Президент Администрацияси раҳбарининг суд тизимини ислоҳ қилиш бўйича ўринбосари Н.Хакимова бошчилигида суд соҳасидаги ислоҳотларнинг мазмун-моҳиятини тушунтириш ҳамда одил судлов самарадорлигини ошириш мақсадида Қорақалпоғистон Республикасида судьялар ҳамжамиятининг вакиллари билан мулоқот ўтказилди.

Ишчи гуруҳ аъзолари туман ва шаҳар судларида бўлиб, улардаги фуқаролар ҳамда судья ва ходимлар учун яратилган шароитларни кўздан кечирди, шунингдек, суд бинолари замонавий ва ҳар томонлама талабга жавоб бериши лозимлиги ҳақида мутасаддиларга тегишли тавсиялар берилди.

Каналга уланиш: 👇
@hudud_inform
Instagram | Facebook

Қонунчиликка кўра, етим болалар ва ота-она қарамоғидан маҳрум бўлган болалар томонидан ижарага олинган уй-жойларнинг ижара тўловлари тўлаб берилади.

📝 Бунинг учун “Онлайн-навбат” ахборот тизимига киритилган ушбу тоифадаги болалар “Инсон” марказига бевосита борган ҳолда ёки “Ягона миллий ижтимоий ҳимоя” ахборот тизимидаги “Уй-жой ижараси” модули орқали ариза билан мурожаат қилади.

✅ Ижара тўлови қуйидаги ҳолларда тўлаб берилади:

🔹 болага мулк ҳуқуқи асосида уй-жой ажратилмаган бўлса;

🔹 ижара шартномаси солиқ органларида ҳисобга қўйилган бўлса;

🔹 бола тегишли олий таълим ташкилотининг ётоқхонасига жойлашмаган ёки ижара харажатлари учун компенсация олмаётган бўлса;

🔹 бола билан тузилган меҳнат шартномаси “Ягона миллий меҳнат тизими” идоралараро дастурий-аппарат комплексида рўйхатдан ўтказилган бўлса.

Каналга уланиш: 👇
@hudud_inform
Instagram | Facebook

Германияда қурилиш ва техника соҳасида ишлаш учун имконият

Миграция агентлиги, Германия Федерал бандлик агентлиги ва Ҳунармандлар уюшмаси билан ҳамкорликда “Германияда иқлим бизнеси учун келажак истеъдодлари” дастурининг 3-босқичи бошланди.

Иш ўринлари сони: 50 та, ойлик маош: 2050 евродан. Турар жой Германияда таъминланади (300-500 евро ойига).

Имтиёзлар: немис тилини ўрганиш, стипендия, халқаро сертификат, авиачипта, суғурта ва бошқалар.

Талаблар: камида 2 йиллик касб-ҳунар таълими ва иш тажрибаси, 20-40 ёш, соғлом ва судланмаган бўлиш.

Батафсил маълумот ва рўйхатдан ўтиш учун: ҳавола, 1282, 71 202-33-55 (107, 106).

Каналга уланиш: 👇
@hudud_inform
Instagram | Facebook

#Toshkent_viloyati

🚌 Нурафшон шаҳрига замонавий автобуслар олиб келиниши давом этмоқда

Вилоятда йўловчи ташиш фаолияти билан шуғулланувчи “Nice trans” корхонаси томонидан ХХРда ишлаб чиқарилган замонавий 6 дона "Yutong" ҳамда 6 дона “Higer” русумли автобуслар келтирилди. Мазкур автобуслар Нурафшон шаҳар ичи йўналишларига жойлаштирилиши режалаштирилган.

Вилоятда жамоат транспорти хизматлари сифатини ошириш мақсадида жорий йил бошидан буён Олмалиқ шаҳрига 42 дона, Ангрен шаҳрига 15 дона ҳамда Нурафшон шаҳрига 8 дона автобуслар олиб келиниб, брутто шартнома асосида йўловчиларга хизмат кўрсатмоқда.

Каналга уланиш: 👇
@hudud_inform
Instagram | Facebook

Асакабанк хизмат сифатини янада юқори стандартга кўтариш мақсадида ҳудудий ходимлари учун ўқув тадбирлари ташкил этмоқда. Бу ҳақда банк ахборот хизмати маълум қилди.

Банк хизматлари марказлари (Мижозларга хизмат кўрсатувчи офислар) фаолиятини мувофиқлаштириш департаменти ўз стратегияси ва вазифаларини амалга ошириш доирасида ҳудудий масъуллари учун йирик семинар-тренинг тадбири ўтказди.

Семинарда департамент стратегияси ва миссияси тақдим этилди. “Мижоз йўли” мавзусида мастер-класс ўтказилиб, унда мижозлар билан ишлаш жараёнининг ҳар бир босқичи батафсил тушунтирилди.

Шунингдек, корпоратив стандартларга риоя қилиш ва операцион таваккалчилик ҳолатларини олдиндан аниқлаш масалалари муҳокама қилинди.

Асакабанк барча ҳудудларда хизмат кўрсатиш сифатини бир хил юқори стандартда таъминлаш, ходимлар салоҳияти ва билимларини ошириш йўлида изчил иш олиб боришдан тўхтамайди, дейилади хабарда.

Каналга уланиш: 👇
@hudud_inform
Instagram | Facebook