حسين
مكنون اترابك .. لؤلؤ ناصع
عيشني امصابك .. بجودك طامع
أنه العايش ها زغره
______
الف عام بدمعته عاش الك نوح
و يحيى واسه نحرك صار مذبوح
و عيسى ليوم ثارك ضال بس روح
و على جرح الخضر موسى الك مجروح
حزنك انبياء الله .. بيهم كبر و صله
جرحك منهو يوصله .. حسين
كل عين ليومك تبچي .. حتى الصخرة الما تحچي
و للمايل جودك يرچي .. حسين
بمحراب جروحك .. كلهم صلو
و العاشو روحك .. للطف وصلو
يالمات و عايش نحره
___
خليل الله النبي لليوم خجلان
چي مو مثلك اسماعيل قربان
يسر الماي بس ضليت عطشان
بس انت و علي تتسمه إنسان
يالمحد شايف ضيمه .. ضليت ابحر الهيمة
بس صرت لناسك خيمة .. حسين
يالواهب كل اعزازه .. لدين الخالق عكازة
و عيونك ما تتجازه .. حسين
ما اعرف شحچي .. يابو احلامي
من تكتب تبچي .. حبر اقلامي
گلب اليكتبلك حبره .. انت حسين ابن الزهرة
____
عباس حسن السوداني
BY الناشر مصطفى المياحي
Share with your friend now:
tgoop.com/hxzeu1/60472