tgoop.com/hxzeu1/60463
Last Update:
يا صورة من المنحر...يمته تجينه وتضهر
أفراكك عطش يابو الجود
وأعلة ألهجر مانكدر
يا مهدي. يا مهدي
.................................
أين استقر..أين استقر..بك ألنوى يالمحجوب
حتى الحجر..حتى الحجر..من فركتك كام ايذوب
كلبي أنفطر..كلبي أنفطر..لا من خبر لا مكتـوب
مثل المطر..مثل المطر..دمعي يصب كل غروب
يالعايش بعيني حلــــــم عشكته
كل جمعة أتأمل تجي وين أنته
عمري خلص ويه الدمع
بعدك مثـــل خيط الشمع
هيج آنه اعيش ايامي...مذبوحه حته أحلامي
يالمهدي يا جمعه ويوم
تضهر تجي كدامي
.........................................
صبح ومسه..صبح ومسه..عطـــشان وانتضرك ماي
اتـــــــنفسك..أتـــــــنفسك..مثل الهوه
عشت ويـــــاي
يالمـــنتضر..يالمـــنتضر..عنـــــــــك
يسألوني أهواي
ميـــت عدل..ميـــت عدل..عنك حجوا
يا مـــــــولاي
الكالوا متت عدهم سنــد رواها
أضهر وسكت كل حلك حجاها
يالمهدي كل جمعة أنسئل
جا يمته مهديـــــــكم يهل
وانه أرتجل واكلهم...عميه أضن بصرهم
ألما تـؤمن المهدي جاي
خله أكو بنطفهم
.......................................
يمته الفرج..يمته الفرج..يا خاتم أنوار النــور
نار العشك..نار العشك..جمرة خيم من عاشور
من أختنك ..من أختنك..أتنفس الندبه ابخــور
أركض ركض..أركض ركض..أتخيلك جاي تزور
وابحضرة حسين أنحني واسأله
واسجد علـى أعتابه بدمع واقبله
أبشباجـــه أتفكد عطر جفوفك
وبالزهره أحلفك أمنيه أشوفك
يالمهدي تتراوالي..من ابحر بخيالي
واركض ركض عالشباج
جن أنته أنته اكبالي
........................................
أنه أعتذر..أنه أعتذر..مذنب واجيت أبابــك
كلي خجل ..كلي خجل..أذنوبي ألتأخر أغيابك
يابو الكرم..يابو الكرم..يالمــــا نسيت أحبابك
نضرة ردت..نضرة ردت..أبجي اعله جرح امصابك
ابكل مجلس أدري تحضر الزجيه
بجاهك ردت ترضه وتــحن عليه
خـــادم ردت يا صاحب الثار
وانه ادري جفك مايرد خطار
عمري ألك نذرته...وأول حلم عشكته
لمن يسألوني الناس
دمعي يجاوب أنته
.........................................
سيل الدمع..سيل الدمع..من أعطش ايرويني
ألفاكد أبو..ألفاكد أبو..يفهم سوالف عينـــــي
من أختنك..من أختنك..أتأمل وتحييني
والياوكت..والياوكت..أصبر واعيش اسنيني
عمري خلص أتأملك كضيته
ماضل حرز لا طلسم وقريته
يمته تجــــــي يالمهدي مشتاك
عمري خلص مو كافي الفراك
يالعايش أبأنفاسي....يا عزوتي وكل ناسي
أضهر وعجل بالفرج
خليني أرفع راسي
.......................................
خادم خدمة الحسين
الشاعر
محمد الموالي
BY الناشر مصطفى المياحي
Share with your friend now:
tgoop.com/hxzeu1/60463