tgoop.com/hxzeu1/60175
Last Update:
بالحشر صك الامان ابــــــدفتري :
مسلم وشيعي وحسيني وجعفري
........
مسلم ومن عالم الذر عقلي ردد
ربي رب الكون وامنت ابمحمد
اي نعم ما شفته بس حبيته اشهد
ولعترته ادموعي ابقه اجريها علخد
همّه بس بيهم اكحّل ناظري
مسلم وشيعي وحسيني وجعفري
........
شيعي واتفاخر لأن حيدر أمامي
بسمه روحي اتهيم من دون الأسامي
شلون اعوفه وهوَ ماي وگلبي ضامي
وهوه امامي واعتصامي والمحامي
وغداً يَسقيني ماءُ الكوثرِ
مسلم وشيعي وحسيني وجعفري
........
مذهب الحق مذهبي وللجنه يهدي
واشكر الله ١٤ معصوم عندي
الهادي لوّل والأخير ايشبهه مهدي
ربي وفقني اصير ابجيشه جندي
كلمة السر بنتمائه العسكري
مسلم وشيعي وحسيني وجعفري
........
الماكو اسم الصادق وختمه ابهويته
خل يراجع نفسه ويصفيها نيته
كل شخص مسؤول باچر عن رعيته
هيچي جعفر علماهم جعفريته
گلهم : أوصاف اليطيب خاطري
مسلم وشيعي وحسيني وجعفري
........
يل تصب للصادق ابهليله عبره
اذكر المذبوح لو رايد تسره
لو نعا الناعي يدگ چان اعله صدره
ويطلب ابطور العراقي الناعي يقره
ربي بالصادق تثبّت جوهري
مسلم وشيعي وحسيني وجعفري
........
يل نذرت اسنينك اعله احسين خادم
مثلك الصادق يحب چان المآتم
يگعد ابّاب التعازي ودمعه ساجم
يسمع آ يحسين من اتصيح فاطم
اليستحق يصعد يگول ابمنبري
مسلم وشيعي وحسيني وجعفري
........
سيد علي عبدالزهره الناجي
BY الناشر مصطفى المياحي
Share with your friend now:
tgoop.com/hxzeu1/60175