tgoop.com/hussainalyasry/2714
Last Update:
علي باب العلم باب الحقيقه
علي سر الوجود البالخليقه
باب الحكمه حيدر سر الرحمه حيدر
___
علي باب الاله وسر رحمته
علي ماخذ علومه من حكمته
صوره لحكمة الرب وقدرته
شكد ايات خلاهه بحضرته
ايه بحكمته وايه بعطائه
ايه بارضه حيدر وبسمائه
موبس كلمه حيدر. سر الرحمه حيدر
____
علي الدين الحقيقي اللازم يصير
علي قرآن الهي وحجيه تفسير
علي الرايد يفهمه بفكرته يحير
شما قدر يشوفه باعله تقدير
علي الرايد يعرفه يبقى محتار
شما يلكاله سر ايتيهه باسرار
ياهو يفهمه حيدر. سر الرحمه حيدر
__
سر ايات ربنه ومعجزاته
بس طه النبي يعرف صفاته
واجب عالبشر ساعة صلاته
يذكر حيدر ويضمن نجاته
حيدر يكضي للمحتاج همه
يونس من نجه من الحوت باسمه
باسمه النعمه حيدر. سر الرحمه حيدر
___
حيدر خيمة الدين وعموده
خالق ربنه هالكون اعلموده
وسوه المعرفه لخاطر وجوده
علي يوازن الارض لحضة سجوده
علي نعمة الهه اعله البريه
علي سر النبي وسر الزجيه
عالي بعلمه حيدر. سر الرحمه حيدر
_
علي اصل الكرم اصل الكرامه
صفاته شكم نبي وباسمه الامامه
حيدر عالي من الله مقامه
لطف الباري عالكون وسلامه
سر الباري حيدر عالخلائق
علي قرآن سواه ربنه ناطق
كلشي باسمه. حيدر. سر الرحمه حيدر
_
علي اعظم بشر بعد النبي أحمد
على هاي العوالم كلهه تشهد.
حيدر طلك الدنيا و تجرد
لله والله كلشي انطاه بلا حد
علي بكيفه يخلي الكون يندار
علي مالك الجنه ومالك النار
قدره شعضمه. حيدر. سر الرحمه حيدر
__
#الشاعر حسين علي الياسري
BY الشاعر حسين علي الياسري
Share with your friend now:
tgoop.com/hussainalyasry/2714