tgoop.com/hxzeu1/60461
Last Update:
ليله موقِّره وليله مأسِّره حرمه وأحرس أخيام
ماعندي وِله وحَدي بكربله شسوَّت بينه الأيَّام
أون ونوح سبيَّه أروح
شسوت بينه الأيَّام
ــــــــــــــ
دهرك يوم إلك وأعـليك الفلك
هم فد ساعة يندار
الكاعد بالكصر تـلـكـا بـالأسر
فرجه للخلك صار
يــامــا وادم الدنيه أجت وأفترت أعليها
حاكم رئيس مـحَّـد يِـسَـمِّـيهـا بـأساميها
لحضه واحـده بإيد أهل الرده تعادل ميت ألف عام
لحضه قَـاتِـلـه وحدي بكربله شسوَّت بينه الأيام
__
غم هذا الوكت بيه شكد شفت
آلام ومُــعَــانَــات
أم الــِعـز جنت ومسبيه صرت
وامشي ويه السِبَيات
حالي شحالي وآنه بحبال أيديه مجتوفه
تـالـي عـمري أدخل سِبيه لـديـرة الكوفه
بـاجِـر عـالهزل مجتوفه بحبل ويشتمني العدو اشتام
شلون اتخليه وحــدي بكربله شسوَّت بينه الأيام
_____
َمَـنْ كَـال أنسحل مِـنْ أيدي أبحبل
وأصعد فـوك إلِجمَال
ماجــانـت أَبَـــــد في حسبان أحَـد
ولاخطرت علىٰ البال
أبـالـي جـانت لا أبــد ماجـانـت على بـالـي
أمشي يسيره وكوم العده يجروني بحبالي عالدنـيه العفه بنت المصطفه تمشي منكسه الهام
مـابـيـن الـمَله وحدي لكربله شسوَّت بينه الأيَّام
أون ونوح سبيَّه أروح
شسوَّت بينه الأيَّام
__
لا عـدنــه أبـوا ولاعدنه اخوا
يكبح هجمت الـخيل
من جانه السبي صحت بهالعبي
بـيـهـن جــلِّـبـن حيل
خيَمْنَه أحتركت وعن الخيام العبي التغينه
مــحَّـد يــكــدر ينظر علينه والعبي علينه
بس هذا الستر بــاقــي للخدر وحفظه اعلينه إلزام
وما نتجاهله وحدي لكربله شسوَّت بينه الأيَّام
أون ونوح سبيَّه أروح
شسوَّت بينه الأيَّام
___
لــيـل الـطف ظَـلَــمْ ومـاعــدنـــه خِــيَّـم
نكعد بيه ساعات
نــداوي إلـي إحتركِ إلداس اعله الحَسَكْ
ونـضَـمـد الجراحات
ليله وحده من عمري ثلثين اخذت وأكثر
موتـي بيها أتــوقــع إبـكـل لحـضه يتقدر
احسب للفجر ياساعــة ليِطر لوحكمونه اعدام
الموت شمسهله وحدي لكربله شسوَّت بينه الأيَّام
أون ونوح سبيَّه أروح
شسوَّت بينه الأيَّام
____
هالليله سَـهَـر والنوم انحظر شيغمض هـالـعـيـون
ياجـفن لنِعَس ويفتر الحرس عيوني تغمض شلون
لسهـر لـيلي ولزم حراسه اعله الحرم كلها
خافن واحد مِـنْ كوم اميه بغفله يوصلها
مِـنْ عيني عـمت لو واحـد جِـفــت وبنات النبي إنيام
شلون أتحَمَّله وحدي لكربله شسوَّت بينه الأيَّام
أون ونوح سبيَّه أروح
شسوَّت بينه الأيَّام
__
لـو طَــرَّ الـصـبـح جـم ذبحه أنذبح
بسجَاجِين الأحــزان
يـمشونـي بغصب بـصـيـاح وضـرب
يالله امشن ينسوان
بـلايــه دفـنــه أترك أخوتي أعله الترب موته
الذاري إجْفَنهَا ومنها الحصيره لتغدي تابوته
بسوط اتقرعت كـل مـاألـتِـفـت الكل تنظر لَجِدام
برفجة حرمله وحدي لكربله شسوَّت بينه الأيَّام
أون ونوح سبيَّه أروح
شسوَّت بينه الأيَّام
تمت بعونه تعالى
القصيدة من وزن مركب
شاعر اهل البيت(ع)
علاء وهيب الكناني
BY الناشر مصطفى المياحي
Share with your friend now:
tgoop.com/hxzeu1/60461