tgoop.com/hussainalyasry/2708
Last Update:
ياهو يوصف حيدره. محد اليعرف تره
طه بس اللي دره
من وحي رب السماء بحيدر يصير الولاء
___
ياسلام اعله علي. من وحي ربٌ علّي
لاولي إلا الولي
حيدرٌ بالاوصياء. بحيدر يصير الولاء
__
بِعلي دينُ الالٰه. ورضاهُ من رضاه
واليهِ ارتضاه
سيدٌ للاولياء. بحيدر يصير الولاء
_
سر اله وايته. ياهو يعرف غايته
دينه لمه بصايته
بصايته صار العطاء. بحيدر يصير الولاء
____
سره عد ربه جبير. مايشاء الا يصير
وبشيرٌ ونذير
واليتبعونه اتقياء. بحيدر يصير الولاء
____
بس محمد يعرفه. ياهو يكدر يوصفه
وبس محمد ينصفه
من خَلِق ارض وسماء. بحيدر يصير الولاء
___
حيدره الدينه كريم. بسيفه هازم كل زنيم
وربنه من يشكر عظيم
شكر حيدر بالنقاء. بحيدر يصير الولاء
___
كل حرب تشهد اله. من يطب حيدر بله
تصبح اعداءه فله
بسيفه يقتل الأشقياء. بحيدر يصير الولاء
____
بسيف حيدر انتصَر. دين الاسلام انتشر
لوما حيدر بالبشر
يعيش الإسلام ابلاء. بحيدر يصير الولاء
___
منه الحسين انطلق. ومنه عباس انفلق
واسمه عد اعاده قلق
اسمه جان بكربلاء. بحيدر يصير الولاء
___
#حسين_علي_الياسري
BY الشاعر حسين علي الياسري
Share with your friend now:
tgoop.com/hussainalyasry/2708